利維夫省

利維夫省（波蘭文：Województwo lwowskie ） 係波蘭第二共和國嘅一個省。 根據德蘇互不侵犯條約，喺1939年9月利維夫省嘅西部俾德軍佔領咗，而東部就俾蘇聯紅軍佔領咗。直到1944年8月，波蘭既地下管理都仲存在。二戰完咗之後，利維夫省嘅西面還咗俾波蘭，而普熱梅希爾以東嘅地方包括首府羅沃，都因為史太林喺德黑蘭會議堅持喺二戰之效繼續佔領波蘭東部嘅緣故，而割讓咗畀烏克蘭蘇維埃社會主義共和國。.

人口

利維夫省最大同最重要嘅城市係羅沃（而家屬於烏克蘭利維夫州利維夫）。利維夫省總共有27個縣、58個市鎮同埋252個村。喺1921年利維夫省有278萬9千人口。喺1931年，利維夫省嘅人口升到3百12萬人，而利維夫省都成為咗1931年波蘭人口最多嘅省，嗰年利維夫省嘅人口密度係每平方公里110人。 利維夫州係個多種族嘅地方，利維夫州嘅主要民族波蘭族佔咗總人口57%（波蘭族主要分佈喺呢個就嘅西面）、烏克蘭族（主要分佈喺呢個州嘅東面同埋東南面）佔咗總人口嘅33%、同埋猶太人（主要分佈喺市鎮）佔咗總人口嘅7%。利維夫省都有好多個少數民族包括亞美尼亞人同德意志人。喺1931年，利維夫省嘅識字率係23.1%，同成個波蘭嘅平均水平差唔多，而嗰陣利維夫省嘅識字率都係波蘭前東部領土裏面最低嘅.

位置同面積

利維夫省嘅面積28,402平方公里（10,966平方英里）。佢喺波蘭南部，南面係捷克斯洛伐克、西面係格勒古夫省、北面係盧布林省同埋東面係烏利伍省、薩尼石窩省 同埋塔爾諾波爾省。利維夫省嘅北面屬於丘陵地帶同埋南面係多山嘅地方。根據1937年1月嘅數據，森林總共佔咗利維夫省土地嘅23.3%高過嗰年成個波蘭嘅森林佔比（嗰年森林淨係佔咗波蘭土地嘅22.2%。

城市同縣

羅沃係利維夫省嘅首府，都係利維夫省最大嘅城市，喺1939年羅沃有三百一十百萬人口。羅沃都係波蘭東南面最大嘅城市同埋波蘭第三大城市I（排喺華沙同胡芝之後）。呢個省仲有好多個好重要嘅中心分別係， 普熱梅希爾 (喺1931年有51,000人口)、 鮑里斯拉夫 (.41,500人口)、 德羅霍貝奇 (32,300人口)、 熱舒夫 ( 27,000人口)、雅羅斯華夫 (22,200人口)、森堡 (22,000人口)、 沙洛 (14,300人口)同埋 Gródek Jagielloński (12,900人口).

利維夫省嘅縣

1938年利維夫省嘅行政區劃。

鐵路同產業

戰間期嗰陣嘅波蘭俾非正式咁分咗兩個部分，波蘭「A」代表發展得比較好，而波蘭“B''就代表發展得冇咁好。啱啱好利維夫省就喺呢兩個區域嘅邊界。利維夫省嘅羅沃市同埋南部地區嘅Boryslaw同Drohobycz都係有好多石油嘅地方。

波蘭語言分佈(根據1931年波蘭人口普查)

省長

• Kazimierz Grabowski, 1921年4月23號 – 1924年6月30號
• Stanisław Zimny, 1924年3月10號 – 1924年12月4號
• Paweł Garapich, 1924年12月30號 – 1927年7月28號
• Piotr Dunin-Borkowski, 1927年7月28號 – 30 April 1928
• Wojciech Agenor Gołuchowski, 9 July 1928 – 29 August 1930
• Bronisław Nakoniecznikoff-Klukowski, 29 August 1930 – 6 July 1931
• Józef Rożniecki, 22 July 1931 – 30 January 1933
• Władysław Belina-Prażmowski, 31 January 1933 – 14 April 1937
• Alfred Biłyk, 16 April 1937 – 17 September 1939

1939年9月之後

根據德蘇互不侵犯條約，喺德國同蘇聯入侵咗波蘭之後，利維夫省嘅西面俾德國佔領咗，而東面就俾蘇聯佔領咗。利維夫省嘅西面俾德軍佔領咗之後，被併入咗波蘭總督府；而蘇聯佔領咗呢個省嘅東面之後， 呢個省東面（包括羅沃）就成為咗烏克蘭蘇維埃社會主義共和國嘅一部分。喺1941年7月之後，利維夫省嘅東部俾德國佔領咗，之後德國將佔領咗嘅東面劃入咗波蘭總督府；直到1944年8月，波蘭嘅地下抵抗組織都仲存在。而家波蘭嘅東部邊境喺1945年確立咗，之後利維夫省嘅西面成為咗熱舒夫省嘅一部分；喺1999年之後，所有前利維夫省西面嘅土地都成為咗喀爾巴阡山省嘅一部分。

而前利維夫省嘅土地，而家就成為咗烏克蘭嘅利維夫州。