Wikipedia:管理員留言板

管理員留言板係一個畀咁多位管理員(Special:Listusers/sysop)共商維基事，同埋畀其他維基人揾管理員幫手嘅地方。有乜事要提出，可以開新節。如果各位想傾計，請去後面嘅討論頁。

• Wikipedia:當年今日/5月15號 / 時人時事 / 你知唔知
• 新頁 / 新圖 / 新人貢獻 / [1]
• Category:即刻刪除候選
• http://ws.arin.net/whois/?queryinput=$1
  • http://www.apnic.net/apnic-bin/whois.pl?searchtext=$1
  • http://www.lacnic.net/cgi-bin/lacnic/whois?lg=EN&query=$1
• Wikipedia:詢問處:{{Subst:上次編輯|20080221154450}}{{Subst:上次編者|218.102.106.16}}
• Wikipedia:幫助櫃枱:{{Subst:上次編輯|20070907131604}}{{Subst:上次編者|Jealousy}}
• 新維基友留言:{{Subst:上次編輯|20071216021558}}{{Subst:上次編者|Vfshurmher}}

• [−] 維基百科維修

[+] 維基百科清理

[+] 中立性爭議

[×] 主題唔知重唔重要嘅文

[×] 主題重要性唔清楚嘅維基百科文

[+] 全部有人要求刪嘅文

[×] 全部需要加長嘅文章

[+] 冇分類嘅頁

[+] 維基百科刪除

[×] 區域觀點

[×] 要合併文

[×] 喺被人保護左嘅頁到改嘢嘅要求

[+] 所有包含咗冇參考資料嘅句子嘅頁面

[×] 所有要改風格嘅文

[+] 搬嘅請求

[×] 有原創研究嘅文

[×] 有啲嘢冇根據嘅文

[+] 未睇得嘅文章

[+] 楔位文章

[×] 等緊更新嘅頁

[×] 粵語維基文庫

[+] 維基字典

[×] 維基百科捷徑盒需要修正第一參數

[×] 維基百科提議

[+] 維基百科機械人

[+] 維基百科維修模

[×] 維基辭典

[+] 編輯緊嘅文

[×] 缺少主語或者主語唔夠具體嘅語句

[+] 翻譯請求

[×] 要加長、改好啲嘅文

[×] 要寫過嘅文

[×] 要改風格嘅維基百科文

[×] 要譯成粵語嘅文章

[×] 譯咗嘅文章

[×] 維基百科軟彈

[+] 隱藏類

[+] 需要校對嘅文章

• 舊話

打大佬

各位，留意meta:User:Drini/daylog，見大嘢即刻封 ip。如果可能係open proxy，可以封一年到無限。* -- :-) Hillgentleman | 書 | 二零零七年十一月二十三號（星期五）格林尼治 03點44分00秒。

近排砌緊botwiki:python:revertAll.py，未試用過，大家可幫下眼。* -- :-) Hillgentleman | 書 | 二零零七年十一月二十三號（星期五）格林尼治 05點03分51秒。

botwiki:python:revertAll.py - :而家整埋反搬文同洗版。雖然寫得求其（出好多無謂嘅錯訊號），但見到大單嘢時，將就住用得。測試喺度：botwiki:contributions/hillgentleman ("sysop") , botwiki:contributions/hillgentleman1 ("vandal") * -- :-) Hillgentleman | 書 | 二零零七年十一月三十號（星期五）格林尼治 03點11分01秒。

近排又改靚咗少少。無操作員權根都用得。* -- :-) Hillgentleman | 書 | 二零零七年十二月八號（星期六）格林尼治 22點25分13秒。

域名

想跟進一下有關改域名做 yue.wikipedia.org 嘅申請。請問申請係咪已經提出咗？ - CantoneseWiki 2007年12月8號 (六) 20:48 (UTC)

你喺bugzilla:8217舉咗手未？[2]* -- :-) Hillgentleman | 書 | 二零零七年十二月八號（星期六）格林尼治 22點25分13秒。

好似成年都無行動。HenryLi 2008年7月22號 (二) 02:10 (UTC)

