紅磡站

出自維基百科,自由嘅百科全書
跳去: 定向搵嘢

座標: 北緯22°18′10.58″東經114°10′58.04″

紅磡
Hung Hom
BSicon lINT.svg
紅磡站新翼外觀

紅磡站新翼外觀

油尖旺區
地區 紅磡
通車 1975年11月30號
站類 地面車站
月台類 3島式月台
1側式月台
月台數 7個
出口數 14個
途經 東鐵綫
西鐵綫
代碼 HUH
服務時間 0520-0120
接駁交通 巴士、小巴
街道圖 港鐵網

車站位置

香港MTR系統地圖
紅磡站
紅磡站書法字
紅磡站➊月台
紅磡站➋月台
紅磡站➌➍月台
紅磡站電子屏幕
紅磡站城際直通車大堂/C出口大堂
紅磡站車站通道

紅磡站,以前叫過做九龍車站Kowloon Station),係喺香港紅磡嘅一個港鐵車站,同時亦係香港嘅城際客運鐵路總站,位於九龍九龍城區紅磡西南,行政上屬於油尖旺區。呢個站係西鐵綫車站中,唯一一個未裝月台幕門嘅車站。

現時紅磡站係東鐵綫同埋西鐵綫嘅共同總站。月台➊➍往羅湖/落馬洲,月台➋➌就去屯門。由於西鐵列車車廂少過東鐵列車,所以如果搭較前/後嘅車卡,就要行多幾步去轉車。

車站結構[編輯]

車站係全線唯入三島式月台設計,共分月台,中層月台及大堂。月台隔離有個紅磡貨場,紅磡體育館起係上面。

車站除咗提供本地線服務之外,亦提供往返內地嘅城際直通車服務。車站有六個月台,月台➊到➍畀本地客車用,而月台➎➏嘅就畀直通車用。另外,車站隔離有貨場,畀貨運列車裝卸貨物用。

車站樓層[編輯]

閣樓 - 車站商店、洗手間
G
大堂
城際直通車大堂
/C出口大堂
C出口、巴士總站洗手間
客務中心、城際直通車服務中心
車站商店、自動櫃員機自動售賣機
「e分鐘著數」機、電子儲物櫃、港鐵旅遊、
香港入境事務處G4S檢查(只限直通車乘客)
M
大堂
A及B出口大堂 A、B出口、行人天橋、車站停車場
客務中心
D出口大堂 D出口、行人天橋、客務中心
行人天橋 連接香港理工大學香港科學館
香港歷史博物館紅磡區、尖沙咀東部、
紅磡海底隧道收費廣場巴士站
P
月台
路軌
羅湖落馬洲
島式月台,左邊嘅車門將會打開。
屯門
路軌
路軌
屯門
島式月台,右邊嘅車門將會打開。
羅湖落馬洲
路軌
路軌
城際直通車往肇慶、上海廣州東北京西
島式月台,禁區。
城際直通車往肇慶、上海、廣州東或北京西
路軌
路軌
貨運月台
側式月台,唔開放

車站月台[編輯]

自紅磡站啟用以來一共有7個月台,北面外牆寫有P1至P7,1號同4號月台畀東鐵綫用,而2號同3號月台畀西鐵綫用。至於5號同6號畀來往中國內地城市嘅城際直通車用,所以呢兩個月台都係禁區,另外7號月台係貨運月台,唔對外開放做客運用途。

隨住兩鐵合併九鐵營運近100周年,東鐵綫大部分車站進行翻新,其中本站月台用咗嶄新嘅白色同地板翻新。其後九龍南綫通車,月台內更採用多個先進嘅LCD顯示屏,方便乘客知道過對面月台定係過大堂先可以轉到較快開出嘅列車。另外留意東鐵綫列車長過西鐵綫,東鐵綫入站時嘅頭2卡同尾3卡乘客,要行去月台中間位置轉西鐵綫。

