觀塘綫
|
||||||||||||||||||||||||
 ↑觀塘綫月台 |
||||||||||||||||||||||||
 |
||||||||||||||||||||||||
|
||||||||||||||||||||||||
|
|
||||||||||||||||||||||||
觀塘綫係港鐵營運嘅十條路線之一，由油尖旺區嘅油麻地連接西貢區嘅調景嶺。1979年通車時嘅總站係喺觀塘，所以叫呢個名。截至2004年，觀塘綫有15個車站，當中有6個係轉車站，九龍灣、牛頭角、觀塘、藍田同埋油塘5個車站係架空／地面車站。觀塘綫喺路線圖上面以綠色做代表。
目錄 |
[編輯] 路線圖
[編輯] 歷史
喺1960年代，香港政府已經想起集體運輸系統（Mass Transit Railway）。而當時規劃上已經有Kwun Tong Line，即係觀塘綫，不過比家下長好多。佢由Western Market，大概係今日嘅上環站，到Ma Yau Tong，大約係今日油塘站。香港島Central站（今日中環站）做轉車站，同Island Line（今日港島綫）轉車，但係唔停Admiralty站（今日金鐘站）。Tsim Sha Tsui站（今日尖沙咀站）、Diamond Hill站（今日鑽石山站）同Shatin Line（接近近年講嘅沙中綫）做轉車站。Tsim Sha Tsui站、Jordan站（今日佐敦站）、Waterloo站（今日油麻地站）、Mong Kok站（今日旺角站）四個轉車站同Tsuen Wan Line（約莫今日荃灣綫）做轉車。
不過呢個系統規模過大，結果要縮細來搞。
[編輯] 修正早期系統
1975年11月，修正早期系統獲准興建。工程歷時四年，1979年10月1號正式通車。修正早期系統（首段）只係有石硤尾站到觀塘站嘅一段投入服務，列車只係有四卡。之後修正早期系統繼續擴展，地鐵服務喺1979年12月31號擴展到尖沙咀站。1980年2月12號過海鐵路路段啟用，地鐵列車第一次去到港島中環，地鐵嘅服務亦都伸延到港島區，全段修正早期系統完工。為咗應付客量增加，列車組由1980年2月16日起加到一列六卡。
[編輯] 荃灣綫
1982年4月26號，為咗方便觀塘綫乘客適應喺旺角站轉搭荃灣綫嘅列車過去港島，荃灣綫首段（荃灣↔荔景）同埋太子站嘅轉車月台啟用，並且取代咗原有修正早期系統由中環站至旺角站嘅部份。嗰日開始修正早期系統一分為二，荃灣站至中環站命名做荃灣綫，而觀塘站至油麻地站就命名做觀塘綫，所有觀塘綫嘅列車會以油麻地站下層月台做總站。
由荃灣綫中環站至佐敦站往觀塘綫嘅乘客需喺旺角站轉車；而由荃灣站至深水埗站往觀塘綫嘅乘客就要喺太子站轉車。
1982年5月，荃灣綫正式啟用，由嗰日開始油麻地站就成為咗觀塘綫嘅終點站，旺角站同埋太子站就成為接駁荃灣綫嘅轉車站。
[編輯] 東區海底隧道
1984年，香港政府決定起第二條過海隧道——東區海底隧道。地鐵獲授權興建一條汽車同埋鐵路兩用嘅海底隧道。當隧道喺1989年建成啟用之後，觀塘綫嘅終點站喺同年嘅8月6號伸延到香港島嘅鰂魚涌站；新加嘅藍田站就喺同年嘅10月1號啟用。1986年5月22號，因應客量需求，特別係九龍塘轉車站嘅客量，列車加到去一列八卡，直至而家都係。
[編輯] 將軍澳綫
2001年9月27號觀塘綫又被延伸去到香港島嘅北角站。隨住將軍澳綫嘅啟用，2002年8月4號觀塘綫嘅終點站又由香港島改番返去九龍，並且向東延伸以將軍澳綫油塘站作為終點站。同年8月18號，將軍澳綫正式通車，觀塘綫列車最終以調景嶺站做終點站，將軍澳綫正式取代觀塘綫原有由海底隧道至北角站嘅一段。
