關卡密碼

關卡密碼（password）係電子遊戲機制一種。用呢種機制嘅遊戲多數係冇存檔機制，但又想玩家唔會一熄機就冇嗮啲進度，於是就用以下嘅做法：每當玩家過咗一關嗰時，隻遊戲會話嗰關嘅相應密碼佢知，等個玩家下次再開機玩嗰時，可以靠入密碼，畀隻遊戲知佢過咗嗰關。關卡密碼呢種機制常見於 1980 至 1990 年代嘅遊戲，但自從互聯網普及，玩家可以輕易噉上網知道嗮隻遊戲嘅密碼，所以經已好少可會有遊戲仲會用關卡密碼呢種機制。