係啦，我有冇嘢幫到呀？--WikiCantona 2008年7月22號 (二) 03:15 (UTC)

我再響個bug加啲comment,希望有人理.HenryLi 2008年7月22號 (二) 06:31 (UTC)

要求保護標題

請保護唔俾開呢版：Wikipedia:同儕互評/2009年8月/(篇文個名)，原因:經常錯誤嘅標題，因為係Wikipedia:同儕互評一Click開就會呢版。—之前未簽名嘅留言係由Horacewai2 (留言 • 貢獻) 響2009年8月31號 (一) 10:06所加入嘅。

改咗少少，保護咗。 Shinjiman ⇔ ♨ 2009年8月31號 (一) 11:20 (UTC)

報告系統錯誤

請睇呢一版，之後留意下第一行後面多左個c字，請跟進。-程 (傾偈) 2009年9月2號 (三) 07:39 (UTC)

請協助...

Wikipedia:正文候選/篇文個名請防止建立，原因：Wikipedia:正文候選一Click就入到去。--程 (傾偈) 2009年9月5號 (六) 08:00 (UTC)

申請保護幾個投票模

今日由中文維基引入咗幾個喺洗版投票入面會用嘅投票模，為咗唔好比人破壞，希望被保護。如果呢啲模無需要用到，亦可刪除。分別係Template:刪除、Template:保留同埋Template:移動。唔該！--Latphor (傾偈) 2011年1月11號 (二) 06:33 (UTC)

如果對項目有意見嘅話，直接打出意見就得喇，好似冇乜必要投票掛帥。共識係由充分嘅討論而來嘅，因此覺得呢啲模冇乜需要會用到佢哋。 Shinjiman ⇔ ♨ 2011年1月11號 (二) 10:33 (UTC)

無錯，呢度主要用討論去決定而唔係投票，希望你了解。－HW (傾偈) 2011年1月11號 (二) 12:23 (UTC)

收到！Latphor (傾偈) 2011年1月12號 (三) 03:14 (UTC)

Urgent Help and Warning: the IP address, 212.121.219.1 is engaging in serious hacking activities, not just simple acts of vandalism in the other Wikipedia encyclopedias.

Warning: the IP address, 212.121.219.1 registered to Oldham MBC public libraries, and which is permanently blocked in English Wikipedia since 2009, is the source of serious hacking activities. Please be on guard against this IP address. —之前未簽名嘅留言係由88.224.57.36 (留言 • 貢獻) 響2012年5月15號 (二) 23:12所加入嘅。

Re 88.x & SC96: probably refers to large amounts of vandalism and hacking of Wikipedia servers, because it's a public shared IP. The latter is not our worry; we can deal with the former by recent changes patrol. 翹仔 2012年8月21號 (二) 09:24 (UTC)

同類型唔同命名嘅文章問題

而家有啲文係同類型，但係命名方式好唔同嘅，好似：

• 「xxxx年死」同埋「xxxx年訃聞」，後者嘅命名方式完全睇唔到係經共識改嘅，而之前幾次改名嘅理由亦睇唔出有幾大說服力
• 現有三篇（1944、2008、2012年）夏季奧運嘅文嘅命名方式有三個完全唔同嘅版本

應唔應該花啲時間去統一個命名方式？SC96 (傾偈) 2012年8月10號 (五) 16:03 (UTC)

可唔可以 link 嚟睇吓你講嘅問題？--WikiCantona (傾偈) 2012年8月10號 (五) 22:12 (UTC)

• 2009年訃聞、2010年訃聞（2006-2008、2011同2012年嘅都係「xxxx年死」）
• 1944年夏季奧林匹克運動會、第二十九屆奧林匹克運動會（京奧）、2012年倫敦奧運會

另外啱啱記起同中國皇帝有關嘅文都係噉，一啲用廟號一啲用真名，例子可以睇Category:大唐皇帝（當然唔止大唐皇帝咁少）。SC96 (傾偈) 2012年8月11號 (六) 14:29 (UTC)

