香港年度漢字

香港年度漢字係香港嘅年度漢字評選活動，歷嚟有兩個機構搞過，分別係建制派政黨民主建港協進聯盟（民建聯），同埋香港語言關注組織KongHub。

沿革[編輯]

2013年開始，民建聯開始搞「香港年度漢字評選」，但因為佢係親政府嘅，而且會預先篩選出十個字畀公眾投票，所以未必反映到成個香港社會嘅觀點。

2019年民建聯未有再搞香港年度漢字，亦無其他機構接手搞。

2023年民建聯原本諗住又唔搞，跟住香港語言關注組織KongHub宣稱「由民建聯手上奪回主辦權」，舉辦「香港人年度字投票」，完全開放畀網民提名同投選。結果民建聯反悔決定繼續搞返，令2023年有兩個香港年度漢字。