呢兩個島式月台上面設有洗手間,係而家港鐵網絡中少數喺月台上設有洗手間嘅車站(另外嘅係大學站(已停用)、欣澳站迪士尼站)。

車站出口[編輯]

A及B出口大堂[編輯]

城際直通車大堂/C出口大堂[編輯]

  • C - 國際都會
    • C1 - 巴士總站、海底隧道收費廣場巴士站、海濱南岸、香港專上學院、紅磡灣中心、紅磡區、半島豪庭、香港理工大學、黃埔花園
    • C2 - 國際都會、機場快綫穿梭巴士、過海的士都會海逸酒店、海灣軒海景酒店、海韻軒海景酒店、上落客區、都會軒、都會大廈
    • C3 - 香港體育館、華懋廣場、海底隧道收費廣場巴士站、香港歷史博物館香港科學館香港日航酒店、海景嘉褔酒店、新東海商業中心、新文華中心、南洋中心、香港理工大學、尖沙咀東部

D出口大堂[編輯]

  • D - 香港體育館
    • D1 - 海底隧道收費廣場巴士站、康宏廣場、港晶中心、香港歷史博物館、香港科學館、香港日航酒店、海景嘉褔酒店、新東海商業中心、新文華中心、南洋中心、香港理工大學、尖沙咀東部
    • D2 - 香港體育館
    • D3 - 香港體育館
    • D4 - 香港體育館
    • D5 - 國際郵件中心、尖沙咀海濱花園
    • D6 - 都會海逸酒店、城際客運服務中心、城際直通車、港鐵紅磡大樓、多層停車場、國際都會、都會軒、都會大廈

鄰接車站[編輯]

紅磡站而家係東鐵綫西鐵綫嘅線站,每日有東鐵綫列車開往新界沙田大埔墟上水羅湖落馬洲等地,每個鐘共開出十幾班列車。1975年11月30號2004年10月24號下晝3點,該站係當時九廣東鐵南面總站。2004年10月24號下晝3點至2009年8月15號,東鐵綫暫時改以尖東站作總站。不過2009年8月16號,紅磡站成為東鐵綫西鐵綫嘅總站,搭西鐵綫可以前往荃灣西元朗屯門等車站。

紅磡站亦係香港往返中國大陸各地城際客運服務列車(又叫「直通車」)嘅總站,列車分別前往廣州東東莞(常平)佛山肇慶北京西上海等地,班次由每個鐘至隔日開出不等。此外,個站每日有多班貨運列車開往中國大陸,多由港鐵柴油機車行。

本地客運服務[編輯]

編輯 東鐵綫
紅磡 - 旺角東 - 九龍塘 - 大圍 - 沙田 < 火炭 > 大學 - 大埔墟 - 太和 - 粉嶺 - 上水 < 落馬洲
馬場 羅湖
編輯 西鐵綫
紅磡 - 尖東 - 柯士甸 - 南昌 - 美孚 - 荃灣西 - 錦上路 - 元朗 - 朗屏 - 天水圍 - 兆康 - 屯門

城際客運服務[編輯]

路線 站點
廣州線(廣東線) 九龍紅磡)↔ 東莞(常平)↔ 廣州東
肇慶線(廣東線) 九龍(紅磡)↔ 東莞(常平)↔ 廣州東 ↔ 佛山 ↔ 肇慶
上海線 九龍(紅磡)↔ 上海
北京線 九龍(紅磡)↔ 北京西

接駁交通[編輯]

紅磡站大堂外設有巴士總站、小巴站同的士站,有多條巴士、小巴路線或的士往返香港主要各區。同時,乘客可以轉的士或機場巴士往返香港國際機場,交通非常方便。

紅磡站旁邊設有兩條行人天橋連接車站大堂同海底隧道紅磡收費廣場巴士站,方便乘客轉隧巴往返香港島或香港各區。此外,收費廣場側邊嘅梳士巴利道亦有3條巴士路線往返尖沙咀或元朗。

利用狀況[編輯]

