三十年戰爭係由神聖羅馬帝國內戰演變成嘅歐洲大戰,喺1618年到1648年,啱啱打咗三十年仗。呢場仗係天主教狂熱者神聖羅馬皇帝費迪南二世喺帝國強推天主教,觸發波希米亞新教徒反抗開始,後來瑞典同法國等國都加入戰鬥,最後以哈布斯堡皇室簽《威斯特伐利亞和約》結束呢場仗。
呢場仗死咗大概八百萬人,日耳曼各邦國總人口少咗兩成。