港島綫
|
||||||||||||||||||||||||
 ↑港島綫月台 |
||||||||||||||||||||||||
 |
||||||||||||||||||||||||
|
||||||||||||||||||||||||
|
|
||||||||||||||||||||||||
港島綫係港鐵營運嘅路線之一。由中西區嘅上環開始，去到東區嘅柴灣為止，全程要25分鐘。呢條綫喺1985年5月31日分段通車，到1986年5月23日全線正式通車。截至2006年，本線有14個車站，當中4個係轉車站，杏花邨站同埋柴灣站2個車站分別係地面同架空車站，其餘係地底車站。港島綫喺路線圖中以藍色代表。
目錄 |
[編輯] 路線圖
[編輯] 歷史
1980年12月23號，當時香港政府正式批准用 95 億港紙，動工起地鐵港島綫，亦否決將電車延長去柴灣嘅計劃。1983年底起好基本隧道結構，工程正式進高潮。去到1985年5月31號，金鐘站至柴灣站一段正式投入服務，而金鐘站就做咗港島綫同埋荃灣綫嘅轉車站。之後，列車加到八卡。最後喺1986年5月23號，港島綫列車服務正式伸延到中環同埋上環，以上環站做總站，加咗中環站做港島綫同荃灣綫嘅轉車站。
港島綫通車初期，由於車隊唔夠，地鐵曾經一度設金鐘站（金鐘側線）來往太古站（太古側線）嘅短程特別班次，由1985年10月1號開始，所有港島綫列車都來往上環同柴灣。
跟著觀塘綫嘅服務喺1989年10月1號伸延到香港島，鰂魚涌站成為港島綫同觀塘綫嘅轉車站。為咗進一步紓緩鰂魚涌站轉車嘅擠迫情況，政府提出「紓緩鰂魚涌站乘客擠塞工程」，決定擴建北角站，令佢成為當時第二個接駁觀塘綫嘅港島綫車站。工程喺1998年7月正式動工。新起嘅北角轉車月台喺2001年9月27號正式啟用，証實跨月台轉乘設計非常有效，令喺鰂魚涌站轉車需要4分鐘，大大縮短至喺北角站，唔使1分鐘。
1998年東涌綫同埋機場快綫正式通車，香港島嘅總站係香港站。地鐵將香港站同中環站用幾條行人自動運輸系統連埋，令上面講嗰兩條綫能夠同港島綫互通。隨住將軍澳綫通車，北角站同鰂魚涌站喺2002年8月4號改做同將軍澳綫嘅轉車站。
[編輯] 用車
全線採用英國製造嘅都城嘉慕電動列車，由8個車廂組成；通車到而家一直採用，並喺1998年至到2001年之間全面翻新。由於車隊中都城嘉慕第2b代列車嘅控流系統同其他英製列車唔同，為咗方便管理同維修，呢些列車由1985年投入服務到而家都只喺港島線行走。
| 下行（往上環） | 都城嘉慕電動列車車廂編組 | （往柴灣）上行 |
| AXXX（單數號碼） - CXXX（單數號碼） - DXXX - B4XX - C4XX - DXXX - CXXX（雙數號碼） - AXXX（雙數號碼） | ||
- 都城嘉慕電動列車車廂編組註解：
- AXXX - 有駕駛室負責操控的動力車廂
- BXXX - 動力車廂
- CXXX - 附集電弓的電力車廂
- DXXX - 拖卡
[編輯] 未來發展
- 西港島綫
- 內文： 西港島綫
政府曾經計劃起支線伸延到香港島西區嘅堅尼地城，因成本問題唔能夠響西區海旁填海興建而遭擱置。當時嘅計劃指出，第時起南港島綫時，可能要喺西區起支線（西港島綫）以便完成成個工程。
2005年6月30號，政府終於正式批准地鐵起西港島綫，由而家港島綫上環站向西延伸，經西營盤、大學兩個車站，以堅尼地城為總站。
2007年10月23號，行政會議通過有關西港島綫嘅財務安排，以擁有權融資模式批准地鐵公司起、擁有同埋營運西港島綫。港鐵公司將於2009年動工興建，預計2014年落成啟用，整項工程造價大概80億港元。
- 北港島綫
- 內文： 北港島綫
另一方面，若果北港島綫落實興建嘅話，將來嘅港島綫將會一分為二，分別撥歸將軍澳綫同東涌綫。前者嘅終點站將會設喺堅尼地城站，而後者則到柴灣站為止，可是由於需求仍難以興建，因此有關計劃須擱置。
但根據報章喺2008年5月報道，北港島綫將唔會瓜分港島綫路段，屆時將軍澳綫延線落成後，港島綫將會「一軌兩用」，由堅尼地城站嘅列車會開往寶琳站、康城站或柴灣站，當中天后站可以轉北港島綫（東涌綫延線）。而根據中西區區議員阮品強、何俊麒同埋甘乃威指出，港鐵將會響銅鑼灣站（時代廣場）A出口進行擴建工程連接跑馬地，以取代興建跑馬地站。
[編輯] 車站一覽‧接駁路線
| 車站套色同埋名稱 | 喺邊區 | 車站接駁 | 啟用日期 |
|---|---|---|---|
| 港島綫 | |||
| 柴灣 | 東區 | 1985年5月31號 | |
| 杏花邨 | |||
| 筲箕灣 | |||
| 西灣河 | |||
| 太古 | |||
| 鰂魚涌 | 將軍澳綫 | ||
| 北角 | |||
| 炮台山 | |||
| 天后 | |||
| 銅鑼灣 | 灣仔區 | ||
| 灣仔 | |||
| 金鐘 | 中西區 | 荃灣綫、 南港島綫東段[SIL]或者沙田至中環綫 (南北走廊)[SCL] |
|
| 中環 | 荃灣綫 可以經香港站轉東涌綫或者機場快綫 |
1986年5月23號 | |
| 上環 | |||
| 西營盤 | 規劃緊，預計2014年[WIL] | ||
| 大學 | 南港島綫西段[SIL] | ||
| 堅尼地城 | |||
| 附註 | |||
| WIL
根據港鐵公司提出嘅西港島綫方案，港島綫會伸延到堅尼地城，為港島西區提供鐵路服務。西港島綫將於2014年通車。 SCL 根據運輸及房屋局提交嘅沙田至中環綫合併方案，東鐵綫將連接計劃緊嘅沙田至中環綫嘅第四條過海鐵路部份，成為南北走廊。而家暫時未能夠落實有關計劃嘅發展日期。 SIL 根據港鐵公司提出嘅南港島綫方案，會起南港島綫東段同南港島綫西段，為港島南區提供鐵路服務。南港島綫東段將會喺2015年或之前通車，而西段就未確定幾時通車。 |
|||
|
|
|||
|
|||||||||||||||||
