陽宅風水，係風水一支，專講生人地方，住同做嘅環境係點，地方可以係屋企、公司、鋪頭、工廠。同死人地方嘅陰宅風水相對。有啲專門講人住嘅地方，叫家居風水。
風水流行於唐人社會，亦有啲唔係唐人信，因爲風水深藏唐人嘅人文社會，中國通、考古學家同地產經紀都要有啲認識。因爲風水不能用科學所證，有啲人會認爲佢迷信。
家居風水講究擺設布局，好似大門、窗口見到乜，有冇煞氣，擺乜嘢去擋煞咁，以保屋企人行好運。風水師會提議擺唔同，好似八卦鏡、魚缸、石獅、銅錢等等，各有唔同用途。