睇落．．．我嘅意見係咁嘅：

• 「xxxx年死」係最好嘅，訃乜聞唧，有訃聞格式咩？
• 2012年倫敦奧運會 係最 informative 嘅，有年份，地方，同乜嘢；呢個做法可以寫成：「XXXX年YY（冬季）奧運會」或「XXXX年YY（冬季）奧林匹克運動會」where XXXX=year YY=地名。
• 至於皇帝就咪搞喇。皆因現朝對前朝／遠古嘅人嘅叫法都係因人因時因睇法，有排拗，亦想唔到乜嘢好理由點解用一種命名法，為統一而統一唔咁好嘅。--WikiCantona (傾偈) 2012年8月11號 (六) 17:47 (UTC)

粵語素來都標榜留傳較多古文元素，爾點係我哋所引以為豪嘅地方。遣詞用字係要睇語境，喺中文來講，一般都會委婉其辭，以表尊重，講「走咗」、「過世」，而唔會直呼「死」。中文維基百科用「逝世」，日文維基百科用「訃報」，請問邊個大中華地區語言嘅維基百科會直用「死」，毫不尊重？直用「死」字，讀者讀起上來亦只會覺得好怪。爾個係因為中文語境當提到死者姓名，特指咗個人之後，就唔會再用「死」字。而係改用其他。墓碑，你幾時見過「死於咩咩年」，係用「卒於」。如果嫌「訃聞」太文縐縐，驚有格式問題，咁我會建議轉用「過世」。總之，一定唔係單字一個「死」。唔知想點。

至於奧運，個人覺得唔使提主辦城市個名，因為爾個並非重點。就咁「咩咩年奧運會」就得。以上。--J.Wong 2012年8月12號 (日) 09:42 (UTC)

皇帝名稱，我會建議參照文言維基百科同中文維基百科做法，統一使用廟號，好似唐德宗咁。爾個做法絕對合符慣例過直呼其名。--J.Wong 2012年8月12號 (日) 09:48 (UTC)

我並不建議用廟號，何以忌諱人名。事實有啲都唔係廟號，亦有啲無廟號。HenryLi (傾偈) 2012年8月12號 (日) 13:58 (UTC)

古人有講死喎，係親人先忌。如宋史寫岳飛，「未幾，同死，飛悲慟不已。每值朔望，必具酒肉，詣同墓，奠而泣。」宋史都直寫岳飛師父周同死。古人都直寫，今人驚乜？啲人又唔係同我哋有親，又何必忌死？HenryLi (傾偈) 2012年8月12號 (日) 13:58 (UTC)

多數皇帝都係廟號多啲人知，本名反而唔係咁多人知。我相信爾個亦係點解文言維基百科同中文維基百科都用廟號而唔用本名嘅原因。

至於講死字唔好，並唔係話要忌啲咩，而係要尊重死者。都係嗰句，今時今日，中文之中，對話特指咗個人之後，就唔會再用個「死」字。日常對話如是，新聞亦如是。爾個就係今時今日，粵語，乃至中文嘅慣常用法。重有，贛語維基百科都係用「2012年過世」。都幾想知點解粵語維基百科要咁「獨特」，咁「別樹一幟」。--J.Wong 2012年8月12號 (日) 14:51 (UTC)

唔覺同尊重有乜關係，你都叫佢地「死者」，唔係「已逝者」，平時講嘢係咁，寫嘢梗係咁。之前呢個問題講已經傾過，用死係冇問題。--WikiCantona (傾偈) 2012年8月12號 (日) 16:56 (UTC)

唐德宗，功積非顯赫，唔係內行，人家鬼知乜水，同叫李適又有乜分別？更者，終唐一代，出名如李淵、李世民、李治、李隆基，街知巷聞，根本唔使乜嘢廟號。何況有啲帝王，連廟號都無，或者由廟度趕走。

廟號係後人用來評帝王。帝王終其一生，從未用過，用來做名，够晒奇怪。再者，篇篇文都用人名，唯獨帝王有名唔用得？帝王係奇人？HenryLi (傾偈) 2012年8月13號 (一) 12:52 (UTC)

