康城站
|
||||||||||
 |
||||||||||
 康城站外觀 |
||||||||||
|
||||||||||
|
||||||||||
|
||||||||||
|
||||||||||
康城站係港鐵將軍澳綫二期嘅終點站，喺政府將軍澳第86規劃區嘅地面。車站服務香港新界西貢區百勝角南部一帶，即係現時嘅港鐵將軍澳車廠附近，喺2009年7月26號啟用。
雖然康城站係屬於地面車站，但係為避免對日出康城居民造成滋擾，成個車站用混凝土圍封。列車入站前會經過幾十米嘅一小段露天軌道，係全個西貢區唯一一段露天路軌，明顯本站係喺地面水平，呢段路可以由附近嘅馬路見到。另外，喺距離地面近啲嘅一段路，港鐵亦用鐵絲網圍起，喺有關路段附近嘅單車徑豎立路牌提醒。
康城站面積達35,000平方米，採用密封式設計，並以紫色為主色，而車站上蓋會發展港鐵公司有史以來最大嘅上蓋物業發展項目──日出康城[1]，一個比杏花邨站嘅杏花邨發展項目重要大超過一倍嘅綜合住宅發展項目。
目錄 |
[編輯] 車站結構
[編輯] 車站樓層
康城站樓高三層，底層係地面車站月台，設有三條扶手電梯、一部升降機及樓梯，連接一樓嘅車站大堂，頂層就係日出康城住宅平台，喺月台旁邊係現有嘅港鐵將軍澳車廠。
| U3 平台 |
平台 | C出口、行人通道往日出康城 |
| U2 大堂 |
大堂 | 客務中心、車站商店 |
| U1 月台 |
路軌 | |
| ➊ | 往北角／寶琳[2] | |
| 島式月台 | ||
| ➋ | 往北角／寶琳[2] | |
| 路軌 | ||
| G 地面 |
出口 | A出口、公共運輸交匯處（接駁日出康城接駁巴士、巴士、小巴）、港鐵將軍澳車廠 |
[編輯] 車站大堂
康城站的車站大堂位於月台上層，大堂設有客務中心，車站商店等設施。由於車站只係為日出康城發展項目而設，車站大堂設有4部單程售票機以及兩部八達通增值機[3]，並平均分佈喺大堂兩面，而車站嘅客務中心位於大堂中間，方便乘客查詢及處理票務問題。
[編輯] 車站商店
[編輯] 車站月台
康城站設有2個月台，並以島式月台排列，月台設有月台幕門，位於將軍澳車廠地面旁。月台冇落客專用月台及調頭隧道，列車到站後會喺該月台同一時間進行上落客及調頭，乘客可以按指示喺1號月台或2號月台搭將軍澳綫往北角或調景嶺方向嘅列車。由於車站只係為日出康城發展項目而設，因此車站比其他車站嘅月台闊度為窄，月台闊度只能容納一條單向扶手電梯[3]。
[編輯] 車站出口
康城站啟用初期設有兩個出入口，其中一個出入口連接上蓋物業──日出康城嘅住宅平台，另一個出入口就連接車站嘅公共運輸交匯處。此外，車站亦預留B出口作為未來出入口，以便日後擴充之用。
- 地面（G）
- 平台（U3）
-
車站大堂
-
康城站A出口
-
康城站C1出口
.JPG)
.JPG)
[編輯] 鄰接車站
康城站係將軍澳綫其中一個終點站，乘客可以搭將軍澳綫往北角方向嘅列車去香港島或九龍呢啲地方。若果乘客需要喺嗰個站前往坑口站或寶琳站，就要喺將軍澳站轉往寶琳方向嘅列車。
| 編輯 | 將軍澳綫 | ||||
|
|||||
[編輯] 接駁交通
康城站近A出口嘅地面設有一個臨時公共運輸交匯處，雖然交匯處入面設有巴士、小巴同埋的士站，但車站啟用初期，只有穿梭巴士往返日出康城，以及市區的士站，並冇其他巴士以及小巴路線往返康城站。
- 穿梭巴士
- 康城站 ↔ 首都、領都及領峯
- 市區的士站
[編輯] 利用狀況
康城站響新界西貢區小赤沙南部康城路，附近只有日出康城、將軍澳工業園同埋一個公共運輸交匯處。所以，大部份用呢個站進出嘅人流都係日出康城居民或者響將軍澳工業園入便做嘢嘅員工，整體人流會比其他車站為少。
另外，因為呢個站接近將軍澳車廠，每當返工放工繁忙時間之後，部份將軍澳綫嘅港鐵列車響呢個站清客之後，就會暫停服務，返將軍澳車廠。嗰時，月台會響列車到站前會廣播。通知等車乘客列車響到達呢個站後會返去車廠，唔會載客。
[編輯] 車站歷史
- 車站命名
康城站喺將軍澳綫規劃嗰時，由於車站只係喺將軍澳百勝角對出嘅第86規劃區填海用地上面，所以車站喺方案入面只係用「86區」作車站命名。直至後期嘅地鐵中期報告、年報及相關文件中[4]，以「將軍澳南」為車站名。而喺車站工地外圍板上嘅模擬圖片，中文就叫做「澳南站」，而英文就叫做「Tseung Kwan O South Station」[5]（意譯為將軍澳南站）。
由於康城站主要服務日出康城嘅居民，根據港鐵公司喺2007年12月嘅業務概覽入面，車站係用「日出康城」作為標示，而喺2008年2月向傳媒展示嘅內容，內容並無提及車站嘅名稱，只係以「日出康城新車站」為標題向傳媒簡介，並唔係用將軍澳南命名。不過，根據香港討論區喺2008年7月刊登本站內部裝修嘅相，呢個站將會用「康城」作為車站名。2008年10月18號港鐵正式名為「康城站」（LOHAS Park Station），喺2009年7月26號啟用[6]。
- 將軍澳綫新行車模式
為配合康城站喺2009年7月26號啟用，將軍澳綫實施新行車模式。繁忙時間（平日上下晝、星期六上晝）往北角方向，列車以四班做一組，每隔2分30秒一班，頭三班列車將由寶琳站開出，第四班就由呢個站開出。喺通車初期，康城站列車班次比較疏落，繁忙時間每10分鐘一班。而係非繁忙時間就淨係有來往將軍澳同調景嶺嘅穿梭列車，每12分鐘一班。
[編輯] 上一站·下一站
| 上一站 | 港鐵 | 下一站 | ||
|---|---|---|---|---|
|
往北角
|
將軍澳綫
繁忙時間康城站班次
|
總站 | ||
|
往調景嶺
|
將軍澳綫
非繁忙時間穿梭列車
|
[編輯] 列車班次
| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 |
||||
|
|
|
|
|
|
|
||||
|
|
|
|
|
|
|||||
- 平日繁忙時段:0704-1007;1651-2005
- 星期六上晝繁忙時段:0704-1007
[編輯] 參考
[編輯] 出面網頁
|
|||||||||||||||||||||||||||||||||||||||||||||||||||||||||||