紅磡站位於紅磡以西,接近香港海底隧道九龍入口,係東鐵綫西鐵綫重要轉車站。因此每日繁忙時間都有好多乘客用呢個站轉車,往返九龍新界。此外,本站鄰近設有多條過海隧道巴士站。由於東鐵綫及西鐵綫唔可以直接過海,唔少乘客會喺呢個站落車,前往紅隧收費廣場巴士站再轉過海巴士前往香港島。此外,本站亦係香港往返中國大陸各地城際客運服務列車(又叫「直通車」)嘅總站。再加上呢個站近住香港體育館香港理工大學世界殯儀館等重要地標,因此每日亦有唔少乘客進出呢個站。每當香港體育館有活動進行期間(例如演唱會香港小姐競選),車站更會出現大量人流。

車站歷史[編輯]

兩鐵合併前紅磡站大堂
兩鐵合併前嘅紅磡站月台
九龍南綫通車前嘅紅磡站月台
已加裝保安設施嘅直通車大堂
位於禁區內嘅直通車候車室
西鐵綫伸延通車當日月台
有綫電視正安排緊拍攝

紅磡站嘅建立屬於九廣鐵路現代化工程嘅一個重要部份。工程主要包括全線鋪設雙軌同埋列車電氣化,兩項工程嘅起點都喺紅磡。

九廣鐵路原本嘅總站喺尖沙咀,但該站用咗逾半世紀後,未能滿足日益增加嘅運載需要,加上該站附近已有相當嘅發展,政府就揾過塊地,起新嘅鐵路總站。最後決定喺香港海底隧道側邊嘅填海地上起新站,即係紅磡站。新站喺1975年11月30號啟用,正式名依然係九龍車站。尖沙咀至何文田嘅一段路軌同日起停用,隨後拆咗,但保留尖沙咀鐘樓。響1950年代,九鐵曾經喺而家嘅市政局百周年紀念公園設紅磡站,後來被廢置。

紅磡站至沙田站之間嘅路段自1981年4月27號起雙軌行車;並於第二年5月6號開始引入電氣化火車服務。到咗1983年,紅磡至羅湖之間全線雙軌行車同埋提供電氣化火車服務。

另外,來往中國大陸嘅城際客運服務(直通車)喺1979年重新投入服務,城際客運服務列車嘅香港總站設喺紅磡站。城際客運服務一直延續至今,並遍及中國大陸多個城市,包括廣州東莞肇慶上海北京等。

擴建工程[編輯]

1990年代中九鐵批出紅磡站擴建合約,進行翻新工程,新大堂由著名建築師霍朗明設計,並喺1997完成。2002年5月紅磡車站擴建中層月台正式啟用。2007年就九龍南綫再一次進行擴建以及重編列車月台。

保持健力士世界紀錄:世界最長營運列車嘅終點站[編輯]

內文: 東方快車

為紀念日本富士電視台成立30週年,東方快車開出一列由NIOE編組嘅特別列車,喺1988年9月7日法國巴黎里昂火車站啟程,途經前東德、前西德波蘭、前蘇聯中國香港,最後用船運返日本繼續行程,全程15,494公里[需要參考資料]

東方快車於同年9月26日下晝2點45分駛入九龍車站,同月尾將火車裝箱由船運往日本山口縣下松港,完成剩低日本部份嘅最後一段路程。

及後經過健力士世界紀錄驗證,由於嗰次車程中只有喺巴黎里昂火車站至香港九龍車站一段,列車至係喺路軌上連續性營運行駛,故此健力士世界驗證機關最後承認兩站間行駛嘅東方快車路程係世界最長營運列車,打破定期由俄羅斯莫斯科北韓平壤國際列車行駛里數(現時營運中最長路程嘅列車)。

截至2008年9月,該世界最長營運列車嘅世界紀錄重未俾其他列車線打破。

車站命名[編輯]

