大圍站

大圍 Tai Wai

大圍站外觀

區 沙田區 地區 大圍

通車 東鐵綫-1983年8月15號 馬鞍山綫-2004年12月21號 站類 架空 月台類 4側式月台 月台數 4個 出口數 7個

途經 東鐵綫 馬鞍山綫 代碼 TAW 服務時間 0525-0115 接駁交通 巴士、小巴

街道圖 港鐵網 車站位置

大圍站書法字

大圍站大堂

大圍站大堂

大圍站東鐵綫月台

大圍站月台層轉車通道

大圍站D出口

大圍站係位於香港沙田區嘅港鐵東鐵綫同馬鞍山綫車站。

呢個站喺1983年8月15號開，原本係位於城門河西岸嘅臨時車站，1986年4月23號南遷到東岸，現時富嘉花園對開嘅位置。

大圍站係一個高架車站，中央大堂連接A、B、C、D 出口，另外喺1及2號月台南端亦設有出入閘口分別連接F，G 出口及E 出口。

車站結構

車站樓層

月台	出口	E、G出口、客務中心
	側式月台，左邊嘅車門將會打開
	➊	往羅湖／落馬洲
		路軌
		路軌
	➋	往紅磡
	側式月台，左邊嘅車門將會打開
	轉乘通道	F出口、客務中心、收費區內轉乘通道
	側式月台，右邊嘅車門將會打開
	➌	落客月台
		路軌
		路軌
	➍	往烏溪沙
	側式月台，右邊嘅車門將會打開
大堂 （地面）	大堂	出口、公共運輸交匯處
		客務中心、洗手間
		車站商店、自動售賣機、自動櫃員機
		「e分鐘著數」機

車站大堂

車站商店及自助服務

車站有人民幣找換店、各大銀行嘅自動櫃員機、衣履、書籍、食品、公共事業、快餐店、銀行、理財服務及便利店等商店及自助服務。

車站月台

車站設有4個側式月台，位於大堂上面。當中2號同3號月台設有4條斜道連接，令馬鞍山綫南行嘅乘客轉東鐵綫南行唔使轉換樓層，斜道設計更方便傷殘人士使用。然而，由馬鞍山綫南行轉東鐵綫北行或由東鐵綫轉馬鞍山綫就必須先經過大堂。要注意嘅係，為方便乘客轉東鐵綫，因此馬鞍山綫唔同香港其他嘅鐵路系統，係右上左落嘅。所以位於右邊嘅4號月台係馬鞍山綫嘅北行月台。

車站出口

大圍站以南設有一個大型公共運輸交匯處，乘客可利用地面行人通道進出車站。另有一條廿四小時全日開放嘅行人隧道，連接村南道同埋公共運輸交匯處。

大圍站共設七個出入口，新設嘅出入口有五個，其中三個位於擴建嘅車站大堂，兩個位於美田路以南連接東鐵綫北行大堂。原有位於美田路以南連接東鐵綫南行大堂，以及位於村南道嘅出入口將會保留。

車站大堂（地面）

• A - 村南道
  • 村南道、佛教黃允畋中學、金禧花園、富嘉花園、海福花園、香港文化博物館、文禮閣、美城苑、美林邨、沙田官立中學、沙田（大圍）診所、大圍村
• B - 公共運輸交匯處
  • 公共運輸交匯處、雲叠花園、車公廟、東莞工商總會張煌偉小學、景田苑、李屋村、隆亨邨、五育中學、新田村、沙田祟真中學、新翠邨、田心村
• C - 美田路
  • 新翠邨、雲叠花園、家計會大圍診所、景田苑、隆亨邨、美田路、新翠中心、田心村
• D - 富嘉花園
  • 富嘉花園、金禧花園、海福花園、香港文化博物館、美城苑、美松苑、美林邨、沙田公立學校、村南道

東鐵綫1號月台（月台）

• E - 海福花園（目前只畀進入車站使用）
  • 富嘉花園、海福花園、金禧花園、美林邨、美田路
• G - 積運街
  • 海福花園、雲叠花園、積運街、中華宣道會鄭榮之中學、東莞工商總會劉百樂中學、景田苑、下城門道、隆亨邨、保良局鄭翼之中心、大圍新村、田心村

東鐵綫2號月台（月台）

• F - 田心村
  • 美田路、雲叠花園、名城、迦密愛禮信小學、顯田泳池、海福花園、景田苑、樂善堂楊葛小琳中學、隆亨邨、保良局朱敬文中學、保良局王賜豪(田心谷)小學、新翠邨、田心村

