板約瀑布

板約瀑布
板約瀑布
	喺瀑布景區大門嚿大石附近望去德天－板約跨國大瀑布嗰頭。圖左邊嘅係板約瀑布，右邊嘅係德天瀑布。
座標	22°51′13.84″N 106°43′24.1″E / 22.8538444°N 106.723361°E
位置	中國廣西崇左大新縣德天村; 越南高平省高平市重慶縣潭水社
闊度	88米（289呎，264尺）
高度	30米（98呎，90尺）
落差	34米（112呎，102尺）
瀑布數	3
	板約瀑布板約瀑布嘅地理位置
	山脈專題

板約瀑布（粵拼：baan2 joek3 buk6 bou6；簡化字：板约瀑布；越南文：Thác Bản Ước／錯板約；壯文：Benjyoz Raemxdiuqdat），越南方嗌板角瀑布（baan2 gok3 buk6 bou6；越南文：Thác Bản Giốc／錯板角；壯文：Benjgak Raemxdiuqdat），係亞洲地區嘅瀑布，喺越南高平省高平市重慶縣同中國廣西崇左大新縣嘅交界，地理上雖然屬中越國界，但瀑布屬越南監管。佢既係北回歸線同雲貴高原南邊近東南亞嘅跨境瀑布，又係歸春河屬下嘅瀑布。

瀑布闊88m^{[註 1]}，落差30m，豎直深34m；分成三級跌落。喺每年7～11月份，呢個瀑布經常發大水而出靚景。

景區[編輯]

板約瀑布嘅兩個時期。左邊張相係發大水時嘅景，右邊張相係冇乜水時嘅景。

竹林佛跡寺喺園區嘅半山腰地方，亦係越南嘅寺院同睇嗮成個板約瀑布同德天瀑布嘅觀景臺。

中越聯合集市喺園區最督地方，嗰度亦有中國同越南當地啲貨賣，不過嗰度凈限每日晏晝開市。

中越邊境53號界碑係山腰公路最督嚿碑，亦係公園嘅東門。嗰嚿牌亦係中國同越南嘅國界。假設從越南嗰邊從西向東過去，過咗嚿碑就係中國，同德天瀑布景區相通。不過景區成日有邊防差佬同軍佬睺住有冇人蛇出現。

中國廣西德天－越南高平板角景區

德天－板約大瀑布（德天瀑布、板約瀑布）\| 通靈大峽谷 \| 明仕河 \| 明仕田園 \| 大清國53號界碑 \| 坐佛山 \| 歸春河 \| 竹林佛跡寺

中越邊境

水體	歸春河	德天－板約大瀑布（德天瀑布、板約瀑布） \| 53號界碑 \| 竹林佛跡寺
	北侖河	北侖河口 \| 野人谷
	紅河	普者黑 \| 老木棉·紫園
關口周邊	中越友誼關 \| 中越友誼大橋 \| 芒街自貿區（越南文：Khu kinh tế cửa khẩu Móng Cái）
口岸	東興 \| 憑祥 \| 友誼關 \| 水口 \| 河口 \| 天保 \| 金水河
睇埋：中國邊界、越南邊界、中越關係