唔好避重就輕。我講死者係因為我無特指任何一個人，爾點完全符合慣常用法。反而，用「死」根本唔合慣常用法。正如先前咁講，當篇文有提到死者姓名，慣常做法就唔會再用「死」字。睇上面，爾點係你哋無人反駁到嘅。而且你哋亦都無解釋到點解唯獨粵語維基百科咁獨特，所持究竟係咩理據。煩請提供當日討論紀錄。同埋，傾過唔代表啲咩，有問題就要再傾。

Li君，憑以上對答，我估你對中國歷史有返咁上下認識。我都唔敢班門弄斧，免得失言，貽笑大方。但我又真係好唔明，我真係好想請教你，如果廟號係你講得咁唔好，咁唔係個個帝王都用到，點解文言、中文、日文、韓文、越語，甚至乎連英文、德文、法文、俄語維基百科都係用廟號或者後世安嘅名，而唔係用真名呢？就咁睇上去，爾個會唔會其實係慣例、慣常做法呢？當然我唔係話無維基百科用真名，但真係少之又少。而且啱啱諗到，往後絕對可以有人叫李適而值得收錄，但重有幾可會有人叫唐德宗呢？「李適」係普遍嘅；「唐德宗」係絕少有人會用來做名嘅。--J.Wong 2012年8月19號 (日) 01:04 (UTC)

Wong君所言需回應。先講大多數人覺得「死咗」、「死」唔係問題，例如：睇呢度：

• 不敢苟同。「死左」係中性嘅詞語，不褒不貶，直言不諱，我唔覺得有乜嘢唔禮貌。「釘咗」就真係唔多客氣喇，因為「釘蓋」多數係用來鬧人。致於「去咗」、「過咗身」，呢尐只係因為忌諱、唔想用個「死」字嘅講法，我認為只係「怕『死』」嘅做法，唔覺得客氣過「死咗」。 -- 敦 (傾偈) 2011-03-18T16:03:16+00:00

唔係獨特唔獨特嘅問題，邊個做法合理係重點。閣下之見，一句講晒：人人都係咁，點解要搞獨特。跟閣下嘅 logic，跟本大部份都係用書面語寫嘢，點解要搞個廣東話維基百科呢？去「中文」維基百科就掂晒啦。--WikiCantona (傾偈) 2012年8月19號 (日) 03:15 (UTC)

再講，1. 乜係「合慣常用法」先？2. 凡係死人都要尊重，咁「希特拉」要尊重；定鬧餐死，有啲人就要尊重，有啲就唔要？？？唔係，維基百科中立咁講事同觀點，講人講事毋須要表達個人觀感，唔理你尊重唔尊重佢，「歌功頌德」、「單一觀點」唔係維基百科嘅目的。若果「尊重」死人，連「死」都唔講得，使唔使幫佢隱惡揚善？！悲栽，悲栽。--WikiCantona (傾偈) 2012年8月19號 (日) 09:41 (UTC)

唔好意思。遲咗囘。有關廟號。外國維基，呢類題目，但求齊全，好多時都係左抄右抄，邊個做先，咪抄邊個囉。唔會有太多人理呢個問題。所以從眾嘅意思不大。

人要死後先廟號或者謚號，但廟號同謚號，由於歷史複雜，各國文化不同，年代演變又有不同，有時用廟，有時用謚，有時用年，有時用名，往往唔一致。中文維基喺呢面都要因應各廟各代，又有唔同叫法。而開國君主，又特登用返名。

點解就唔簡簡單單，用人名，而要研究咁複雜？少人提嘅君主，用邊個都一樣會搵到，根本唔會有問題。如果連唐德宗都知，多數知佢叫李適。有時會同你講啱啱相反。幾多人知南漢後主，但劉鋹，就有廣東話鋹鷄呢個傳說。曹丕會多人識過魏文帝。曹操會多識過魏武帝。劉禪有號安樂思公無人用，李世民家傳戶曉，愛新覺羅氏溥儀。我就記得太子李亨，得郭子儀打返長安，做咗皇帝，唔記得叫佢做乜宗。史上有時用名，有時用號。歷史往往好複雜，有啲號甚至改過來，或者撤走。有乜令覺你用人名唔得？HenryLi (傾偈) 2012年8月21號 (二) 16:11 (UTC)

