手提電話

出自維基百科，自由嘅百科全書

手提電話（英文portable phone或者mobile phone），簡稱手提或者手電，係可以周圍都講到嘅電話，唔使喺固定地點用。除咗好似傳統電話咁可以用傾之外，新一代手提電話更可以用來打短訊、收發電郵，甚至可以上互聯網，影相錄片。

手提電話係一推收發站來維持通訊，站連住公共電話網絡，咁樣，呢推站組成手提電話網絡。站與站之間訊號係會重疊，以免通訊中斷。早期叫手提電話網絡做蜂窩，因為網絡覆蓋就好似蜜蜂竇裏面嘅格，一個貼住一個。六角型分佈可以起最少嘅站，最大覆蓋率。英文蜜蜂竇一格格叫cell，所以英文又叫做cellular phone。

有一啲電話都好似手提電話周圍傾，不過就唔係用手提電話網絡。衛星電話就一例，係直接同天上面嘅人造衛星轉駁。呢類一般都唔當係手提電話。

早期手提電話都幾大部，大細同水壺差唔多，重有人整電話型嘅水壺𧷗，所以啲人就叫佢做水壺，因只係有啲錢嘅人先會用，所以就係身份像徵，啲人就叫佢做大哥大。

另一講法係，香港電視節目星星同學會有集搵咗洪金寶做嘉賓，話大家成龍做「大哥」，洪金寶輩份重高過佢，所以大家叫佢做「大哥大」；而佢又自稱係香港第一個擁有手提電話嘅人，所以手提電話就因為佢而有「大哥大」之稱^{[未記出處或冇根據]}。