沙林傑

出自維基百科,自由嘅百科全書
跳去: 定向搵嘢

沙林傑(Jerome David Salinger,1919年1月1號2010年1月27號)係美國作家,佢嘅作品《麥田捕手》係20世紀美國文學嘅經典作品之一。

生平[編輯]

沙林傑喺紐約一個猶太富商屋企出世,喺15歲時就俾老竇送到賓夕凡尼亞州一間軍事學校。1936年沙林傑喺軍事學校畢業,1937年又俾做火腿進口生意嘅老竇送到波蘭學做火腿。沙林傑喺紐約嗰陣就開始向雜誌投稿,多數都係為咗賺錢,但間唔中都有好文章,當中包括《香蕉魚嘅好日子》。

二戰中斷咗沙林傑嘅寫作。1942年沙林傑從軍,1944年佢去歐洲戰場做反間諜工作。打仗嚇親沙林傑,佢之後寫咗幾本取材打仗嘅書。

1946年沙林傑退伍,返到紐約開始專心創作。佢嘅第一本長篇小說《麥田捕手》喺1951年出版,好成功,令佢一舉成名。之後嘅作品包括《法蘭妮與卓依》(1961年)、《舉高屋樑,木匠們》同《西摩簡介》(1963年)同埋收錄咗他寫嘅短篇古仔《九個故仔》(1953年),但係唔似《麥田捕手》咁成功。沙林傑擅長塑造早熟、出眾嘅後生形象。

《麥田捕手》獲得成功之後,沙林傑變得更孤僻。佢喺新罕布什爾州鄉下河邊小山附近買咗90幾英畝地,喺山頂上起咗間屋仔,過住隱居嘅生活。佢雖然未放棄過寫作,但喺1951年之後,就好少公開出版自己嘅作品。後期作品亦越來越傾向東方哲學禪宗

1999年,沙林傑喺34年無發表任何作品後終於發表咗新長篇小說《哈普沃茲16,1924》。《哈普沃茲16,1924》最早是以短篇形式出現喺1965年《紐約時報》。沙林傑將這本作品授權一間細出版公司,但是到依家佢嘅作品都未出版。

個人生活[編輯]

沙林傑喺歐洲期間曾經同個女醫生結婚,但冇耐就離婚。1953年佢同一個叫克萊爾道格拉斯(Claire Douglas)女學生相識,兩人後來喺1955年結婚,但之後又離婚。1972年沙林傑喺一本雜誌見到一個叫喬伊斯梅納德(Joyce Maynard)嘅耶魯大學女學生嘅文章同埋相,即刻俾佢吸引,兩人開始通信,份關係喺十個月之後就冇咗。

2000年,沙林傑同第二任老婆道格拉斯嘅女瑪格麗特沙林傑出版咗《夢的守望者:一本回憶錄》。書裏面佢披露咗好多沙林傑不為人知嘅秘密,例如沙林傑成日飲自己嘅尿、好少同克萊爾做愛,唔畀佢探親友咁。

睇埋[編輯]

參考[編輯]

連出去[編輯]