感謝回應。「死」，無疑理論上係中性詞，爾點無可否認。我唔打算喺道再拗啲咩。不過好唔鍾意閣下斷章取義，我之所以引其他維基百科做法為例，係希望大家諗諗當中因由。當其他維基百科都咁做，咁就一定有佢哋嘅原因。爾個原因會唔會係粵語維基百科社群諗漏咗呢？即係咁呀，當全世界都係咁做嘅時候，而你唔係咁做，通常就只有兩個情況，一就係你行得先過任何人；二係你落後於人。咁粵語維基百科究竟係行先過人定落後於人呢？而唔係閣下講到咁，如果要以彼之道，還施彼身，咁我係埋應該斷章取義咁樣回應你、「串（反諷）」你︰「咁係咪即係話『過世』好唔中立？即係其他先前講過嘅維基百科都好唔中立？即係先前提過嘅維基百科社群都怕死？」咁講，講唔講得通？你聽咗又舒唔舒服？請勿再咁樣對答，無論如何，爾類對答都淨係有添怪戾而無濟於事。再講，你開得張單來寫，個名係埋都應該夠清楚至好？《2012年死》，好老實講，一開頭喺「最近修改」道見到，我係唔知咩來咖，現實中邊有人會命個咁嘅題。語意不詳，此題不善。--J.Wong 2012年8月20號 (一) 02:09 (UTC)

Wong君有唔鍾意，本人明白，只係對事唔對人。當你覺得粵語維基百科社群諗漏咗嘅時候，借問聲，人地諗咗啲乜嘢，問題係閣下又無有條理咁講出人家之理由所在，人地點解咁做，合唔合理，人云亦云並非好事。對「死」嘅討論，唔只一兩次。希望Wong君可以考慮，不防去其他維基百科問吓，其做法優勝之處，再返嚟分享吓。『過世』唔係唔中立，只係委婉(euphemistic)，我亦唔知佢地係唔係怕死。有直接、簡單嘅，梗係用直接、簡單嘅死。語意不詳之名題，不善之題亦有唔少，如果閣下睇見，歡迎改善改善。講開又講，喺「中文」維基百科，我睇到佢地古怪用詞好似「條目」，「模板」，一頭霧水。--WikiCantona (傾偈) 2012年8月20號 (一) 05:30 (UTC)

唉，唔想再拗，再拗落去，都無濟於事。折衷而為，我建議改名做《2012年死（逝）者名單》以全其義，令人一目了然。你點睇？--J.Wong 2012年8月20號 (一) 07:46 (UTC)

「名單」係一篇文 ("article")，我哋而家講緊嘅係分類 ("category")，兩者喺維基百科嘅定義差好遠。加多個括號只會更加唔方便讀者同編者，「折衷」唔到。翹仔 2012年8月21號 (二) 09:19 (UTC)

重有，「逝世」只講人，死嘅有 八爪魚保羅，剎人鯨海威，都列入。--WikiCantona (傾偈) 2012年8月20號 (一) 09:17 (UTC)

咦，無諗過添。不過我唔覺得用「逝世」代替「死」可以解決呢個問題：我覺得動物都可以用「逝世」。翹仔 2012年8月20號 (一) 15:57 (UTC)

我個人支持繼續用「xxxx年死」，因為正如上面有人講過，「死」一個單字觀點最中立。一個「死」字亦都最簡潔。英文維基百科一向都叫人用詞唔好避忌，我覺得呢點我哋應該跟佢哋嘅做法。。翹仔 2012年8月20號 (一) 15:57 (UTC)

好似開始有少少九唔搭八……翹仔呀，不嬲呢道都係講緊《2012年死》等爾啲文嘅名，而唔係講緊同名分類呀。嗱，問題咪出來囉，咪就係「簡潔」到連內部溝通都可以有咁嘅誤會囉。重有，我括住係想畀另一個選擇出來啫。既然咁唔想所謂避忌嘅話，我倡議全部改做《ＸＸＸＸ年死者名單》，好令讀者一目了然。--J.Wong 2012年9月17號 (一) 05:00 (UTC)

