杏花邨站

杏花邨 Heng Fa Chuen

杏花邨站1號月台

區 東區 地區 柴灣

通車 1985年5月31號 站類 地面 月台類 2側式月台 月台數 2個 出口數 2個

途經 港島綫 代碼 HFC 服務時間 0548-0129 接駁交通 巴士、小巴

街道圖 港鐵網

杏花邨站大堂

往柴灣方向看出

杏花邨港鐵站A出口

杏花邨站係港鐵港島綫嘅中途站，喺香港東區白沙灣杏花邨，位置介乎亞公岩同柴灣之間。車站喺地面，設有兩個側式月台。本站係港島綫唯一一個地面車站，而車站側邊係港島綫嘅柴灣車廠，上蓋係港鐵公司物業杏花邨同埋大型購物中心杏花新城。

車站結構

車站樓層

-	上蓋物業	杏花邨、杏花新城
C 大堂	大堂	出口、客務中心、杏花邨、杏花新城
		車站商店、自動售賣機、自動櫃員機
P 月台 (地面)	側式月台，左邊嘅車門將會打開
	➊	往柴灣
	➋	往上環
	側式月台，左邊嘅車門將會打開
	-	港鐵柴灣車廠

車站大堂

車站商店及自助服務

車站商店 美心西餅 OK便利站

自助服務 恒生銀行自動櫃員機 中銀香港自動櫃員機（收費區內） 自動售賣機（收費區內） 香港郵政郵箱服務

車站月台

杏花邨站係港島綫唯一一個地面車站。杏花邨設有2個相對嘅側式月台，月台中間設有水泥隔音同廣告板。杏花邨站冇同其他港島綫車站一樣，喺月台牆壁掛設大型書法車名字樣。月台全部用紙皮石牆身，車站設計以及佈局同荃灣綫荃灣站相似。由於冇冷氣，因此未有裝月台幕門。每邊月台都設有升降機及扶手電梯。

原本列車由杏花邨站開往筲箕灣站方向嗰時，會有一段露天路段先入隧道，但該段露天路段喺大約1998年時因車廠擴建俾隔音罩遮咗。

車站出口

• A - 杏花新城
  • A1 - 杏花新城西翼、杏花邨、杏花園、盛泰道
    • 可途經杏花新城嘅升降機或失明人士引導徑往返地面
  • A2 - 杏花新城東翼、杏花邨、香港專業教育學院柴灣分校、盛泰道
    • 可途經杏花新城嘅升降機或失明人士引導徑往返地面

鄰接車站

	港島綫
上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣

接駁交通

• 新世界第一巴士：
  • 8 - 杏花邨 ↔ 灣仔碼頭
• 城巴：
  • 85 - 小西灣(藍灣半島) ↔ 北角碼頭
• 過海隧道路線
  • 118P - 小西灣(藍灣半島) ↔ 深水埗(東京街)
• 港島專線小巴：
  • 62 - 小西灣（富怡花園） ↔ 杏花邨
  • 62A - 小西灣（藍灣半島） ↔ 杏花邨
• 市區的士站

利用狀況

杏花邨站嘅人流喺星期一至五繁忙時間較多，因為附近有香港專業教育學院（柴灣分校） 、中小學同埋杏花邨嘅居民要返工返學。而星期六、日就最繁忙。

車站歷史

杏花邨站現正進行改善工程，上為新款月台指示，下為舊款月台指示

杏花邨站原址係藍塘海峽近鯉魚門炮台嘅海邊，喺港島綫定線設計時已計劃將個海邊填平。1985年5月31日杏花邨站成為港島綫第一期啟用嘅車站之一。

地鐵當局曾經研究港島綫支線，由杏花邨站連接小西灣，但因技術及成本問題而擱置。 「杏花邨站」喺通車前曾經考慮命名為「白沙灣站」（Pak Sha Wan Station）、「柴灣碼頭站」（Chai Wan Quay Station）、「北柴灣站」（North Chai Wan Station）及「阿公岩站」（Agonar Station）。

而喺2001年杏花新城翻新完嗰時，恒生銀行被編排喺A1出口行人樓梯旁邊嘅杏花新城中翼商場入面，同站內嘅銀行只係隔咗幾十米，於是站內銀行喺2002年停止服務，該位置經翻新後，恒生銀行增設兩部自動櫃員機。

未來發展

月台閘門

內文： 月台閘門

港鐵公司喺2008年1月決定喺港鐵所有前地鐵網絡嘅8個地面及架空車站加建月台閘門同改善現有通風設計，以減少乘客墮軌嘅問題。該月台閘門同而家欣澳站所用嘅月台閘門係同一設計，只有月台幕門嘅一半，約高1.5米。成個計劃將於平日深夜終止服務嘅時間加建，預計喺2012年完成。

上一站‧下一站

上一站		港鐵		下一站
筲箕灣 往上環		港島綫		柴灣 總站

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往柴灣	2	2.5	3	4-5			0629	0119
➋	往上環							0558	0037

你可以維基同享呢類嘅媒體資源：
杏花邨站