外匙

外匙（foreign key）係關係數據庫上嘅一個概念，指條匙會連去第張表嘅主匙嗰度。舉個例說明，想像下圖嘅數據庫，要記埋每一個學生係由邊位導師（Tutor）主要負責教嘅，間學校嘅數據庫仲另外有張表係記住有關啲導師嘅數據嘅（下面冇擺出嚟睇），而每位導師都有個 5 個位嘅數字表示佢嘅導師號碼（導師號碼係導師數據嗰張表嘅主匙），而學生張表嘅 Tutor 就係用導師號碼嚟表示每個學生由邊位導師負責，例如阿 Jack 嘅導師係導師號碼 83026 嗰位，而嗰兩個讀化學嘅阿 John 咁啱由同一位導師負責。喺學生呢張表入面，Tutor 就係一條外匙^[1]。