厄爾尼諾南方擺動現象

厄爾尼諾南方擺動現象係一個異常嘅氣侯現象。喺太平洋，呢個現象包含咗兩樣嘢：厄爾尼諾同埋拉尼娜，係指太平洋東部同埋中部嘅熱帶海洋嘅海水溫度唔正常咁持續變暖。「厄爾尼諾」喺西班牙文係解「嗰個細路」咁解，喺度係指聖子耶穌，因為喺聖誕節嗰陣呢個現象喺南美洲西岸對開嘅海面比較明顯。「拉尼娜」係「嗰個女仔」嘅意思。呢個現象對於南半球嘅氣侯係明顯嘅，喺1923年英國嘅基利伯‧湯馬士‧獲嘉爵士（Sir Gilbert Thomas Walker）第一次提到，同呢個現象有密切關係嘅獲嘉循環就係用佢嘅名嘅。南方擺動係反映大溪地同埋澳洲達爾文之間每個月或者每季一次嘅氣壓變動。最近一次厄爾尼諾係喺2006年9月 同埋2007年初之間。