香港電燈
(由港燈跳轉過嚟)
香港電燈有限公司（簡稱港燈，港交所前編號：6）係香港兩間供電公司之一，1889年成立。而家嘅董事會主席係霍建寧，董事總經理係尹志田。
香港電燈負責供電畀香港島（包括附近嘅島仔）、鴨脷洲同埋南丫島。發電設施設喺南丫島，總發電量係3,736兆瓦。
史[編輯]
香港電燈以前喺香港聯合交易所上市，係恒生指數成份股之一。1981年，香港電燈畀置地收購，1983年又賣咗畀李嘉誠旗下嘅和記黃埔。
2011年2月，集團重組，成立咗電能實業。由嗰陣時起，香港電燈嘅上市地位同埋恆生指數成份股地位畀電能實業有限公司取代咗，而香港電燈亦做咗電能實業有限公司嘅全資子公司。