紅磡車站之前叫做九龍車站,後嚟九龍車站改名做紅磡車站,至於原因有個講法,就係為咗避免同地鐵(現港鐵)機場快綫九龍站混淆,但係早喺1994年,鐵路發展策略同埋東鐵尖沙咀支線公佈時,就已經建議將九廣鐵路(英段)由原來位於紅磡嘅九龍車站延伸至尖沙咀,並正式將九龍車站改名做紅磡車站,直到1996年,九廣鐵路(英段)改名做九廣東鐵時,亦將九龍車站正式改名做紅磡車站。然而,來往中國大陸嘅城際客運服務仍會以九龍稱呼紅磡車站。

尖沙咀支線[編輯]

2004年10月24日,尖沙咀支線通車,本地線列車暫改以尖東站為總站。此後至九龍南綫通車前,本地客運只用紅磡站2號同3號月台,分別服務東鐵綫北行同南行列車,4號月台用嚟停放待避列車,而1號月台漑編號同路軌更一度被廢除。

九龍南綫(西鐵綫延伸段)[編輯]

內文: 九龍南綫

港鐵九龍南綫連接尖東站同埋西鐵綫南昌站。呢段路喺2009年8月通車之後,西鐵綫由南昌站經尖東站伸延至紅磡站;而東鐵綫改返用紅磡做南行總站。換言之,紅磡站成為東鐵綫西鐵綫轉車站同埋總站。

為配合西鐵綫延伸,港鐵翻新過紅磡站,包括喺現有月台安裝新電梯、改裝月台南面嘅機房、進行有關升降機嘅嘅工程、為地板打蠟同埋安裝月台吊板、班次顯示屏等。此外,原本封閉嘅1號同4號月台重開,1、2號月台以及3、4號月台就作東西鐵綫間跨月台轉車之用。

由於西鐵綫嘅服務時間短過東鐵綫,所以紅磡去尖東嘅尾班車由0108提早至0025,而尖東去紅磡嘅頭班車就由0528延遲至0604,港鐵估計大約有200個乘客受影響。

港鐵建議東西鐵綫乘客到咗紅磡站之後,只需要行過去對面月台就可以轉車。但由於西鐵綫喺非繁忙時間嘅班次比較疏,所以行過去對面月台之後可能要等6-12分鐘先開車。因此部分乘客落車之後會睇吓班次顯示屏,再決定係咪上大堂再落番去另一組月台搭早啲開嘅列車,慳啲時間。

未來發展[編輯]

沙田至中環綫[編輯]

內文: 沙田至中環綫

根據最新規劃,當沙田至中環綫起嗰陣,紅磡站將重建兩層島式月台喺紅磡貨場地底(即而家紅磡站以東位置)。位於地面嘅島式月台會畀東西綫(西鐵綫、沙中綫大圍至紅磡段、馬鞍山綫)用,而地底嘅島式月台會畀南北線(東鐵綫沙中綫過海段)用。

新車站結構(本地綫)[編輯]

大堂 大堂 客務中心
地面月台 月台 烏溪沙
島式月台,右邊車門將會打開
月台 屯門
地底月台 月台 羅湖落馬洲
島式月台,右邊車門將會打開
月台 金鐘

上一站‧下一站[編輯]

上一站   港鐵   下一站
總站 東鐵綫
西鐵綫 總站

上一站‧下一站(之後)[編輯]

上一站   港鐵   下一站
紅磡
東鐵綫
東西綫

列車班次[編輯]

月台 方向 列車班次(分鐘) 頭班車 尾班車
平日上晝
繁忙時段
平日下晝
繁忙時段
星期六上晝
繁忙時段
星期六下晝
繁忙時段
星期六
非繁忙時段
平日非繁忙時段/
星期日及公眾假期
➊➍
上水
3-8
4-8
3-8
4-8
0530
0025
羅湖
6-8
0530
2307
落馬洲
10-12
12-14
0535
2135
➋➌
屯門
3
4.5
3.5
4.5
6-10
0553
0025