荃灣站

荃灣 Tsuen Wan

荃灣站月台

區 荃灣區 地區 荃灣

通車 1982年5月10號 站類 地面 月台類 2側式月台 月台數 2個 出口數 10個

途經 荃灣綫 代碼 TSW 服務時間 0550-0134 接駁交通 巴士、小巴、跨境巴士

街道圖 港鐵網

荃灣站名

車站大堂

西樓角路近南豐中心的A出口

荃灣站係港鐵荃灣綫嘅北面終點站，係一個地面車站，喺新界荃灣區荃灣北部一帶，喺1982年5月10號啟用。本站用紅色做主要色調。荃灣站有兩月台，用側式月台設計。喺兩鐵合併前係前地鐵系統中最北嘅車站。

荃灣站月台係開放式設計，月台層冇冷氣，兩個月台都有裝月台幕門，但係售票大堂層裝咗冷氣。喺前地鐵網絡中，係較為少見嘅車站設計。

荃灣站旁邊係港鐵荃灣車廠，車站上蓋亦都係港鐵公司綠楊新邨嘅住宅項目。車站嘅落成帶動咗荃灣北部一帶嘅發展。

車站結構

車站樓層

-	上蓋物業／ 行車天橋	綠楊新邨、綠楊坊 大河道北
U1 大堂	大堂	A至C出口、客務中心、車站商店
		恒生銀行、自動售賣機、自動櫃員機
		「e分鐘著數」機
G 月台 (地面)	出口	D、E出口、專線小巴站、三棟屋博物館
	側式月台，左邊嘅車門將會打開
	➊	落客月台
	➋	往中環
	側式月台，左邊嘅車門將會打開
	車廠	港鐵荃灣車廠

車站大堂

荃灣站車站大堂喺荃灣站月台上面，連住綠楊坊。由於月台係側式月台設計，引致大堂兩邊嘅非收費區唔可以喺車站內相連，要用車站外嘅戶外行人通道往返兩邊非收費區。

車站出口

車站大堂（U1）

• A - 巴士總站
  • A1 - 廉政公署、力生廣場、荃灣裁判署、南豐中心、荃灣大會堂、大河道、萬景峯、荃新天地、港鐵荃灣西站
    • 設有斜道及失明人士引導徑往返出口
  • A2 - 巴士總站
  • A3 - 愉景新城、福來邨、新領域廣場、政府合署、荃灣公共圖書館、荃錦中心、荃灣警署
  • A4 - 接駁巴士、專線小巴站、西樓角路
• B - 富華中心
  • B1 - 眾安街、英皇娛樂廣場、富華中心、工聯會工人醫療所、兆和街、荃灣珠寶金飾坊
  • B2 - 荃灣城市中心、遠東帝豪酒店、民政事務處、悅來酒店、荃豐中心、華都中心、仁濟醫院
  • B3 - 古屋里、港鐵車廠、西樓角路、三棟屋博物館、蕙荃路
• C - 綠楊新邨／綠楊坊
  • 綠楊坊、綠楊新邨
    • 設有斜道往返平台

荃灣綫落客月台（地面）

• D - 專線小巴站
  • 青山公路、照潭徑、專線小巴站、時貿中心、美環街、街坊工友服務處、西樓角路、荃景圍
• E - 三棟屋博物館
  • 接駁巴士、古屋里、港鐵荃灣車廠、西樓角路、三棟屋博物館、蕙荃路

車站周邊一覽

主要大廈及購物中心 荃灣千色百貨 荃灣城市中心 協和廣場 英皇娛樂廣場 新領域廣場 力生廣場 愉景新城 綠楊坊 南豐中心 荃豐中心 荃灣廣場 99廣場 中國染廠大廈 時貿中心 遠東帝豪酒店 悅來酒店 愉景新城 怡景園 富華中心 荃豐中心 荃錦中心 華都中心 祈德尊新村 福來村 綠楊新村

公共服務和設施 大廈管理和資源中心 荃灣公共圖書館 社區中心 民政事務處 家計會荃灣指導所 政府合署 工聯會工人醫療所 香港總商會簽證部 廉政公署 載麟趾夫人分科診療所 裁判署/大會堂 街坊工友服務處 紅十字會捐血站 荃景圍體育館 荃灣街市 楊屋道體育館 楊屋道街市 仁濟醫院 三棟屋博物館 交通 荃灣站公共運輸交匯處 西樓角路

鄰接車站

	荃灣綫
中環 - 金鐘 - 尖沙咀 - 佐敦 - 油麻地 - 旺角 - 太子 - 深水埗 - 長沙灣 - 茘枝角 - 美孚 - 茘景 - 葵芳 - 葵興 - 大窩口 - 荃灣

