Wikipedia:管理員

出自維基百科,自由嘅百科全書
跳去: 定向搵嘢
捷徑:
Wikipedia:ADMIN
Wikipedia:SYSOP
Wikipedia:MOP
Wikipedia:GLY

管理員係喺維基百科度擁有更多技術功能嘅維基人,用嚟幫手維護網站,呢種權限叫做Sysop權限。維基嘅政策係向一啲活躍、而且喺社群入面得到大家信任嘅用戶,開放呢個權限。

請求幫手 - 成個管理員嘅一覽表 - 申請做管理員

就編輯責任嚟講,佢哋同其他所有維基人都係平等嘅。有啲維基人會覺得,所謂「管理」或者「站長」嘅叫法唔係好啱,因為管理員其實都只不過係一群維基百科的用戶。管理員係並冇高於其他用戶嘅特權,唯一可以做嘅只係實現用戶討論後的決定。

維基百科啱啱開始嗰陣時,所有用戶都做到而家管理員要做嘅嘢嘅;到而家,理論上,大家都應該係噉。即便冇額外嘅技術功能,任何用戶都可以好似管理員噉辦事,例如改善文章、提出刪除文章、改善頁面等等。當然唔可以冒稱話係管理員啦。其實噉樣嘅用戶會更有可能獲得其他用戶提名做正式嘅管理員。

社區期望管理員去做需要額外管理員權限嘅日常事務,好似處理文章刪除討論、實踐大家討論後作出嘅共識(保留或刪除),睇實新開或者最近更改過嘅文章、迅速明顯嘅破壞,以及幫其他用戶處理需要管理員權限嘅請求。管理員應該係社群入面較為有經驗嘅成員,所以有時用戶求助會轉介畀管理員,問問佢哋嘅經驗或者意見。一般嚟講,管理員應該係中立嘅,唔會直接介入用戶之間嘅問題。

具體啲講,佢哋有啲咩做?[編輯]

Wiki軟件有幾樣限制咗嘅重要功能。喺呢啲限制咗嘅功能之中,管理員係有權進行以下嘅工作。(新嘅管理員,請先睇睇Wikipedia:管理員指南。)

保護頁面[編輯]

  • 保護同埋取消保護頁面。喺好嚴謹嘅情況之下,嗰頁先至會被保護。要知道相關資料同埋指引,請睇Wikipedia:保護政策。呢一個權限亦都應用喺半保護政策之中。

刪除同埋反刪除[編輯]

  • 刪除頁面,包括圖片同佢哋嘅頁面歷史。相關資料同指引,請參考Wikipedia:刪除指引。睇完指引以後,如果你覺得某一頁真係要刪除嘅話,請去Wikipedia:刪除投票。有時,管理員要刪除嘅純粹係技術嘢,例如為咗文章改名而移除重定向頁,又或者要整返好一啲壞咗嘅編輯歷史。有時,管理員要做嘅就係清除垃圾或者剷除侵犯版權嘅內容。

一撳復原[編輯]

  • 快速復原(revert)頁面。登入咗同埋未登入嘅用戶,都可以將頁面修改成返到去以前嘅版本噉。管理員有一個快啲、自動嘅回復工具,去幫佢哋回復匿名編輯所進行嘅破壞。管理員喺用戶嘅貢獻頁度,會有一條好似咁嘅連結: [還原] – ,喺嗰篇文章編輯歷史嘅最頂度出現。管理員撳個連結時,就會自動復原到嗰位用戶所有編輯之前嘅版本,另外編輯摘要會自動寫成(恢復咗阿甲嘅編輯到阿乙嘅版本),同時亦標明為小編輯。
  • 對於唔係屬於簡單嘅破壞編輯,唔好去用一撳復原進行回復;請用手動嘅復原方式,同時要喺編輯摘要之中加上註解。


回復破壞工作唔使喺最近更改度顯示[編輯]

  • 管理員可以喺最近更改度,隱藏破壞嘅編輯。要睇返嘅話,就要喺有關用戶貢獻嘅URL嘅最尾處加返&bot=1,例如http://zh-yue.wikipedia.org/w/index.php?title=Special:Contributions&target=Example&bot=1。當撳咗喺貢獻表上面嘅回復連結,呢次回復同埋原先嘅編輯,都唔會出現喺預設嘅最近更改版面度。bot標記本身係用喺機械人編輯度嘅;因為機器人係用嚟幫人做啲大量嘅濕碎功夫,所以如果機器人嘅編輯都顯示晒出嚟,會淹沒晒成個最近更改頁。所以,呢種修改會標示做「機械人」,噉即係嗰啲嘅編輯會喺最近嘅編輯中隱藏落嚟,除非你撳咗「機械人」嘅連結,設定佢做hidebots=0。呢啲編輯照樣會喺用戶貢獻表、頁面歷史同監察清單度顯示。呢個功能嘅目的,係為咗喺恢復大量破壞時,減少騷擾睇最近更改嘅人。呢個唔係用嚟退回管理員唔鍾意嘅更改,只係用喺簡單嘅破壞度,尤其係大量破壞。

封鎖同解封[編輯]

  • 封鎖個別IP地址、IP段、同埋用戶戶口。可以封鎖到指定限期,或者永久封鎖。
  • 解封個別IP地址、IP段、同埋用戶戶口。

設計同埋修訂介面嘅用語[編輯]

  • 管理員亦都可以修改喺MediaWiki:Monobook.css、即係適用於整個粵語維基百科嘅顯示外表,好似字體大細、行距呀噉。

其它[編輯]

其他需要管理員嘅權限先至做得嘅功能,包括有:

想做管理員?[編輯]