咦，原來我自己撈亂咗。唔好意思。翹仔 2012年9月20號 (四) 18:10 (UTC)

啱啱睇返上面嘅討論先發覺Henry君已經回覆，都明白你嘅意思。既然係咁，請問會唔會打算統一用名？--J.Wong 2012年9月17號 (一) 05:20 (UTC)

...乜而家唔統一咩？(Category:各年死一覽好似全部都一樣格式。)如果要統一，我建議都係用返xxxx年死。翹仔 2012年9月20號 (四) 18:10 (UTC)

維基媒體技術大使

是咁的，維基技術日新月異，結果更新軟件嘅時候成日會唔小心整爛嘢。好似粵語維基咁嘅蚊型社群最首當其衝，因為我哋人少，唔多得閒理元維基嗰邊發生緊咩事，例如之前namespace本土化嗰單嘢就已經搞到我哋一鑊泡。

而家維基媒體基金會想開個「技術大使計劃」，等我哋呢啲蚊型社群嘅朋友可以參與維基技術嘅開發討論，費事又試「先推行，後諮詢」，等問題殺到埋身嘅時候先發現。有興趣嘅自己撳落條拎度，登記加入wikitech-ambassadors。翹仔 2012年9月20號 (四) 18:17 (UTC)

技術大使計劃有新公告，煩請大家去睇吓。 [3]。內容大致係簡介而家 MediaWiki 開發員同埋各個小維基之間嘅溝通問題，同埋一個解決問題嘅路線圖。 翹仔 2012年12月7號 (五) 22:24 (UTC)

User:Fête

User:Fête，又叫User:馮輝，早前因為佢喺法文維基百科同埋法文維基詞典嘅所作所為而畀steward global ban咗。鑑於阿輝喺粵語維基百科有過千貢獻而冇特別破壞，負責ban佢嗰個steward User:Quentinv57 叫我問吓各位管理員想唔想本地解封佢，畀佢繼續貢獻。翹仔 2013年2月9號 (六) 18:34 (UTC)

User:Fête之前俾我禁咗一排，因為都搞咗唔少嘢，好多「貢獻」都係冇乜實際改善篇文，有一排用咗IP來寫嘢，唔算好差，呢排都冇乜出現。至於User:馮輝我覺得佢搞過嘢啵。My view - keep global ban for User:Fête, but let User:馮輝 contribute locally. --WikiCantona (傾偈) 2013年2月9號 (六) 18:45 (UTC)

佢全部account都global block晒。User:馮輝似係User:Fête畀人global block咗之後開嘅account。翹仔 2013年2月9號 (六) 19:02 (UTC)

明白，禁佢一排先，建議半年做上限。--WikiCantona (傾偈) 2013年2月9號 (六) 19:05 (UTC)

封人嗰個steward話七月佢個IP會自動解封，佢會人手解封User:Fête。翹仔 2013年3月17號 (日) 00:14 (UTC)

奧運會條目命名事宜

承上討論，建議統一奧運會條目嘅命名方式，等唔使咁亂，而且睇返上面嘅討論，爾樣係拗得無咁厲害嘅一項。都好希望各位可以就爾樣傾返個共識。小弟建議個格式係2012年倫敦奧運會。--J.Wong 2013年3月3號 (日) 10:43 (UTC)

咪住。乜而家好唔統一咩? 翹仔 2013年3月4號 (一) 23:22 (UTC)

我唔重覆啦，請睇返上面嗰個討論。唔該。--J.Wong 2013年3月16號 (六) 18:53 (UTC)

爭一篇唔同啫。我搬咗嗰篇。翹仔 2013年3月17號 (日) 00:12 (UTC)

都講過，xxxx年地點奧運會 - 我贊成。--WikiCantona (傾偈) 2013年3月17號 (日) 01:43 (UTC)