鄰接車站

	東鐵綫
紅磡 - 旺角東 - 九龍塘 - 大圍 - 沙田 < 火炭 > 大學 - 大埔墟 - 太和 - 粉嶺 - 上水 < 落馬洲 馬場 羅湖

	馬鞍山綫
大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

車站周邊

車站附近係住宅區。有大圍村、美林邨、海福花園、新翠邨同車公廟。

接駁交通

大圍站大堂東面有一條24小時全日開放嘅行人隧道，連接村南道同公共運輸交匯處。

接駁交通一覽

• 九巴
  • 46P - 顯徑 ↔ 荔景（北）
  • 46S - 大圍鐵路站 → 荔景（北）
  • 46X - 顯徑 ↔ 美孚
  • 72A - 大埔工業邨 ↔ 大圍鐵路站
  • 80K - 新翠 ↔ 愉翠苑
  • 81C - 耀安 ↔ 紅磡鐵路站
  • 81M - 新田圍 ↔ 九龍塘鐵路站
  • 82K - 黃泥頭 ↔ 美林
  • 85B - 秦石 ↔ 九龍城碼頭
  • 86A - 沙田圍 ↔ 長沙灣（甘泉街）
  • 86B - 顯徑 ↔ 美孚
  • 86C - 利安 ↔ 長沙灣
  • 87A - 博康 ↔ 旺角（柏景灣）
  • 87B - 新田圍 ↔ 維港灣
  • 88K - 顯徑 ↔ 駿景園
  • 89B - 沙田圍 ↔ 觀塘鐵路站
  • 249X - 青衣鐵路站 ↔ 沙田市中心
  • N281 - 紅磡鐵路站 ↔ 錦英苑
• 隧巴
  • 170 - 沙田鐵路站 ↔ 華富（中）
  • 182 - 愉翠苑 ↔ 中環（港澳碼頭）
  • N170 - 沙田市中心 ↔ 華富（中）
  • N182 - 廣源 ↔ 中環（港澳碼頭）
• 龍運巴士
  • E42 - 機場（地面運輸中心） ↔ 沙田博康
  • R42 - 迪士尼樂園 ↔ 大圍鐵路站（只係喺繁忙時間服務）
  • X48 - 大圍鐵路站 ↔ 機場博覽館
• 專線小巴
  • 63A - 美松苑 ↺ 大圍站
  • 63B - 恆峰花園 ↺ 大圍站
  • 63K - 美田邨／香粉寮村 ↺ 大圍站
  • 64K - 富山 ↔ 大圍站
  • 68K - 瑞峰花園 ↔ 沙田站（排頭街）
  • 403X - 大圍站 ↺ 石梨（梨貝街）
  • 481B - 荃灣街市街 ↔ 大圍（銅鑼灣山）
  • 803K - 顯徑邨 ↔ 大圍站
• 居民巴士

利用狀況

大圍站係東鐵綫同馬鞍山綫嘅轉車站，附近有多個大型屋苑同大量租單車舖，因此無論平日定假日，都有穩定嘅人流；而喺農曆新年期間，大量市民去車公廟參拜，但由於大圍站去車公廟近過車公廟站，故此乘客都係揀喺大圍站落車行去車公廟，令警方要喺大圍站實施人潮管制。

車站歷史

兩鐵合併前嘅大圍站外觀

1983年8月15號，九廣鐵路（英段）大圍臨時車站開設，位於而家大圍工業區對開隔音屏，車站主體用木材搭建，所以俗稱「木頭站」。

1986年4月23號，位於臨時站以南（而家富嘉花園對開位置）嘅大圍站啟用，當時車站只有兩個相對嘅出入口（而家嘅D出口同客務中心所在位置）。

1993年12月，位於2號月台近單車公園（家下港鐵大圍車廠）嘅大堂（而家嘅F出口）啟用。

1995年，車站進行改善工程，加建兩組扶手電梯，並更改入閘區域，令升降機唔使職員協助使用。

大圍站擴建工程

2001年，配合馬鐵動工，大圍站週邊開始進行擴建工程。2003年12月24號，大圍站擴建部份局部啟用，當中只有非馬鐵主體建築部份啟用，而家嘅A、B、C出入口亦啟用。原有大堂同日封閉進行改建工程，並將車站主題顏色由黃色變成深藍色。2004年12月21號隨住馬鐵通車，剩低嘅大堂部份同埋月台轉乘通道啟用。2005年4月，新起嘅大圍站公共運輸交匯處啟用，B出入口重開。同年，D出入口周邊翻新完成重開。位於1號月台近海福花園嘅大堂（現時E、G出入口）啟用。

未來發展

沙田至中環綫

內文： 東西綫 同 南北綫

按照沙田至中環綫（沙中綫）嘅早期計劃，原有馬鐵會由大圍站延伸，經過東九龍鑽石山、啟德、土瓜灣、馬頭圍、何文田，喺紅磡同九廣東鐵（現稱東鐵綫）、九廣西鐵（現稱西鐵綫）交匯，再過海去香港島，經會展、金鐘，最後到中環南，成為「沙田至中環綫」。

根據運輸及房屋局對沙田至中環綫嘅最新建議，沙中綫將一分為二，東鐵綫將接駁第四條過海鐵路到達港島區嘅灣仔北，最終以中環南部為終點站，命名為南北綫；而西鐵綫將接駁沙中綫大圍至紅磡段，途徑東九龍紅磡、土瓜灣、啟德、鑽石山，到達大圍站再接駁現有馬鞍山綫，命名為東西綫。

上一站‧下一站

上一站		港鐵		下一站
九龍塘 往紅磡		東鐵綫		沙田 往羅湖或落馬洲
總站		馬鞍山綫		車公廟 往烏溪沙

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往上水	3-8	4-8	3-8	4-8			0535	0035
	往羅湖	6-8						0540	2317
	往落馬洲	10-12				12-14		0535	2145
➋	往紅磡	3-8	4-8	3-8	4-8			0540	0059
➍	往烏溪沙	3	4	3	4	5-7		0540	0105

註

你可以維基同享呢類嘅媒體資源：
大圍站