天保山

天保山
喺上空望落天保山公園一帶
海拔	4.53米（15英尺）
位置	日本大阪港區天保山公園入面
座標	34°39′29.0364″N 135°25′57.6369″E
天保山 天保山嘅地理位置

天保山（粵拼：tin1 bou5 saan1；日文：天保山てんぽうざん^(Tenpōzan)）係日本大阪一山，喺港區西南偏西嘅天保山公園入面。不過海拔好矮，淨得4.53m（相當於一層樓高嘅倉庫）。佢繼日和山同靜山之後嘅世界第三海拔最低嘅山。

呢座山喺天保二年（1831年）防治安治川（而家係舊淀川）嘅洪水同埋方便啲大型船隻入大阪用而將挖出嘅沙泥堆積成人工山。初期高度有20米，嗰時係旅遊景點。不過喺安政元年（1854年）因防治沙俄（而家係俄羅斯）侵略而剷咗部份山泥嚟整炮臺，高度亦大幅下降，到明治年代時，山頂剷咗7.2m。昭和卅三年（1958年），座山演變成公園。日本經濟喺1960年代尾開始發展後，座山周邊因大量開採地下水令座山嘅地質成日下沉，山頂高度一降再降，海拔亦喺昭和46年（1971年）同昭和52年（1977年）先後下降到7.1m同埋4.7m，直到平成5年（1993年）下降到得返4.53m。1996年7月1號，日本國土地理院發行嘅地形圖寫咗呢座山入去，名亦透露咗係「天保山」，山頂亦整咗二等三角測量站，喺大阪市政府嘅官網亦講到佢係「日本海拔最低嘅山」。

不過呢個紀錄淨維持到2014年4月8號為止。2014年4月9號，日本國土地理院重新考察過國內啲山嘅海拔高度，定咗喺仙台嘅日和山成爲日本海拔最低嘅山，天保山亦取消咗「日本海拔最低嘅山」嘅資格。