Online (Brad Paisley嘅歌)
《Online》係一首美國鄉村歌曲，喺2007年7月2號發行，呢首歌係由布萊德·道格拉斯·派斯里主唱。派斯里亦有份寫呢首歌，首歌係佢同埋苙喱士以及杜波三位合作創作出黎嘅。呢首歌係收錄喺唱片大碟「第五套裝備」“5th Gear”裏邊嘅第二首單曲。呢首歌嘅MV贏咗鄉村音樂協會2007年度音樂影片大獎。
歌詞內容[編輯]
呢首歌嘅歌詞係想諦吓個網絡世界有幾咁荒謬。首歌話有個MySpace網絡發燒友，佢喺披薩舖頭有份工，佢仲同阿爸阿媽住，佢成日都想溝女，佢係個5呎3嘅肥仔，科幻小說迷，有少少哮喘，不過佢一上網喺MySpace就變咗個萬人迷，佢話：「在線，我就喺荷里活，我6呎5，仲好靚仔，開瑪莎拉蒂，空手道黑帶，鍾意飲翻杯醇釀靚酒。」佢仲話自己住喺加利福呢亞州馬利布，係身材性感嘅大隻佬，仲做埋Calvin Klein同GQ模特兒添，佢話會同兩個女人三方同時上線吹水。但係其實佢都好清楚係自己冧自己，即係呃自己話：「在線型好多」。
樂評[編輯]
有樂評話呢首歌將派斯里個巨星姿態，對比出網絡發燒友默默無聞嘅無奈何，可以話係首霸凌歌。
MV[編輯]
呢首歌個MV個導演係亞力山大 Jason Alexander ，佢自己扮埋個網絡發燒友。個MV請到曾經飾演「卻搹船長」Captain Kirk嘅威廉·瑟得納William Shatner飾演阿爸一角，仲有幾位名成利就嘅藝人助陣演出，包括愛絲黛兒·哈里斯Estelle Harris。佢哋呢首歌個MV好有心思整得好攪笑，好多笑點要睇多幾次先至識笑。首歌一上載YouTube就大受歡迎，而家已經超過一千五百萬點閱。
