時代家居頻道

邊位屬下	天津廣播電視台
開播	2004年1月1號
停播	2016年10月1號
廣播語言	普通話
總部位置	中國天津; 和平區衛津路143號
前稱	天視家居頻道（2004～2005）時代家居頻道（2005～2016）
官方網站	頻道官網

時代家居頻道（粵拼：si4 doi6 gaa1 geoi1 pan4 dou6）（簡化字：时代家居频道）係天津電視台嘅一間已經停止廣播嘅電視頻道，2004年1月1號開播^[1]，2016年10月1號01:00停播^[2]。

佢既係中國大陸第一批開辦，專門為家居裝飾做服務嘅專業頻道，又係中國大陸唯一以家居專業做全方位服務嘅頻道，甚至係天津地區第一間收費嘅數碼頻道^[1]。從開播到停播期間，雖然中國大陸部分地區嘅數字機頂盒都可以收到，但凈限華北同東北地區，兼必須要加錢先至有得睇。部分中國大陸出嘅網上電視軟件冇收到呢個電視台。頻道從開播之後到停播之前，每日01:00～07:00冇節目。

史[編輯]

2004年1月1號，天津電視台為咗實現數字電視化而率先開咗呢個頻道^[1]。初期嗌天視家居頻道，後嚟時代天創傳媒發展有限公司入主，加上為咗方便全中國大陸各地嘅街坊同百姓提供全方位嘅服務大全而播集衣食住行（另外三間分別係時代風尚頻道、時代美食頻道同埋時代出行頻道）嘅關係，2005年5月11號正式改名做時代家居頻道^[3]。頻道開播之後以收費形式面向中國大陸華北同東北地區播出。

2016年9月30號挨晚，雖然頻道繼續正常播出，但天津電視台方喺未向觀眾發佈停播公告情況下，特別向已經訂購咗天津有線或泰達有線嘅收費電視用戶發咗封公告信，話屬下嘅所有收費數碼頻道喺聽日凌晨停播。具體原因眾說紛紜，但估計係收視率太低或頻道未經過審批有關。

2016年10月1號01:00，時代出行頻道播嗮當日嘅節目後，雖然除天津地區外嘅電視同網上直播信號入咗測色板後一直未恢復播出，但天津地區屬下嘅天津有線、泰達有線嘅機頂盒播出版本全部變成黑屏，帶「對唔住，可能係節目停播或信號檢修嘅原因，請您慢慢等。如有疑問請打客服熱線咨詢」嘅冇信號畫面字樣，留畀觀眾一個大整蠱。