馬勒當拿
出自維基百科，自由嘅百科全書
馬勒當拿（Diego Maradona，1960年10月30號—）係阿根廷足球員，好多人都認佢做「球王」。
馬勒當拿係喺阿根廷首都布宜諾斯艾利斯出世，十幾歲就已經好好波。1976年佢第一次代表阿根廷，但係嗰幾年都冇乜表現。1982年世界盃馬勒當拿重踢傷人攞紅牌。嗰陣時佢打西班牙班霸巴斯隆那，但巴斯隆那唔滿意佢，1984年賣咗佢畀意大利球會拿玻里。馬勒當拿好快就幫隊波𨭞咗聯賽。
馬勒當拿足球生涯嘅高峰係1986年世界盃。馬勒當拿喺嗰以精湛球技帶住阿根廷捧世界盃，其中半準決賽對英格蘭佢一扭六就更被FIFA選做史上最靚球波。馬勒當拿當選世界盃最佳球員。之後佢又帶領拿玻里贏幾屆意甲冠、亞軍，1989年又贏埋歐洲足協盃。
馬勒當拿喺1997年掛靴；之後吸毒上咗癮而要去戒。間唔中佢執教過阿根廷幾隊波，但就贏3輸8。
