香港舞台劇獎係香港舞台劇界嘅主要年度獎項，1992年由香港戲劇協會創辦，目的係總結香港舞台劇壇每年嘅成績同表揚一班有出色表現嘅戲劇工作者，鼓勵香港戲劇界提升製作水平，令觀眾能夠欣賞到更多精彩嘅作品。由第五屆開始，香港電台加入成為合辦機構，透過電台節目同相關宣傳，為舞台劇發揮更廣泛嘅推廣作用。
選舉評審團包括職業劇團嘅藝術總監或行政人員、專業戲劇文化工作者、戲劇評論工作者、香港戲劇協會團體會員等，並由專業會計師擔任核票工作，務求結果具有代表性同公信力。