外文譯名間隔號提案

近排殘陽孤侠同埋WikiCantona因為呢篇文開過片，而家斟得七七八八。為方便大家以後合作，所以而家清楚提案，規管點樣處理原文有多過一個字嘅外文譯名。請睇WP:VPP#外文譯名間隔號提案。翹仔 2013年3月25號 (一) 23:41 (UTC)

各位幫幫手

端午節圖示

端午節圖示

可唔可以用作端午節嗰日嘅圖示？--　　白菜 打畀農場 有機證明 2013年5月2號 (四) 14:42 (UTC)

可唔可以高嘅解像度？呢個好似低過而家用緊嘅logo。翹仔 2013年5月3號 (五) 11:11 (UTC)

不好意思翹仔，因為我部電腦最多都係.png，仲有可唔可以畀而家嘅用緊嘅logo個快勞我。--　白菜 打畀農場 有機證明 2013年5月3號 (五) 11:19 (UTC)

我係用File:Wikipedia-logo-v2-zh-yue.png，一樣都係.png。所以……--　　白菜 打畀農場 有機證明 2013年5月3號 (五) 11:22 (UTC)

而家嘅Logo就係File:Wikipedia-logo-v2-zh-yue.png。　白菜 打畀農場 有機證明 2013年5月4號 (六) 14:12 (UTC)

可唔可以？--　白菜 打畀農場 有機證明 2013年5月4號 (六) 10:46 (UTC)

---

• 如果有共識決定決定好，我就喺端午節嗰日File:Wikipedia-logo-v2-zh-yue Duanwu.png上傳到File:Wikipedia-logo-v2-zh-yue.png，因為可以記錄到Logo版本歷史，而File:Wikipedia-logo-v2-zh-yue Duanwu.png唔洗刪。

喺端午節嗰日放出嚟一日就轉番。　白菜 打畀農場 有機證明 2013年5月4號 (六) 14:12 (UTC)

等多一兩個管理員出聲先。翹仔 2013年5月4號 (六) 21:12 (UTC)

近期新文

近呢幾日多咗勁多新文，但好多都係譯啲唔譯啲，唔鹹唔淡咁，想跟都跟唔掂，可唔可以幫手跟一跟？SC96 (傾偈) 2013年5月4號 (六) 15:22 (UTC)

請刪除炸菜

開文嘅XRTIER將「炸菜」重定向去「榨菜」，完全係縱容習非成是，因為將「榨菜」寫成「炸菜」完全係錯別字作怪。維基百科唔應該縱容錯別字。 — 粵語文學大使殘陽孤侠 2013年5月10號 (五) 21:30 (UTC)

將成日見寫法重定向「正字」，好多時會咁用。當用家搵，輸入「炸菜」（可能皆因有人喺街市會咁寫），就會重新定向「榨菜」。如果刪咗，用家就可能錯過呢個資訊。--WikiCantona (傾偈) 2013年5月10號 (五) 23:30 (UTC)

Google:炸菜，目前顯示的是以下字詞的搜尋結果： 榨菜。　白菜 打畀農場 有機證明 2013年5月11號 (六) 14:44 (UTC)

[4]。　白菜 打畀農場 有機證明 2013年5月11號 (六) 14:45 (UTC)

咁請問使唔使同所有可能嘅錯別字組合開晒跳轉頁呢？好多時咁做，唔代表咁做就一定正確。高考寫錯別字都要扣分啦！更何況真係有人用油來炸唔喺榨菜嘅菜（例如日本嘅天婦羅、星馬地區嘅炸菜餅等）噃！就算炸菜唔刪除，都唔可以跳轉去榨菜，因為咁樣可能會變相鼓勵人用錯別字。 — 粵語文學大使殘陽孤侠 2013年5月12號 (日) 22:26 (UTC)

更改時人時事

2013年菲律賓公務船射殺臺灣漁民事件。　白菜 打畀農場 有機證明 2013年5月13號 (一) 08:27 (UTC)

出咗。--WikiCantona (傾偈) 2013年5月15號 (三) 14:03 (UTC)