上環站

出自維基百科，自由嘅百科全書

上環 Sheung Wan

一號月台

區 中西區 地區 上環

通車 1986年5月23號 站類 地底 月台類 2側式月台 月台數 2個 出口數 10個

途經 港島綫 代碼 SHW 服務時間 0555-0116 接駁交通 巴士、小巴、電車

街道圖 港鐵網

上環站係港鐵港島綫目前嘅終點站，響香港島中西區上環德輔道中地底，響1983年3月開始起，1986年5月23號起好。呢個站係地底車站，以淺啡色為主色，有兩個側式月台，全部月台都有月台幕門。

目錄 1 車站結構 1.1 車站樓層 1.2 車站大堂 1.3 車站月台 1.4 車站出口 1.5 鄰接車站 2 接駁交通 3 利用狀況 4 車站歷史 5 未來發展 6 上一站‧下一站 6.1 列車班次

[編輯] 車站結構

[編輯] 車站樓層

地面	-	出口
L2 大堂	德輔道中大堂	客務中心、車站商店
		恒生銀行、自動售賣機、自動櫃員機
	林士街大堂	客務中心、車站商店
		恒生銀行、自動櫃員機
L3 閣樓	德輔道中大堂	車站通道去各月台同A至D出口
	林士街大堂	林士站東九龍綫預留月台
	島式月台，車站通道去各月台同E出口
	林士街大堂	林士站東九龍綫預留月台
L5 月台	側式月台，左邊嘅車門將會打開
	➊	往柴灣
	➋	落客月台
	側式月台，左邊嘅車門將會打開

[編輯] 車站大堂

兩個大堂淨係有兩個位置連接兩個港島線月台，同埋扶手電梯嘅位置設計唔方便，所以乘客由車站大堂來往月台要好耐，喺繁忙時間好迫，好多人都話唔方便。

林士街大堂

內文： 東九龍綫

林士街大堂原本係計劃緊嘅東九龍綫林士站車站大堂（見歷史一節）。為免起林士站嘅時候影響上環站運作，前地鐵起上環站時已響林士街地底預留該站車站大堂同埋月台。林士站本身都有車站控制室、完整嘅車站大堂、商店及客戶服務中心等，具備獨立運作嘅條件。但因為東九龍綫計劃擱置，林士站嘅車站大堂，而家成為上環站嘅其中一個車站大堂，同上環站本身個大堂互不相連。

車站商店及自助服務

車站商店 7-Eleven 美心西餅 Giordano 香港品質管理協會

自助服務 恒生銀行自動櫃員機 中國銀行（香港）自動櫃員機 自動售賣機 郵箱服務

[編輯] 車站月台

港島綫月台

上環站港島綫嘅月台設計，有別於港島綫其他車站。1號同2號月台睇落好似兩個響唔同層數嘅單向式月台，但事實上係對向式月台設計，只係兩個月台之間畀牆壁完全阻隔，令乘客唔知道兩月台位於同一層，同南昌站（西鐵綫）、荃灣西站同坑口站嘅設計類似。當港鐵列車響南面嘅2號月台落客後，便會利用無人駕駛列車系統駛入車站西面嘅掉頭路軌，再掉頭進入北面嘅1號月台上客。而上環站掉頭路軌盡頭位於德輔道西同高陞街交界，已預留做延伸港島綫之用，詳情請參考西港島綫。

東九龍綫預留月台

內文： 東九龍綫

位於林士街地底嘅空置月台，呈南北走向，同港島綫月台成一直角。該島式月台原本預留做東九龍綫林士站之用，自上環站啟用至今一直空置，月台邊緣設有欄杆以防止乘客誤闖隧道，未裝任何路軌或架空電纜。港鐵公司將月台嘅兩面用磚牆封咗，只留低約60米（約八份之三個正常月台）嘅月台位置，設置通道連接林士街車站大堂同港島綫月台。而喺月台北面有兩條上咗鎖嘅臨時樓梯，方便清潔工人入去隧道做清潔。月台上嘅吊板、柱同埋牆上都無印站名同埋任何資料。以上各點，再加上同上環站一樣以淺棕色為車站主色，同一般車站嘅柔和燈光對照下，成個被荒廢咗嘅月台更加令人覺得陰深恐怖。

