時代風尚頻道

時代風尚頻道（粵拼：si4 doi6 fung1 soeng6 pan4 dou6）係天津電視台嘅一間已經停止廣播嘅電視頻道，2005年3月28號開播^[1]，2016年10月1號01:00停播^[2]。

佢亦係中國大陸第一間以時尚生活方式同生活潮流嘅專業頻道。從開播到停播期間，雖然全國部分地區嘅數字機頂盒都可以收到，但必須要加錢先至有得睇呢個頻道。部分中國大陸出嘅網上電視軟件冇收到呢個電視台。頻道從開播之後到停播之前，每日01:00～07:00冇節目。

史[編輯]

2005年3月28號，天津嘅時代天創傳媒發展有限公司為咗方便全中國大陸各地嘅街坊同百姓提供全方位嘅服務大全而開播咗集衣食住行（另外三間分別係時代美食頻道、時代出行頻道同埋時代家居頻道）。頻道開播之後以收費形式面向中國大陸華北同東北地區播出。

2016年9月30號挨晚，雖然頻道繼續正常播出，但天津電視台方喺未向觀眾發佈停播公告情況下，特別向已經訂購咗收費電視嘅用戶發咗封公告信，話屬下嘅所有收費數碼頻道喺聽日凌晨停播。具體原因眾說紛紜，但估計係收視率太低或頻道未經過審批有關。

2016年10月1號01:00，時代風尚頻道播嗮當日嘅節目後，雖然網上直播信號同天津以外地區嘅數碼信號入咗測色板後一直未恢復播出，但天津有線同泰達有線播出嘅版本全部變成黑屏，帶「對唔住，可能係節目停播或信號檢修嘅原因，請您慢慢等。如有疑問請打客服熱線咨詢」嘅冇信號畫面字樣，留畀觀眾一個大整蠱。