打甂爐

出自維基百科,自由嘅百科全書
跳去: 定向搵嘢
打甂爐

打甂爐,俗寫打邊爐,又叫火鍋,係煮食方法一種,用一大煲滾水或湯底,食嗰個人自己將各種切好嘅肉、菜,原隻海鮮或者現成或加咗工嘅肉丸等等食物掟晒落去[1],喺啲嘢食熟咗之後點調味料就食得。

亞洲各地都有唔同特色嘅打甂爐。

種類[編輯]

  • 麻辣火鍋:既「麻」又「辣」,源自中國重慶
  • 沙嗲湯底:將沙嗲醬放入湯底,香港常見。
  • 鴛鴦鍋:主要係為唔食得同埋鍾意食辣嘅人而設,煲中間有嚿(隔板),分開沙嗲湯底同清湯底。
  • 涮羊肉」:北京嘅特色,將羊肉(後來加埋肥),豆腐…放入滾水煠一煠,點啲醬食得。由於羊肉薄,拖一拖水就食得。
  • 酸菜白肉鍋:主要材料係酸白菜五花肉,流行於中國東北
  • 清湯底:只係用清水,啲嘢熟咗搽調味料就食得。其實煲湯好快就將掟落去嘅食物精華吸收,變成一煲集各家大成,唔知乜味嘅。
  • 醉雞鍋:用半隻至一隻連同花雕酒、杞子呢啲藥材做湯底,香港廣東各地流行。
  • 韓式火鍋:以韓國泡菜做湯底。
  • 日式火鍋:以麵豉(味噌)做湯底。
  • 芝士火鍋:源自瑞士,香港普遍流行。

[編輯]

  1. 烚熟。【煠】係本字,音 saap6。