大嶼山

香港大嶼山

大嶼山(讀音: dài yeu sän)係喺香港嘅西南面，係香港境內最大嘅島，面積有144平方公里，大過香港島84%左右。大嶼山大部分地方都係屬於離島區，但係大嶼山東北面，包括陰澳、竹篙灣同埋汲水門等，喺地區行政上面係屬於荃灣區。

大嶼山以前因為交通唔方便、遠離市區，所以唔少地方都未開發；但因為咁嘅關係令大嶼山成為咗香港市民度假嘅好地方。隨住赤鱲角新機場同有關連嘅機場核心計劃落成之後，青馬大橋同汲水門大橋將大嶼山同市區連接埋一齊，仲有東涌新市鎮嘅發展，都令到市民或者遊客可以更容易去大嶼山。

歷史上又叫大奚山。

[編輯] 名

大嶼山，原本叫係叫大嶼^[1]，大島咁解。

海上面嘅島，以前都叫山，所以大嶼山都係大島咁解。

英文Lantau，以前多數寫做Lantao。有說係來大嶼山頂叫爛頭山，所以外國人佢lantau。

香港開埠前後，美國人衞三畏喺佢本書度，指明Lantao實情係南大澳(Nam-tai-o)^[1]。大澳係舊時全島最多人嘅地方，Lantao葡萄牙人記錄而來。

廣東話入面，「嶼」讀如「罪」，傳聞讀「大罪山」唔吉利，所以改讀「大魚山」。但亦有可能有邊讀邊，又或者係廣東話某支嘅另一種讀法。

寶蓮寺嘅天壇大佛

呢篇大嶼山係關於香港地理嘅楔位文章，重未完成嘅。麻煩你幫手補充佢嘅內容。