香港島
出自維基百科，自由嘅百科全書
香港島，簡稱港島，係香港主要嘅島，亦係香港第二大島，面積 78 平方千米。島北嘅域多利城（又叫做女皇城或維多利亞城，英文名Victoria）係英國殖民香港最早發展嘅地方，一直係香港嘅商業同政治中心。來香港嘅英國人同移居香港嘅華人，最初就係住響呢個城。香港島同九龍半島之間隔住個維多利亞港，個港係以前進出香港嘅貿易船隻停泊嘅港口。島上面最高嘅山係太平山，海拔554米。
目錄 |
[編輯] 行政
香港島嘅行政分區有：
註：香港島唔屬於離島區。
[編輯] 歷史
1841年1月20日，英國嘅中國商務代表（未獲清廷承認）兼皇家海軍軍官查理義律（Charles Elliot）最先佔領香港島。
[編輯] 地理
香港島係香港第二大島，排喺大嶼山之後。香港島面積約佔全香港面積嘅7%，同維多利亞港對岸嘅九龍半島相隔。
[編輯] 人口
2000年，香港島嘅人口有1,367,900人，約佔全香港人口嘅19%。人口密度每平方公里18,000，高過整體密度（7,000/km²）；加上九龍嘅人口共佔全港人口嘅47%。
[編輯] 交通
港鐵港島綫嘅路綫行港島北岸，來回上環同柴灣。香港電車行港島北岸，堅尼地城到筲箕灣。而島西端同南部交通主要係靠巴士服務。
香港山頂纜車係香港歷史最悠久嘅公共鐵路，來往山頂、半山區同埋中區。
跨海交通方面，香港島有3條海底隧道（東區海底隧道、紅磡海底隧道同西區海底隧道）同3條港鐵路線（東涌綫、荃灣綫同將軍澳綫），重有機場快綫連接香港島同九龍半島及新界。第5條連接嘅鐵路而家計劃緊（沙中線）。
