電話

出自維基百科，自由嘅百科全書

電話係用電信號傳送話音到遠方嘅通訊器材。家下電話都靠公眾電話網絡畀唔同用戶同大家聯絡。

喺2002年嘅6月15號，美國國會就歷史上嘅電話發明者進行 269 號決議，確認係安東尼奧穆斯（Antonio Meucci），1860年佢喺紐約嘅意大利文報紙上面展示咗第一部電話與及講解。雖然美國人亞歷山大貝爾（Alexander Graham Bell）之後都一樣發明電話，不過就唔係過去認為嘅第一個，但係佢對推廣電話好有影響。

特別一提，同貝爾同期發展電磁傳聲電話嘅，重有另一個美國人艾利沙．奇勒，同埋歷史留名嘅偉大發明家－－愛迪生（Thomas Alva Edison），只係貝爾比其他兩個人早少少申請到專利，所以當初嘅發明權歸佢。

隨住時代科技嘅進步，電話已經唔使話一定要喺固定位置先用得到；而家幾乎每一個人都會擁有一部冇電話線拉住，小巧到可以隨身袋住嘅手提電話。