樂富站

樂富 Lok Fu

樂富站月台

區 黃大仙區 地區 樂富

通車 1979年10月1號 站類 地底 月台類 1島式月台 月台數 2個 出口數 2個

途經 觀塘綫 代碼 LOF 服務時間 0552-0123 接駁交通 巴士、小巴

街道圖 港鐵網

樂富站1號月台

樂富站大堂

樂富站月台內的「闊閘機」指示

樂富站係港鐵嘅一個鐵路車站，喺香港黃大仙區橫頭磡邨，係一個地底車站，一共有兩層，地面係出口同埋車站大堂，地底係月台。呢個站設有一個島式月台，設有月台幕門，而且係原香港地鐵系統內車站大堂最短嘅車站。

車站結構

樂富站係一個地底車站。車站一共有兩層，地面係出口同埋車站大堂，而L1層則係觀塘綫月台。本站共有3條扶手電梯連接大堂同月台（其中一條響非繁忙時間暫停使用），並設有1部升降機同1條樓梯來往月台及大堂之間。

車站樓層

C 大堂 (地面)	大堂	出口、公共運輸交匯處
		客務中心、車站商店
		自動售賣機、自動照相機、自動櫃員機
P 月台	➊	往調景嶺
	島式月台，右邊嘅車門將會打開
	➋	往油麻地

車站大堂

車站商店及自助服務

樂富站內提供唔同類型嘅商店畀乘客買嘢或者食嘢，例如有便利店、餅店、恒生銀行等零售業。港鐵收費區嚴禁進食，因此大部份食肆都會唔設喺收費區入面。

此外，樂富站有唔少自助服務設施，包括恒生銀行及中銀香港嘅自動櫃員機、自動售賣機、自動照相機等。車站更設有香港郵政郵箱，方便乘客寄信。

車站月台

樂富站設有1個島式月台，設有月台幕門。由於樂富站大堂同埋扶手電梯集中喺月台東面，因此月台西面冇大量建構物，並且以牆壁分開1號同2號月台，只有幾條通往1號及2號月台嘅通道。喺樂富站通車嗰時，當時成為修正早期系統中，月台最短嘅車站，亦係唯一有三條並列扶手電梯嘅車站。

車站出口

樂富站設有2個車站出口，一個響大堂尾嘅A出口，喺樂富站啟用時，只設有A出口，連接橫頭磡邨同公共運輸交匯處等地方。而B出口就喺後期因應樂富中心工程響1991年啟用，連接樂富中心二期。

喺各個車站出口，都設有指示牌顯示出口周邊嘅建築物及設施一覽。

• A - UNY生活創庫
  • UNY生活創庫、巴士總站、富強苑、房委會客務中心、賽馬會健康院、嘉強苑、摩士公園（三號公園）、德強苑、橫頭磡邨
    • 設有斜道及失明人士引導徑往返地面
• B - 聯合道
  • 香港佛教醫院、康強苑、九龍寨城公園、樂富邨、樂富遊樂場、摩士公園（四號公園）、聖博德堂／學校、聯合國兒童基金會、永光堂

鄰接車站

	觀塘綫
黃埔 - 何文田 - 油麻地 - 旺角 - 太子 - 石硤尾 - 九龍塘 - 樂富 - 黃大仙 - 鑽石山 - 彩虹 - 九龍灣 - 牛頭角 - 觀塘 - 藍田 - 油塘 - 調景嶺

接駁交通

• 九巴：
  • 7 - 樂富 ↔ 尖沙咀碼頭
  • 7B - 樂富 ↔ 紅磡碼頭
  • 7M - 樂富 ↔ 竹園邨（循環線）
  • 11D - 樂富 ↔ 觀塘碼頭
  • 84M - 富安花園 ↔ 樂富
  • 其他路線：11K、75X、85、85A、85B、85C
• 過海隧道巴士：
  • 103
• 九龍專線小巴：
  • 13A - 樂富 ↔ 廣播道
  • 39M - 樂富 ↔ 東頭邨（循環線）
  • 53M - 樂富 ↔ 天馬苑（循環線）
  • 54 - 樂富 ↔ 順天（循環線）
  • 其他路線：13

利用狀況

樂富站啟用初期，由於當時橫頭磡邨重建緊，因此使用量喺通車初期一直偏低，直到1983年橫頭磡邨重建完畢後客量先上升。

車站歷史

修正早期系統

樂富站原本係橫頭磡邨嘅足球場，1976年被徵用做樂富地鐵站地盤。1979年10月1日隨住地鐵修正早期系統正式通車。

早期系統

喺早期系統嗰時，樂富站曾被考慮命名做老虎岩站，後因樂富邨起好之後，最後決定命名做樂富站。

上一站‧下一站

上一站		港鐵		下一站
九龍塘 往油麻地		觀塘綫		黃大仙 往調景嶺

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往調景嶺	2.1	2.4	2.5	4-5			0623	0053
	往觀塘							0623	0113
➋	往油麻地							0602	0041