差人

出自維基百科,自由嘅百科全書
 呢篇文講嘅唔係公安
芝加哥嘅差人

差人粵拼caai1 jan4),又叫差役caai1 jik6同埋警察ging2 caat3中國大陸度依家係由公安gung1 on1抑或人民警察(簡稱民警)去執行呢部分嘅職權,而香港仲係由警務處所屬嘅專職警隊去負責執法。差人一般有權拉人返差館問話;有出街行嘅,又有坐寫字樓文職;分軍裝同埋便衣。

香港警察舊時俗稱叫做綠衣或者大頭綠衣。香港成為英國殖民地之後,就出現咗屬於香港嘅警隊。而嗰陣時警察成員大多數係印度人,由於香港人慣咗叫印度人做「阿差aa3 caa1)」,加上差又有衙差嘅意思,所以喺兩者結合之下,香港人就慣咗叫警察做差人。

名同衍生詞彙[編輯]

「差役」係粵語入面最先對「Police」嘅嗌法[1],呢種嗌法嚟自中國歷史上面分布喺唔同地方嘅治安機構「衙門」入面負責執行差事嘅「衙門差役」,後嚟演變做「差人」,至於「警察」就係再後嚟先由第啲語言度引入嘅。

由於嗰陣時嘅粵語社會將呢種職業嗌做「差人」,於是衍生咗好多同「caai1」呢隻字有啦掕嘅詞語,譬如差佬(後生就嗌差仔)係攞嚟嗌性別係男嘅差人,而女嘅就嗌差婆,而佢哋做嘢返工嘅嗰笪地方就嗌做「差館」。

暗差am3 caai1[2],意思係暗藏身份嘅差人,同埋「雜差zaap6 caai1[3],意思係要處理好多垃雜嘢嘅差人,都用嚟指而家嘅刑偵

[編輯]

  1. 點解以前警察叫差人? | 紀律部隊系列| SHIFILES - 史檔
  2. 甚麼是「暗差」? - AM730
  3. 良局︰1881年8月2日。. 原著喺2016年3月4日歸檔. 喺2011年7月7日搵到.