洛磯山脈

洛磯山脈
洛磯山脈
國家	美國, 加拿大
地區	英屬哥倫比亞, 亞畢他省, 伊達荷州, 蒙太拿州, 懷俄明州, 猶他州, 科羅拉多州, 新墨西哥州
最高點	艾伯山
- 座標	北緯39°07′03.90″西經106°26′43.29″
- 海拔	14,440 ft (4,401 m)

洛磯山脈係一條闊嘅山脈，喺北美洲西邊。洛磯山脈長超過4800公里，由加拿大嘅英屬哥倫比亞去到美國嘅新墨西哥。最高嗰座山係艾伯山，喺科羅拉多州，海拔4401米。至於加拿大嗰邊，最高嗰座山係羅拔臣山，喺英屬哥倫比亞，海拔3954米。喺美國以內嘅洛磯山脈系統係一個美國地質地區。唔好將洛磯山脈同喺岸邊嘅太平洋海岸山脈溝亂。

喺美國，喺大平原比較出名嘅山有由科羅拉多州北部去到新墨西哥北部嘅前山脈，喺懷俄明州係跟住大風嶺同埋大號角山，喺蒙太拿州係跟住瘋山同埋入去亞畢他省嘅洛磯山脈前鋒（喺加拿大叫做克拉克嶺）。喺鹽湖城附近嘅華薩治嶺將洛磯山脈同埋大盆地分開。