如果你已經嚟咗呢度有一段時間,想得到sysop嘅權限,請去Wikipedia:申請做管理員度,參考嗰度嘅指引、加入你個大名,跟住由各位用戶進行討論,睇吓達唔達成到共識,畀你成為管理員。

建議你喺請求管理員權限之前,先花一段時間寫吓維基百科文章,等其他用戶睇到你、認同你嘅行事作風。

另外記住,每種語言嘅維基百科,都可能會有唔同嘅管理員政策。

喺維基百科,一個人建立多個戶口喺一啲情況之下係容許嘅,但只會有一個戶口有管理員嘅權限。

請小心!:如果你嘅權限已經係批准咗嘅話,提提你喺用呢啲功能嘅時候必須特別小心,尤其係刪除頁面同埋頁面歷史、刪除圖像(係永久性㗎!)、同埋封IP地址嘅能力。你可以睇吓Wikipedia:管理員指南學吓點樣去運用呢啲新權限。喺用任何管理員權限之前,亦都應該睇吓管理員閱讀一覽度連結嘅頁面。

管理員可以喺呢啲地方幫手[編輯]

管理員權限喺有啲時候特別有用。

其它用戶權限類型[編輯]

除咗管理員之外,維基百科重有好多唔同種類嘅用戶。以下大概按照佢哋權力嘅大細,由細至大去排列。喺呢個一覽表度,管理員係位於機械人同埋Burreauctats之間。另外請睇睇Wikipedia:用戶權限等級

IP地址[編輯]

匿名用戶個名會顯示成IP地址。呢啲重未登入嘅訪客,仍然做到好多嘢,包括最重要嘅:編輯文章同埋幫手做維護工作啦。

已經登入咗嘅用戶[編輯]

已經登入咗嘅用戶,除咗可以做匿名用戶所有嘅嘢之外,重可以上載檔案移動頁面、同頁面改名、建立自己嘅用戶頁,同埋開始寫新嘅文章。即刻去Special:Userlogin開返個新戶口啦!

機械人[編輯]

開咗機械人狀態嘅用戶,佢哋嘅編輯係唔會喺最近更改度顯示嘅。多數機械人都會做嘅大量嘅濕碎編輯。

事務員[編輯]

事務員(Bureaucrat)可以將其他人變做管理員,但係唔可以取消用戶嘅管理員功能。事務員權限,係由呢度嘅其他事務員、或者執行員(steward)賦予嘅。事務員賦予管理員權限嘅紀錄,可以喺Special:Log/rights度搵到;執行員賦權嘅紀錄,就喺Meta:Special:Log/rights度。通常嚟講,賦予管理員權限嘅都會係返自己計劃嘅事務員。

執行員[編輯]

執行員(steward)可以改變任何用戶、喺任何維基媒體計劃嘅修改權限。即係話,佢哋可以賦予或者取消用戶嘅管理員權限,同埋將某啲戶口劃做機械人戶口。佢哋做嘅嘢紀錄喺Special:Log/rights on meta。想要執行員幫手,請去m:requests for permissions搵佢哋。正常嚟講,佢哋唔會做啲一般事務員做到嘅嘢。

技術員[編輯]

技術員(Developers)擁有最高程度嘅技術使用權,可以直接修改MediaWiki軟體、以及維基媒體基金會(Wikimedia)嘅頁面同數據庫。佢哋除咗檢查用戶分身及修改編輯者嘅名稱之外,基本上唔行使管理員職責。

你可以通過wikitech-l郵件列表聯絡佢哋。呢度有技術員名單以及進一步嘅資料。

管理員濫權[編輯]

管理員如果濫用佢哋嘅權限,可以「燉佢哋冬菇」,即係剝奪佢哋嘅權限。暫時,占美·威爾斯開聲要求、或者維基仲裁委員會嘅表決,係剝奪管理員身份嘅可能方法。佢哋可以斟酌運用比較輕微的徵罰,包括限制管理員權力,用嚟「應付」麻煩的管理員。監管員負責剝奪管理員權限。請參閱Wikipedia:解決爭論,或者喺元維基Meta)度申請。

處理投訴[編輯]

如果你認為管理員對你或者其他編輯有唔啱嘅行為,你應該直接同佢講。試吓有秩序、文明噉作出和解。如果你兩個唔能夠解決問題,你可以根據Wikipedia:解決爭論作進一步行動。最後會根據討論共識,而做出最後決定。

做管理員唔係啲乜大件事[編輯]

響2003年3月,占美·威爾斯就講過「做管理員都唔係啲咩大件事」。佢話管理員只係操作員:

I just wanted to say that becoming a sysop is *not a big deal*.

I think perhaps I'll go through semi-willy-nilly and make a bunch of people who have been around for awhile sysops. I want to dispel the aura of "authority" around the position. It's merely a technical matter that the powers given to sysops are not given out to everyone.

I don't like that there's the apparent feeling here that being granted sysop status is a really special thing.

– Jimbo Wales, wikimedia.org 歸檔項目, gmane歸檔項目

咁當然,當佢唔係啲咩大件事,但響申請之前應該要得到社群嘅信任。

請參閱[編輯]

事實: 響維基百科度有93,836位用戶,只有9位係管理員;即係大約響10,426用戶,就有一位管理員,又或者響1,000位用戶度,就有0.1位管理員。   而家,管理員唔係警察,好多嘅用戶唔係活躍嘅,呢啲統計係唔可以完全噉去比較,但係響美國城市度,佢哋嘅比例係每1,000位居民就有2.5位警察。   咁響你需要一位管理員嗰陣,『嘥有一位喺左近』會唔會好啲?