梨木樹

出自維基百科,自由嘅百科全書
跳去: 定向搵嘢

梨木樹香港葵涌一個地方。佢今日嘅範圍就係和宜合山坡下面,梨木樹邨一帶。不過,原本梨木樹係條村來嘅,個位就響家下青山公路梨木道交叉南面,響舊時葵涌呢條涌附近。

梨木樹取名可能同呢種樹有關,佢嘅可以做傢俬。不過附近係咪真係有呢種樹,就無從稽考喇。 

今時今日已經無乜人知原本梨木樹響邊。發展荃灣新市鎮嘅同時,亦都將呢條村拆咗,原地只淨返梨木道呢個名。而梨木樹呢個名,就變咗淨係講佢北面嘅梨木樹邨周圍。