切爾諾貝爾核災

出自維基百科,自由嘅百科全書
切爾諾貝爾核電廠位置
切爾諾貝爾核電廠附近廢棄咗嘅普里皮亞芝
普里皮亞特廢棄咗嘅樓

切爾諾貝爾核電廠核災,喺台灣叫車諾比核電廠核災,喺大陸叫切爾諾貝利核事故,係1986年4月26號附近喺蘇聯切爾諾貝爾核電廠(家下烏克蘭境內)引發嘅核災。呢次事故被認為係史上最嚴重嘅核災,亦都係國際核事件分級表入面第一個評為第七級(最嚴重)嘅核災。

1986年4月26號凌晨1點23分(UTC+3)切爾諾貝爾核電廠四號反應堆爆炸,輻射大洩,31人即刻死咗,60萬人受核輻射,4千人因為呢個原因而患死咗。兩日之後莫斯科電台話出事,無講傷亡損毀,四日後海外傳媒大肆報道。

呢次災難造成一共兩千億美金嘅損失(通脹亦列入呢個計算),令到切爾諾貝爾核災成為近代史上最「貴」嘅其中一件災難事件。核電廠附近嘅切爾諾貝爾普里皮亞芝城變成鬼域