[編輯] 用車
一列列車8卡（通車初期4卡，喺1980年加到去一列6卡，1986年到而家就加到去一列8卡），並且喺1998至2001年間全面翻新。
觀塘綫嘅車隊全部都係英國都城嘉慕所製造嘅列車。觀塘綫嘅英國製都城嘉慕列車嘅車卡主要係最早期買落嘅第1代闊門膠車卡，同埋用窄門膠嘅2A、2C同3代車卡。
| 下行（往油麻地） | 都城嘉慕電動列車車廂編組 | （往調景嶺）上行 |
| AXXX（單數號碼） - CXXX（單數號碼） - DXXX - B4XX - C4XX - DXXX - CXXX（雙數號碼） - AXXX（雙數號碼） | ||
- 都城嘉慕電動列車車廂編組註解：
- AXXX - 有駕駛室負責操控嘅動力車廂
- B4XX - 操控嘅動力車廂動力推動卡
- CXXX/C4XX - 附集電弓嘅電力車廂
- DXXX - 拖卡
[編輯] 未來發展
[編輯] 觀塘綫延綫
- 內文： 觀塘綫延綫
[編輯] 車站一覽‧接駁路線
| 車站套色同埋名 | 喺邊區 | 車站接駁 | 啟用日期 |
|---|---|---|---|
| 觀塘綫 | |||
| 調景嶺 | 西貢區 | 將軍澳綫 | 2002年8月18號 |
| 油塘 | 觀塘區 | 2002年8月4號 | |
| 藍田 | 1989年8月9號 | ||
| 觀塘 | 1979年10月1號 | ||
| 牛頭角 | |||
| 九龍灣 | |||
| 彩虹 | 觀塘區同埋 黃大仙區 |
||
| 鑽石山 | 黃大仙區 | 沙田至中環綫 (東西走廊)[DIH] | |
| 黃大仙 | |||
| 樂富 | |||
| 九龍塘 | 九龍城區 | 東鐵綫 | |
| 石硤尾 | 深水埗區 | ||
| 太子 | 油尖旺區 | 荃灣綫 | 1982年5月10號 |
| 旺角 | 荃灣綫[MKE] | 1982年5月10號[TWL] | |
| 油麻地 | 荃灣綫[YMT] | ||
| 何文田 | 九龍城區 | 沙田至中環綫 (東西走廊)[HMT] | 規劃緊，預計2015年[KTE] |
| 黃埔 | |||
| 附註 | |||
| FHC
喺《鐵路發展策略2000》指出，由於交通需求未足以興建，而家呢個階段無意發展第五條過海鐵路。所以未能有關落實計劃嘅發展日期。 KTE 根據地鐵公司提出嘅觀塘綫延綫方案，觀塘綫可以由油麻地站延伸到去何文田站同埋黃埔站，為嗰區提供地鐵服務，並且同沙田至中環綫交匯。而家暫時未能落實有關計劃嘅發展日期。 TWL 由於觀塘綫而家行經呢一段係屬於荃灣綫嘅新建路段，所以以荃灣綫嘅啟用日期作準。 YMT 油麻地站喺路線圖上以一個轉車站形式出現，但係列車廣播從來唔會建議乘客到嗰個站轉車。由於車站只係觀塘綫嘅終點站，車站設計上唔係跨月台轉車站，乘客需要行到去另一層月台先至可以轉車，所以路線圖上嘅標示係話俾乘客可以喺呢個站轉另一條線。 MKE 旺角站唔係接駁東鐵綫旺角東站嘅車站，但係可以經行人天橋行10至15分鐘到車站。 HMT DIH 根據運輸及房屋局提交嘅沙田至中環綫合併方案，九廣西鐵將連接計劃緊嘅沙田至中環綫嘅東九龍路段同埋馬鞍山綫，成為東西走廊。而家暫時未能落實有關計劃嘅發展日期。 |
|||
|
|
|||
|
|||||||||||||||||
