迪士尼綫
|
||||||||||||||||||||||||
 一列迪士尼綫列車正駛入欣澳站 |
||||||||||||||||||||||||
 |
||||||||||||||||||||||||
|
||||||||||||||||||||||||
|
|
||||||||||||||||||||||||
迪士尼綫（Disneyland Resort Line）係香港一條鐵路線，由港鐵營運。佢位於香港新界荃灣區大嶼山，連接陰澳打水灣嘅欣澳站，同竹篙灣香港迪士尼樂園嘅迪士尼站，屬於近郊鐵路線。呢個係全球第二條專為迪士尼主題公園而設嘅鐵路線。
目錄 |
[編輯] 概要
呢條線全長3.5公里，行車時間只需3.5分鐘。全綫工程喺2005年4月完成，欣澳站喺2005年6月1號啟用，而成條迪士尼綫亦喺2005年8月1號正式通車。
呢條線由欣澳站3號月台作起點，列車會經過850米長嘅大陰頂隧道，然後喺竹篙灣公路橋底穿過，沿迪欣湖西面駛過，再喺神奇道下面穿過，去到香港迪士尼樂園北面嘅迪士尼站總站。迪士尼綫喺路線圖上以粉紅色代表。
呢條線係香港現時唯一一條單線，同第二條無人駕駛嘅鐵路。
[編輯] 路線圖
[編輯] 迪士尼綫全日通
特別設計嘅迪士尼綫全日通，共有兩款設計，分別以米奇同埋米妮做主題，而喺2008年9月28號起設計將會不時更換；乘客可以喺買飛之後六個月內，首次使用起24小時內無限次搭港鐵來回迪士尼站（機場快綫、輕鐵、東鐵綫頭等、港鐵巴士同埋港鐵接駁巴士除外）。迪士尼綫全日通售價係每款HK$50，喺機場快綫同埋港鐵各站嘅客務中心有售。
（註：來回迪士尼站車程包括羅湖同埋落馬洲站，另外馬場站冇迪士尼綫全日通車飛賣。）
[編輯] 車站設計
欣澳站同迪士尼站同樣採用天幕式設計，以便自然通風同善用自然光，亦可以營造開揚嘅感覺。欣澳站以未來世界為主題，具科幻感同未來感。迪士尼站採用19世紀維多利亞時代風格。乘客搭迪士尼綫，就好似穿梭時光隧道一樣。
-
欣澳站
-
迪士尼站
[編輯] 用車
迪士尼綫嘅列車全線採用3列喺1995年買入，由GEC Alsthom生產嘅車卡（英製都城嘉慕列車第3代車卡），喺2003年把車廂內外改裝成富有迪士尼特色。而迪士尼綫係香港地鐵路線中首條用SelTrac訊號系統同埋無人駕駛列車嘅路線，全線以4卡列車行走，每卡可以載180人，其中48個係座位。以每4至10分鐘一班車嘅班次計算，繁忙時間每個鐘可以應付達10000人次。
迪士尼綫列車改裝後嘅外形設計簡潔而現代化，車窗係米奇老鼠頭形狀，並以紅邊裝飾。車身方面就以金色彩帶同埋星粉圖案點綴。車廂內嘅牆身，塗滿咗藍、紅、黃、紫等各種鮮艷色彩，天花亦滿佈繁星圖案。座位方面，係藍色布料嘅弧形設計梳化。此外，車廂內設有米奇老鼠、米妮老鼠、唐老鴨等16個迪士尼卡通人物嘅銅像，亦貼有一啲介紹迪士尼嘅懷念相片。至於扶手，亦係米奇老鼠頭形狀。由於連接扶手嘅膠帶係軍用物料，因此好難俾乘客整斷。
| 下行（往迪士尼） | 英國製列車車廂編組 | （往欣澳）上行 |
| P50X（單數號碼） - Q50X（單數號碼） - Q50X（雙數號碼） - P50X（雙數號碼） | ||
英國製迪士尼綫列車車廂編組註解：
- P50X - 有駕駛室負責操控嘅動力車廂
- Q50X - 裝咗集電弓嘅電力車廂
-
未完全上色嘅迪士尼綫車廂
-
迪士尼綫列車
-
迪士尼綫列車內部
[編輯] 車站一覽‧接駁路線
| 車站套色同埋名 | 喺邊區 | 車站接駁 | 啟用日期 |
|---|---|---|---|
| 迪士尼綫 | |||
| 欣澳 | 荃灣區[DRL] | 東涌綫 | 2005年6月1號 |
| 迪士尼 | 2005年8月1號 | ||
| 附註 | |||
| DRL | |||
|
|
|||
[編輯] 參閱
|
|||||||||||||||||
