宿松

出自維基百科,自由嘅百科全書

宿松粵讀:suk1 cung4[1])係中華人民共和國安徽省安慶市嘅縣。面積2393.53km²,人口81萬(2010年)。

[編輯]

宿松地方原名叫「松滋縣」(或者寫成松茲),據《晉書》《太平寰宇記》,晉咸康三年(337年)因為戰亂,有啲松滋人走咗去今日湖北荊州避難,因為人好多設僑郡安置,結果喺荊州整多個松滋縣出來[2]。到隋文帝開皇十八年(598年)爲咗分開呢兩個重名嘅縣,就將舊有嘅松滋縣改名爲宿松縣,意思係「舊松滋縣」。而新嘅松滋發展到今日成為荊州市嘅縣級市松滋市

政區[編輯]

宿松轄9個鎮、13個鄉、2個單位

  • 鎮:孚玉鎮、復興鎮、匯口鎮、許嶺鎮、下倉鎮、二郎鎮、破涼鎮、涼亭鎮、長鋪鎮
  • 鄉:高嶺鄉、程嶺鄉、九姑鄉、千嶺鄉、洲頭鄉、佐壩鄉、北浴鄉、陳漢鄉、隘口鄉、柳坪鄉、趾鳳鄉、河塌鄉、五里鄉
  • 單位:九成監獄管理分局、華陽河農場總場

[編輯]

  1. 宿讀suk1嘅原因在於呢隻字喺呢處嘅意思係「老」、「經驗豐富」等,比如「宿將」係指經驗豐富嘅老將。地名釋義詳見「史」部分。
  2. 「於荊土僑置松滋縣。」