不可知論
 |
呢篇文夾雜北方中文，唔合乎粵語嘅用字、句式、文法。 如果你做得到，可以改善下呢篇文。 |
不可知論（Agnosticism），又叫做不可知主義，係一種哲學觀點，係因人對認識事物嘅認真程度過高造成嘅，係對於世上知識（如神、魔法）抱住不滿情緒嘅理論。
目錄 |
[編輯] 名字嘅來源
agnostic 呢個英文嚟自希臘語 a（冇）同埋 gnosis（認識），係最早係1869年由英國嘅托馬斯·亨利·赫胥黎創造嘅，用嚟描述佢嘅哲學。
[編輯] 分類
隨住人嘅心態，不可知論可以有以下咁多個分歧：
[編輯] 一啲哲學觀點
著名嘅不可知論哲學家有：托馬斯·亨利·赫胥黎、達爾文同埋羅素。
[編輯] 中國
喺論語入面，孔子話：「子不語怪力亂神」，反映佢曾經避免相信嗰啲野。亦都講過：「未知生，焉知死」，反映佢唔想知死住。
[編輯] 古希臘
不可知論係古希臘哲學入面以懷疑論嘅形式出現。佢嘅支持者有普羅泰格拉斯（智者著有《論神》，呢本書一開始就話：「講起神，我冇把握話佢哋係存在定係唔存在，亦都唔敢講佢哋係點樣；因為有好多嘢阻住我哋確切嘅知識，例如問題嘅晦澀同埋人生嘅短促。」）、皮洛（極端懷疑主義哲學家）同埋Carneades。
[編輯] 托馬斯·亨利·赫胥黎
雖然不可知論嘅基本觀點同懷疑主義一樣古老，但係赫胥黎特別創造咗「不可知」同「不可知論」呢兩個字，用嚟概括佢對同時代形而上學主義，特別係冇條件（哈密爾頓）同不可知曉（赫伯特·斯賓塞）呢兩個新發展嘅睇法。因此搞清楚赫胥黎本人嘅睇法好重要。佢喺1869年先開始用「不可知」呢個字，但係佢自己嘅意見搞掂得早過佢。喺畀查爾斯金斯利嘅一封信（1860年9月23號）入面，佢廣泛咁講解咗自己嘅感想：
- 「我唔肯定又唔否認人會永生。我係冇理由相信佢，又冇得反駁佢。我又冇先驗嘅原因嚟反對呢個教育。人到咗成日都要用嚟對付自然環境嘅時候，就冇心思關心乜嘢『先驗』嘅困難啦。只要好似嗰啲我相信嘅事物一樣畀我足夠嘅證據，我就信佢。有咩唔信嘅理由呢？要講奇妙玄奧嘅話，呢個永生論未有力嘅守恆論或者物質不滅論嘅一半水準……」
- 「唔使同我打比喻或者講乜嘢概率。當我話我信反平方定理嘅時候，我知道我指嘅係乜嘢。我唔會將我嘅生命同希望寄託喺更脆弱嘅信條上……」
- 「喺我知道可能係堅嘅嘢入面，我嘅個性係我最有把握嘅。但當我一諗吓佢究竟係乜嘢，就陷入語言嘅微妙之處。我成日就喺自我同非我、本體同現像等嘅廢話上面折騰咗咁耐，重未發現到：想思考呢啲問題嘅過程已經超出咗人類智力所能做嘅地步……」
[編輯] 查爾斯·達爾文
1879年，當達爾文撰寫自傳嗰時，收到封信，問佢有神論同進化論係唔係相容，佢係唔係信神。佢話「可能會係個熱心嘅有神論者同進化論者」，例如金斯利（Charles Kingsley）同亞薩格雷（Asa Gray）嘅引證，對達爾文佢嚟講「永遠唔係一個否認神存在嘅意義上嘅無神論者」。佢又話「我覺得一般嚟講（隨住我有年齡增長）但唔一定係，『不可知論者』對我嘅睇法係一個更加正確嘅描述」。
[編輯] 勃特蘭·羅素
勃特蘭·羅素嘅小冊子《我點解唔係基督徒》係對不可知論信條嘅經典闡述。呢本同名小書係基於佢1927年喺發表嘅演講。文章首先簡單咁講羅素反對有神論嘅論據，然後又反對基督教教義道德。最後佢就呼籲佢嘅讀者要用「無懼嘅態度同開放嘅智慧」「獨立自主、公平正直咁睇嘢」。
喺羅素後來嘅小冊子《我係無神論者定係不可知論者？ 》（副標題：面對新教條所持容忍態度嘅辯論）入面，佢肯定，佢喺哲學意義上係一個不可知論者，唔知道神係咪真係存在。而喺同一部作品入面，佢亦都接納，無神論者呢個稱呼可以更好咁表達出非哲學追隨者嘅宗教姿態。
[編輯] 同其他哲學思想嘅關係
[編輯] 懷疑論
雖然不可知論好似懷疑論，但佢哋係唔同嘅，不可知論同實證主義方法一樣，而懷疑論就同實證主義方法唔一樣。實證主義強調自然科學同社會科學嘅成就同可能。懷疑論者甚至會同無神論（Atheism）、有神論（Theism）、創造論（Creationism）、智慧設計論（Intelligent Design）一樣咁反對不可知論。
另外一個唔同嘅地方係，懷疑論嘅質疑對像係知識，不可知論嘅質疑對象係真理同神。
[編輯] 無神論
無神論果斷咁否認神嘅存在，所以亦都反對不可知論對神嘅存在抱住嘅可能性。而不可知論係主張人類冇辦法可以知道世上嘅真理，認為無神論武斷又魯莽。
[編輯] 邏輯實證主義
邏輯實證主義者，如卡納普（Rudolph Carnap）同艾耶爾（AJ Ayer），對不可知論嘅諗法係錯嘅。佢哋提出嘅論據維根斯坦嘅名著《對於嗰啲唔講得嘅，一定要收聲》， 當任何有關神嘅言論係純粹謬論。邏輯實證哲學家同類似嘅思想學派嘅擁護者認為， 有關宗教或者其他超然存在經驗嘅陳述冇事實價值，都要當成冇意義。但呢個係包括一切有關神嘅言論，甚至係嗰啲否認識得神嘅可能性嘅不可知論都一樣。喺《語言、真理同邏輯》入面，艾耶爾明確咁反駁不可知論——因為不可知論喺話明上帝係冇得知嘅，但又話神有意義。
[編輯] 抄嘅嘢
篇文用過大英百科全書第十一版，因版權年滿內容已經歸公。
[編輯] 參考
- 托馬斯·亨利·赫胥黎，《托馬斯·亨利·赫胥黎文選》，ISBN 1-85506-922-9
- 托馬斯·亨利·赫胥黎，《人係自然嘅位置》（Man's Place In Nature），ISBN 0-375-75847-X
- 伯特蘭·羅素，《我點解唔係基督徒》，ISBN 0-671-20323-1
- 大衛·休謨，《關於自然信仰嘅對話》，ISBN 0-14-044536-6
- 阿爾弗雷德·艾耶爾，《語言，真理和邏辑》，ISBN 0-486-20010-8
[編輯] 睇埋
[編輯] 外來嘢
- 國際無信仰者論壇BBS
- The Secular Web
- 我點解唔係基督徒 作者羅素（Bertrand Russell）（1927年3月6號）
- 關於不可知論嘅反思同引用
- 斯坦福百科全書哲學卷
- 不可知論者同懷疑論
- 不可知論者同懷疑論
- 對不可知論嘅睇法
