長沙灣

出自維基百科,自由嘅百科全書
跳去: 定向搵嘢
長沙灣中部一景

長沙灣(讀音: ceong sä wan)(Cheung Sha Wan)(香港澳門地方嘅人慣咗將「灣」字讀做陽平聲嘅「環」字音,即係會讀成“長沙環”咁),係香港新九龍嘅一個地方,西面係荔枝角,東南面係深水埗,北面全部係山。長沙灣原本一個長形嘅海灣,家下就填海填成一塊大地方。裏面無論工業,商業同住宅都有。住宅有公屋唐樓洋樓私人屋苑。工業有唔同工廠大廈,亦都有船廠。商業以衫褲批發為主,寫字樓方便就唔係咁多,多數係工廠大廈轉成。長沙灣有唔同食品嘅批發市場,供應全香港。所以,長沙灣可以話係包羅萬有嘅社區。

長沙灣對出就係昂船洲,家下已經連成一體。

[編輯]

舒懋官編嘅重修新安縣志,裏面就有提到長沙灣係一條村,係『官富司管屬村庄』,又另一節又有提係『官富司管屬客籍村庄』,所以可能係本地人客家人都有嘅村,曾經係鄧氏地[1]。長沙灣原本係一個大海灣,係漁民聚居地。原海灣西起海角荔枝角,東接另一個海角深水埗,海邊散住唔少村。家下同荔枝角分界喺蝴蝶谷道。經過好多次填海,長沙灣已經見唔到海灣,村落亦都消失。取而代之係舊樓,公共屋村,工廠大廈等。原本海岸綫約莫喺家下青山道

地方[編輯]

長沙灣近青山道一帶,主要係舊式嘅私人樓,同埋幾過大型公共屋邨,好似蘇屋邨李鄭屋邨。而長沙灣道,一帶,西面係工廠區同長沙灣廣場,中間係公共屋邨元州邨麗閣邨,而東面係已經拆咗嘅工廠大廈。再出荔枝角道,西面係新私人屋苑,中間係批發市場。

街道[編輯]

呢區主要街道有長沙灣道青山道元州街荔枝角道東京街興華街福榮街福華街祥發街順寧道等等。

交通[編輯]

呢頭交通都幾方便下,有港鐵荃灣綫經過長沙灣道地底,設有長沙灣站同埋荔枝角站(「荔枝角站」唔係真正嘅荔枝角,其實仲係長沙灣工業區)。而長沙灣填海區個頭就有南昌站,嗰個站可以搭港鐵西鐵綫同埋東涌綫

[編輯]

座標: 北緯22°20′9″東經114°09′21″