心形牛扒

心形牛扒係一種喺香港常見嘅菜式，對唔少人嚟講都好浪漫。做法主要係牛扒未煎之前，切成心形，有時亦會用上心形嘅模嚟切，之後先去煎。醃製，配菜同醬汁就唔同人會有唔同嘅做法。

有啲人會覺得，情人節出街慶祝又逼又貴又難訂位，不如喺呢啲時節為另一半下廚，感覺更加浪漫。有啲香港藝人，有時亦會影低啲製作心形牛扒嘅相放上網，會得到一啲媒體嘅討論。