白石角

出自維基百科,自由嘅百科全書
跳去: 定向搵嘢
遠望白石角同大埔海。近啲係樟樹灘一帶嘅幾條村。打橫條綫係吐露海公路同港鐵東鐵綫。村同鐵路之間係舊填地,而公路以外係新填地。原白石角就喺右邊,近右便村屋山腳位。新填地最右邊嘅樓係香港科學園第二期,隔離係第三期地盤,其餘係白石角發展區。

白石角Pak Shek Kok)喺香港新界,響大埔海西岸邊,近樟樹灘。家下白石角對出嘅填地,以白石角為中心,由沙田海馬料水,伸到大埔滘東南山後便嘅蕉坑,有香港敎育學院運動中心同香港科學園,同港鐵東鐵綫吐露港公路

地理[編輯]

原白石角係個兩條聯埋嘅涌口[1][2],主要一條響樟樹灘東便,細一條由香港中文大學逸夫書院後便。涌流入大埔海,積成河嘴,形突入海,所以叫。1910年,舊九廣鐵路橫過白石角,隔開佢同樟樹灘,白石角響北,樟樹灘響南。家下重見到廢軌改成嘅小路。1960年代,佢正東便有碼頭。

白石角沿舊岸(家下山邊)向南行可以到馬料水,舊岸凸向沙田海同大埔海。而向北行可以到大埔滘,舊岸係個大灣,有幾個谷有涌流入大埔海,積成平地,好多都用過來耕田。近大埔滘嗰邊,有山隔住大埔滘,火車都開咗條隧穿過。

佢對出係大埔海係望到馬鞍山船灣等地。遠望望穿赤門,甚至可以見到平洲

[編輯]

舊時白石角隔條火車路有條叫榕樹嘅村。

填地[編輯]

由中文大學望落去科學園一二期,響原馬料水同原白石角之間

1982年,為咗起吐露港公路,成個大埔海西岸填海。填地本來諗住起樓做住宅,但最尾都留來做大專或大學用地。1996年,因為九廣鐵路白石角呢段急彎,有貨卡出軌,交通大亂一日,所以就將路軌拉直,貼近吐露港公路內側。原軌就變成小路。

1996年2月,香港政府行政局決定起香港科學園,10月開始大規模填海,範圍響吐露港公路以外海皮,東南去到香港中文大學新亞書院以東海邊,西北去到蕉坑鹿茵山莊以東。發展署將新填地其他部份,叫白石角發展區

2001年2月24號,香港敎育學院運動中心落成[3],位置近蕉坑填地,響九港鐵路舊軌到新軌之間,舊軌變成優景里。個中心亦都叫白石角運動中心,雖然同原白石角都有一段距離。

2001年,近馬料水,香港科學園第一期部份落成。2003年,吐露港公路白石角呢度擴闊到雙程各四綫。2004年,香港科學園第一期完成。2006年,香港科學園第二期落成,2007年開幕,2008年仍然裝條緊。第三期重未動土。

白石角發展區第1期A同C住宅用地賣出。2007年9月17號,香港政府再拍賣白石角發展區第1期B住宅用地。塊地畀四間公司夾份投到,即係南豐地產信和置業永泰亞洲嘉華國際。呢塊地會起低密度獨立屋。A、B、C三塊地夾埋200萬呎,可以起到千單位住宅。

政區[編輯]

原白石角,度並無村屋,佢連埋隔離西南便樟樹灘、黃泥塊蕉坑坡面排頭大埔尾等村歸入大埔區。而白石角南便經已係沙田區境,所以南少少香港中文大學同赤泥坪山頭就係沙田區。

而新填地方便,科學園大部份響沙田區,只有第三期北便一少片入大埔區。其餘填地入大埔區。

公眾地方[編輯]

起吐露港公路嗰陣,已經順便起埋單車徑,響大埔海側邊,可以由沙田踩去大埔。白石角新填地將單車徑同個海隔開咗,所以又響海邊起海濱公園同新單車徑,公園叫白石角海濱長廊

發展[編輯]

科學園站設計

因為呢條人流增大,第日有機會起東鐵綫白石角站或者科學園站,分擔下大學站人次,不過重未有定案,睇下有幾多人流而定。

而東鐵綫內側嘅填地,會畀香港中文大學起研究科學中心,替咗大學家下嘅科學館。

[編輯]

  1. Tai Po, Sheet No. 16. War Office. 1924. 。原圖無白石角個地名。
  2. Area 6 (Tai Po). Crown and Survey Office. 1967. 
  3. 香港教育學院運動中心開幕典禮. 

出面網頁[編輯]

座標: 北緯22°25′37.87″東經114°12′11.99″