陳百強
出自維基百科，自由嘅百科全書
陳百強（Danny Chan，丹尼仔，1958年9月7號—1993年10月25號）係1980年代香港樂壇嘅當紅廣東歌歌星，作曲人同演員。佢喺1992年突然昏迷不醒，17個月之後喺1993年過身。
[編輯] 冒起
陳百強未入行已經畀人知道有潛質。1977年參加【山葉電子琴大賽】得冠軍，同年，佢作首《Rocky Road》奪得【香港流行歌曲創作比賽】季軍。之後加入百代唱片公司，1979年推出第一張唱片《First Love》，裏面一曲《眼淚為妳流》令佢一炮而紅。1980年陳百強憑《突破》同《喝采》兩套片，再加埋兩套戲主題曲，令到佢好受年青人歡迎。1980年代初達到高峰。之後改簽華納唱片公司，推出了不少作品，有唔少係鄭國江作詞。早期作品就有《等》，《幾分鐘的約會》，《偏偏喜歡你》，《今宵多珍重》等等。1985年佢又簽DMI，一間百代同潘迪生合股公司，之後出咗幾張好掂嘅唱片。去到1980年代尾，佢又返返去華納。
[編輯] 死
1992年5月18號，陳百強被發現喺屋企昏迷，送到瑪麗醫院救治。喺醫院昏迷咗17個月後，喺1993年10月25號救唔返就死咗，享年35歲。喺香港殯儀館出殯後，遺體葬喺將軍澳華人永遠墳場。
陳百強死因眾說紛紜，比較可信嘅一個講法係食咗過量安眠藥同埋鎮靜劑引致昏迷不醒。
