落馬洲站
出自維基百科，自由嘅百科全書
|
||||||||||
 |
||||||||||
 落馬洲站月台 |
||||||||||
|
||||||||||
|
||||||||||
|
||||||||||
|
||||||||||
落馬洲站係香港港鐵東鐵綫落馬洲支線嘅終點站。位於新界元朗區落馬洲一帶，服務東鐵綫沿線去中國大陸嘅乘客，已經喺2007年8月15日下晝4點起啟用[1]。起呢個車站嘅目的係疏導羅湖站過境人流。
落馬洲支線試車時，喺尖東站開出，到上水就停止服務嘅部分東鐵綫列車將會喺離開上水站後改經落馬洲支線前往落馬洲站。通車初期，東鐵綫[2]喺繁忙同非繁忙時間每個鐘分別有6班同5班列車以落馬洲站為終點站。
由落馬洲站經福田口岸過境去深圳，可以喺皇崗站接駁深圳地鐵4號線。
落馬洲站位處邊境禁區內，近住深圳河，所有乘客必須持有有效禁區通行證或者旅遊證件先可以用呢個站。
目錄 |
[編輯] 車站結構
[編輯] 車站樓層
落馬洲站設有4層，佔地約9公頃，地面係公共運輸交匯處。車站內升降機以T代表票務大堂、A代表抵港大堂、P代表月台、D代表離港大堂。車站外升降機則使用G、L1、L2及L3。另外，同層嘅月台同埋抵港大堂唔相通，必須利用扶手電梯經票務大堂先至去得到。
| L3 T |
票務大堂 | 客務中心、車站商店、自動櫃員機 |
| L2 A |
行人天橋 | 行人天橋由深圳返回落馬洲站大堂 |
| 抵港大堂 | 香港入境事務處及香港海關檢查、通道前往公共交通交匯處、車站商店、洗手間 | |
| L2 P |
路軌 | |
| ➋ | 往紅磡 | |
| 島式月台，左／右邊嘅車門將會打開 | ||
| ➊ | 往紅磡 | |
| 路軌 | ||
| L1 D |
行人天橋 | 行人天橋通往深圳福田口岸聯檢大樓 |
| 離港大堂 | 香港入境事務處及香港海關檢查、車站商店 | |
| 客務中心、車站商店、自動櫃員機、洗手間 | ||
| G 地面 |
- | 出口、公共運輸交匯處 |
[編輯] 車站大堂
由於車站同時係出入境檢查站，所以站內設有海關、出入境同埋其他重要嘅過境設施。乘客辦妥出境手續後，將會經由一條橫跨深圳河，單臂斜拉式天橋步行去深圳市嘅福田口岸聯檢大樓。乘客亦可以喺同時設於大樓內嘅皇崗站，轉深圳地鐵4號線前往深圳市其他地方。
- 車站商店及自助服務
大堂設有購物區，入面有車站商店、餐廳、免稅店、醫務中心、自動櫃員機等方便乘客。另一方面，本站係全香港鐵路之中最多7-Eleven嘅車站，全站範圍內多達6間分店。
[編輯] 車站月台
落馬洲站設有2個月台，位於L2層，採用島式月台排列，方便乘客搭往紅磡方向嘅東鐵綫列車。若果乘客喺其他車站上錯咗往落馬洲站嘅列車，月台上亦指示乘客可乘坐反方向嘅列車返上水站轉去羅湖站嘅列車。
[編輯] 車站出口
- A - 聯檢大樓（深圳境內）
- B - 下灣村（香港境內）
[編輯] 鄰接車站
落馬洲站係東鐵綫落馬洲支線嘅終點站，亦係東鐵綫兩個邊境鐵路車站之一。
| 編輯 | 東鐵綫 | |||||||
|
||||||||
[編輯] 接駁交通
- 深圳地鐵
- 4號線福田口岸站
- 九巴
- B1 - 天水圍鐵路站 ↔ 落馬洲鐵路站
- 新界專線小巴：
- 75 - 元朗（福德街） ↔ 落馬洲站
[編輯] 參考資料及注釋
[編輯] 上一站‧下一站
| 上一站 | 港鐵 | 下一站 | ||
|---|---|---|---|---|
|
往紅磡
|
東鐵綫 | 總站 |
|
|||||||||||||||||||||||||||||||||||||||||||||||||||||||||||
