制高點

出自維基百科,自由嘅百科全書
跳去: 定向搵嘢

制高點係地形上一點,比周圍高而有利戰術。例如山頂、大廈天台,總之要高過敵人。

由高打低嘅好處有:士兵郁得快啲,無咁快攰,掟嘢(矛、石頭等)亦都掟得遠;指揮員企得高睇得遠、視野闊,方便戰術調動。

好斜嘅、多石嘅地型,例如山簏(mountain sides),可以阻擋坦克同裝甲運兵車,或者以前啲騎兵同戰象。例如喺阿富汗--蘇聯戰爭裏面,啲阿富汗鬥爭者en:mujahideen遊擊隊佔據阿富汗山區,就唔怕蘇聯軍啲機動師。蘇聯軍侷住要倚靠啲直升機支援,但直升機會成為美國畀嘅FIM-92 刺針地對空飛彈嘅目標。高地勢同地對空飛彈保護啲鬥爭者,任佢哋打游擊而唔怕覆沒。

1423年 Battle of Horic道,Taborite 士兵搶佔高地,逼Utraquist 騎兵落馬同佢哋打,亦減弱佢哋啲火炮。Taborite 兵最後一衝落山殲滅埋Utraquists 餘部。

但係高地唔一定好。中國嘅三國時代,街亭一戰,蜀漢軍佔山頂,被魏軍喺山下面包圍,斷水斷糧、供應同埋救兵,最後大敗,而北伐亦係咁先。

睇埋[編輯]