先生

出自維基百科,自由嘅百科全書

先生教書先生[1],又叫做教師老師,佢嘅工作通常係幫助學生去學嘢,或者係傳授書本上嘅知識畀學生。但係啲先生喺唔同情況下嘅工作會唔同,連個稱呼都可能會有分別,例如响香港中學流行叫先生做Sir男人)或者Miss女人)。

而【先生】呢個來源比較古老,古語有云,學無前後,達者為先。即係學術上比先就係先生咁,係一種尊敬人嘅叫法。《白虎通德論卷四辟雍》「尊師重先生之道也」,所講嘅先生就係教師噉解。大陸民國時期有一首小調山歌不唱忘記多,亦都有一句好比先生敎學生。而先生係敎師呢個用法一直保留響白話地方同日本

因為以前教得書嘅大部份都係男人,所以後尾有人用「先生」呢個叫法做男人尊稱,為咗分別,有人叫教書先生。女教師都可以叫做「先生」。

睇返古文,真係教到人嘢嘅先叫先生,唔係求其搵個男人都叫先生。而家啲人叫男人做先生,實情係濫用咗「先生」呢個尊稱。廣東話尊稱男人,係叫人乜生,例如陳生李生張生。自漢朝起,學儒嘅人係叫乜生物生,睇史記就知。《史記屈原賈生列傳》「賈生名誼,雒陽人也。」呢句嘢尊稱賈誼做賈生。《史記酈生陸賈列傳》「高祖使陸賈賜尉他印為南越王。陸生至,尉他魋結箕倨見陸生。」呢句嘢尊稱陸賈為陸生。日本都尊稱人做「san」。

先生亦都有其他叫法,好似古代中國就稱呼做夫子咁。孔子就俾人尊稱佢做孔夫子。

種類[編輯]

先生通常係喺以下呢啲地方做嘢:

  • 幼稚園
  • 小學
  • 中學
  • 大學:大學裏面敎師有高低之分,所以唔同銜頭,通常有教授(Professor)、博士(Doctor)、講師(Lecturer)同埋導師(Tutor / Instructor)。另外,由於大學生通常已經係成年人,所以啲學生通常係直接叫佢哋個名(例如 Peter, L.C.)
  • 補習社
  • 興趣班:呢啲好多時都係叫導師(Instructor)

睇埋[編輯]


[編輯]

  1. "先生 (sin1 saang1 | xian1 sheng5) : mister, Mr.; husband; teacher - CantoDict". www.cantonese.sheik.co.uk. 喺2023-07-29搵到.