杜拜

出自維基百科,自由嘅百科全書
跳去: 定向搵嘢
杜拜

杜拜香港台灣譯做杜拜;中國大陸譯做迪拜阿拉伯話:دبيّ;英文Dubai,以前或作Dibai)係阿拉伯聯合酋長國7個酋長國嘅其中一個,近排主要搞旅遊業;杜拜有啲好出名嘅建築物,例如起好嘅帆船酒店(阿拉伯塔)、哈利法塔同起緊嘅人工島棕櫚群島

杜拜係阿拉伯聯合酋長國人口最多嘅國,面積僅次於阿布扎比酋長國,石油只佔GDP嘅6%。大多數收入來自Jebel Ali Free Zone,首府杜拜市喺阿聯酋最大嘅城,亦喺中東地區嘅金融中心。

[編輯]

杜拜由1799年開始有村莊出現嘅紀錄。喺18世紀早期Bani Yas氏族嘅Al Abu Falasa後裔開始搬去杜拜,而佢哋一直喺阿布扎比住到1833年。

1820年1月8號,杜拜嘅酋長同英國簽訂咗基礎和約(海上和約)。

1833年,Bani Yas氏族嘅阿勒馬克圖姆王朝喺「無抵抗」嘅情形下離開咗阿布扎比並搬去杜拜。從此,杜拜呢個新嘅獨立酋長國,同阿布扎比酋長國正式分離。Qawasim族企圖掠奪杜拜,但遇到阻滯。1835年,杜拜同特魯西爾酋長國嘅其餘部份同英國簽署咗海上停戰協定並喺20年後簽訂「永久停戰協議」。杜拜以佢喺1892年所訂嘅秘密協議得到英國保護(免受奧斯曼土耳其人嘅侵略)。好似杜拜嘅4個鄰國,阿布扎比、拉斯海瑪、夏爾迦同歐姆古溫,位於同印度嘅貿易路線令佢成為重要之地。

1892年3月,特魯西爾酋長國(或特魯西而阿曼)成立。

同周圍市鎮唔同,杜拜嘅管理者鼓勵商業貿易,杜拜曾經係一個吸引(以印度人為主)定居喺城市中嘅外國商人嘅重要港口。直到1930年代,佢亦以珍珠出口聞名。

1966年阿拉伯盧比貶值後,杜拜加入新近獨立嘅卡塔爾以建立新嘅貨幣計量——卡塔爾/杜拜里亞爾。喺離杜拜海岸線120公里嘅地方發現咗石油,之後,杜拜獲得石油開採權。

1971年,前保護人英國離開波斯灣之後,杜拜聯合阿布扎比同另外五個酋長國喺1971年12月2號成立阿拉伯聯合酋長國。1973年杜拜同其它酋長國一齊採用單一貨幣「迪拉姆」。