掘頭巷或者掘頭路係條掘頭嘅巷、街、或者路，條路去到尾就無路行，要走就要掉頭返出去。亦有人叫呢啲路做死路、死巷、窮巷或者絕路，因為佢封死晒，只可以打回頭。
之前佢叫掘𡰪路，「𡰪」就係行到𡰪、鑊𡰪等嘅𡰪[1]。
英文叫掘頭路做Cul-de-sac，直解袋底。呢個字雖然係法文字，其實佢係英國製，因為舊時英國貴族曾經流行用法文。
掘頭巷等字好多時都會用來做比喻，表示無得再發展，已經盡嘅狀態。
