大埔墟站

大埔墟 Tai Po Market

大埔墟車站嘅月台

區 大埔區 地區 大埔

通車 1983年4月7號 站類 地面 月台類 2島式月台 月台數 4個 出口數 3個

途經 東鐵綫 代碼 TAP 服務時間 0547-0045 接駁交通 巴士、小巴

街道圖 港鐵網 車站位置

大埔墟站係港鐵東鐵綫一個喺香港大埔嘅鐵路車站。

大埔墟站係一個地面車站，月台呈東西向，而大堂響佢南側中央位並排，以兩條地下通道連接。月台填土搭高，約莫比地面高一層樓。

除咗大堂有閘機，喺西面嘅地下通道亦有出入閘機。月台係兩個島式月台。而2號同3號月台指向同一條路軌。而喺大堂嘅上層就有間快餐店。

地理

大埔墟站現址響大埔新市鎮嘅東南角，運頭角山下南側，呈東西向，西端響大埔河西岸。佢南面係運頭塘，西面有伴涌，東面過河谷地係黃宜坳。

歷史

大埔墟站最初係叫大埔墟旗站，只係九廣鐵路英段一個旗站，唔上落客，後尾轉成大埔墟站，成為正式火車站。大埔墟站響大埔太和市隔籬，係當時一個墟市，所以英文叫Tai Po Market，所以譯名大埔墟。之不過，查實當時大埔墟（即家下叫嘅大埔舊墟）近海皮，離火車站都幾遠。太和市因為交通方便，最後取代大埔墟嘅地位，變成如假包換嘅大埔墟。

九廣鐵路英段電氣化嗰陣，將大埔墟站搬去運頭角新址，取代偏僻南面嘅大埔滘站。而舊大埔墟站，就改咗做香港鐵路博物館。另外大和市以過林村河，北面新起嘅太和邨中間，另立太和站。新太埔墟站，一啲都唔近墟，反而同太和站比較近。

車站結構

車站樓層

月台	路軌
	➊	往羅湖／落馬洲
	島式月台，月台➊ 右邊嘅車門將會打開 月台➋ 右邊嘅車門將會打開
	➋	往羅湖／落馬洲
	路軌
	➌	往紅磡
	島式月台，月台➌ 左邊嘅車門將會打開 月台➍ 右邊嘅車門將會打開
	➍	往紅磡
	路軌
閣樓	閣樓	車站商店（快餐店）
大堂	大堂	出口、客務中心
		自動售賣機、自動櫃員機
	行人隧道	往新達廣場、雅運路、運頭角遊樂場

車站出口

大埔墟站有A、B出口編號，連接地面及建築物，同時又設有行人隧道通往新達廣場、雅運路、運頭角遊樂場。

鄰接車站

	東鐵綫
紅磡 - 旺角東 - 九龍塘 - 大圍 - 沙田 < 火炭 > 大學 - 大埔墟 - 太和 - 粉嶺 - 上水 < 落馬洲 馬場 羅湖

大埔墟車站月台嘅全景照。月台➋➌係共用同一條路軌，但係可以容納唔同方向嘅列車。

車站周邊

大埔墟站附近都係住宅區，好似有新達廣場、富雅花園、運頭塘邨、聖公會莫壽增會督中學、舊理民府。

大埔墟站同大埔墟有一段距離，要行15分鐘到。大埔墟個市集、香港鐵路博物館。而大埔綜合大樓響兩者中間。

接駁交通

• 九巴：
  • 64K - 大埔墟鐵路站 ↔ 元朗（西）
  • 71A - 富亨 ↔ 大埔墟鐵路站
  • 71K - 太和 ↔ 大埔墟鐵路站
  • 71S - 富善邨 ↔ 廣福邨（循環線）（只喺假日提供服務）
  • 74A - 觀塘碼頭 ↔ 太和
  • 74K - 三門仔 ↔ 大埔墟鐵路站（只喺繁忙時間服務）
  • 75K - 大尾篤 ↔ 大埔墟鐵路站
  • 275 - 香港教育學院 ↔ 大埔墟鐵路站
  • 275S - 香港教育學院 ↔ 大埔墟鐵路站（只喺假日提供服務）
  • 275R - 大埔墟鐵路站 ↔ 新娘潭（途徑大尾篤，只喺假日提供服務）

• 港鐵巴士：
  • K12 - 大埔墟車站 ↔ 大埔八號花園（八達通及東鐵綫全月通平日轉乘優惠）
  • K14 - 大埔中心 → 大埔墟車站（只喺平日朝早繁忙時間提供服務，八達通及東鐵綫全月通轉乘優惠）
  • K17 - 大埔墟車站 ↔ 富善（只喺平日提供服務，八達通及東鐵綫全月通轉乘優惠）
  • K18 - 大埔墟車站 ↔ 廣福（只喺平日提供服務，八達通及東鐵綫全月通轉乘優惠）

• 新界專線小巴：
  • 20A - 大埔墟站 ↔ 大埔那打素醫院
  • 20B - 大埔墟站 ↔ 洞梓
  • 20C - 大埔墟站 ↔ 大尾篤
  • 20K - 大埔墟站 ↔ 三門仔
  • 20S - 馬窩 ↔ 大埔墟（循環線）
  • 22K - 大埔墟站 ↔ 錦山（只喺朝早繁忙時間服務）
  • 23K - 大埔墟（運頭街） ↔ 新屋家
  • 28K - 大埔墟站 ↔ 沙田市中心（循環線）

• 的士
  • 市區的士站
  • 新界的士站

上一站‧下一站

上一站		港鐵		下一站
大學 往紅磡		東鐵綫		太和 往羅湖或落馬洲

你可以維基同享呢類嘅媒體資源：
Category:大埔墟站