接駁交通

接駁交通

巴士

• 九巴：
  • 30、30X、34、34M、39A、39M、40、41M、42M、43X、48X、49X、51、53、57M、58M、59A、59M、60M、61M、66、66M、66P、67M、68A、68M、69M、73X、234A、234B、234X、235、238M、243M、251M、263M、265M、269M、278X
• 龍運巴士：
  • A31、E31

小巴

• 新界專線小巴：
  • 80、81、82、82M、85、94S、95、95A、95K、95M、96A、96B、96C、96M、301、301M
• 居民巴士：
  • NR92 - 錦繡花園 ↔ 荃灣站
  • NR319 - 豪景花園 ↔ 荃灣站
  • NR323 - 麗城花園（第三期） ↔ 荃灣站
  • NR324 - 恆麗園 ↔ 荃灣站
  • NR325 - 海韻台 ↔ 荃灣站
  • NR326 - 麗城花園（第二期） ↔ 荃灣站
  • NR327 - 麗城花園（第一期） ↔ 荃灣站
  • NR328 - 翠濤閣 ↔ 荃灣站
  • NR329 - 麗都花園 ↔ 荃灣站
  • NR331 - 馬灣（珀欣路） ↔ 荃灣（西樓角路）
  • NR333 - 朗逸峯 ↔ 荃灣站
  • NR335 - 寶雲匯 ↔ 荃灣站
  • NR758 - 浪琴軒/海琴軒 ↔ 荃灣站
  • NR761 - 屯門浪濤灣 ↔ 荃灣站
  • NR901 - 嘉湖山莊（翠湖居／樂湖居） ↔ 荃灣站
  • NR905 - 嘉湖山莊（美湖居） ↔ 荃灣站
• 中港通跨境巴士：
  • 荃灣（愉景新城）／荃灣站 ↔ 皇崗口岸

利用狀況

喺荃灣綫嘅啟用初期，由於綠楊新邨未建成而且遠離當時喺沙咀道一帶嘅荃灣市中心嘅關係，當時荃灣站流量頗低。但係隨著新市鎮嘅發展、車站附近多個商場落成同埋行人天橋網絡落成之後，荃灣北部幾乎取代咗荃灣中部成為區內最繁盛嘅地區。同時，九巴開辦大量巴士線去荃灣以接駁港鐵。每當颱風襲港嘅時候，荃灣站公共運輸交匯處就擠滿咗唔少乘車歸家嘅人。

1998年6月14號，九龍巴士68M因應前區域市政局議員（現荃灣區議員）鄺國全、香港興業同埋新世界發展嘅意見，決定將喺1982年開辦路線打回原形，並遷回元朗西同埋荃灣站。

鄰近嘅荃灣西站公共運輸交匯處喺西鐵綫（前稱九廣西鐵）通車之前係連接新界西北（屯門及元朗）最重要嘅交通中轉站，到而家西鐵綫通車之後，依然係相當繁忙。

車站歷史

荃灣站雖然係荃灣綫嘅終點站，但係用咗對向式月台嘅設計。呢嗰係因為根據原設計，荃灣站淨係中途站，並且打算喺而家嘅荃灣站嘅西面嘅柴灣角（近愉景新城同埋荃景花園一帶），起一個「荃灣西站」做終點站，並且同埋新界西部走廊（而家叫西鐵綫）接駁，但係因為收地同埋人口唔夠嘅問題一直唔可以起。

而家，西鐵綫喺荃灣海旁起咗荃灣西站，但係西鐵綫嘅荃灣西站同埋荃灣綫嘅荃灣站並無任何嘅關連，亦不可以同荃灣站直通。雖然荃灣站並唔係接駁西鐵綫荃灣西站嘅車站，並需要分別繳付兩程嘅車資，但係兩站之間有專線小巴95K（八達通或西鐵綫全月通可免費轉乘西鐵綫）同埋301M（八達通轉乘西鐵綫優惠）連接，而步行全程大概需要15至到20分鐘。

喺建築荃灣站期間，荃錦公路需要改道。而三棟屋村亦需要搬遷，而原址喺工程完成之後則改建做三棟屋博物館。

未來發展

月台閘門

內文： 月台閘門

港鐵公司喺2008年1月決定喺港鐵所有前地鐵網路嘅8個地面同埋架空車站加建月台閘門同埋改善而家嘅通風設計，以便減輕乘客墜軌嘅問題。該個月台閘門同而家欣澳站所採用嘅月台閘門係同一設計，淨係得而家月台幕門嘅一半，大約高1.5米。呢個計劃喺平日深夜終止服務嘅時間加建，預計好快會完成。

上一站‧下一站

上一站		港鐵		下一站
大窩口 往中環		荃灣綫		總站

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➋	往中環	2.1	2.2	2.5	4-5			0600	0030