由於林士站同上環站本身嘅結構唔同（上環站以港島線圓管型設計，同其他站同樣印有毛筆字「上環」；林士站就用觀塘線及荃灣線嘅方型設計），另外港島西環一帶附近有前身為隔離精神病院嘅高街鬼屋，加上上環多咗一個荒廢月台，因此傳說林士站「猛鬼」，但隨住多方人士考究證據，呢個傳聞亦不攻自破，但就令上環站多咗份神秘感。

該月台而家係兩條單方向通道，一條由上環站2號月台（港島綫落客月台）連接林士街大堂，另一條由林士街大堂連接上環站1號月台（往柴灣方向），2條通道各設有2組共4條扶手電梯，並以圍欄分隔，互不相通。如果乘客錯誤走到連接林士街大堂的通道，則可以用林士街售票大堂嘅升降機到達上環站1號月台（往柴灣方向），再行去德輔道中大堂。

[編輯] 車站出口

上環站共設有10個出口，主要往返上環同中環嘅主要商業中心區同埋其他周邊設施。

德輔道中大堂

• A - 永樂街
  • A1 - 德輔道中、興業商業中心、安泰金融中心、嘉華銀行中心、岑氏商業大廈、東協商業大廈
    • 設有輪椅輔助車前往地面
  • A2 - 文咸東街、金銀業貿易場、荷李活道、禧利街、皇后大道中、上環文娛中心、上環市政大廈、泰達大廈、柏廷坊、東華醫院、永樂街
• B - 禧利街
  • 禧利街、中環麗栢酒店、兒童癌病基金、德輔道中、錦甡大廈、海外銀行大廈、寶軒／漢貿商業中心、東寧大廈
• C - 西港城
  • 珠江船務大廈、干諾道中、粵海投資大廈、廉政公署、西港城、豫秦商業大廈
  • 設有失明人士引導徑往返地面
• D - 港澳碼頭
  • 招商局大廈、港澳碼頭、信德中心、申訴專員公署

林士街大堂

• E - 維德廣場
  • E1 - 癌症服務中心、康健天地 - 香港聖公會福利協會、金龍中心、租庇利街、中環中心
    • 設有失明人士引導徑往返地面
  • E2 - 文咸東街、中區健康院、中遠大廈、新紀元廣場、荷李活道、蘭桂坊酒店、皇后大道中、林士街、永亨銀行大廈、永樂街
    • 設有失明人士引導徑往返地面
  • E3 - 中保集團大廈、德輔道中、李寶樁大廈、南豐大廈、先施百貨、有餘貿易中心、永安中心
    • 設有失明人士引導徑往返地面及輪椅輔助車前往大堂
  • E4 - 干諾道中、中旅集團大廈、海港政府大樓、多層停車場
  • E5 - 維德廣場

[編輯] 鄰接車站

編輯	港島綫
上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣

[編輯] 接駁交通

• 電車
• 新世界第一巴士
  • 2、4、18、26、43X、46X、M49、91、720、M722
• 城巴
  • 3B - 中環（林士街）↔ 蒲飛路
  • 其他路線：1、3B、5、5B、5C、5S、5X、7、10、37B、37X、M47、71、90B、780、788、A11、E11
• 過海隧道巴士
  • 101、104、109、111、113、115、182、307、601、603、619、905、914、930、960、961、962、962B、962X、967、968、969
• 港島專線小巴
  • 54 - 中環渡輪碼頭 ↔ 瑪麗醫院

渡輪

• 噴射飛航
  • 香港港澳碼頭 ↔ 澳門港澳碼頭
  • 香港港澳碼頭 ↔ 深圳機場
  • 香港港澳碼頭 ↔ 番禺南沙
  • 香港港澳碼頭 ↔ 深圳蛇口
  • 香港港澳碼頭 ↔ 中山
  • 香港港澳碼頭 ↔ 珠海

[編輯] 利用狀況

上環站同中環站一樣，位於中西區嘅商業區內，繁忙時間車站都有返工乘客坐港鐵。加上係港島綫總站同近住港澳碼頭，所以每日使用本站轉乘其他交通工具嘅乘客十分多。使用人士來自帝后華庭、達隆名居、文咸街和永樂街往來中環、銅鑼灣及太古城嘅住戶同埋返工人士。

[編輯] 車站歷史

上環站前身係喺1967年9月嘅《香港集體運輸研究》同1970年《集體運輸計劃總報告書》所提及嘅港島綫上環街市站。而喺1970年的方案中，同時建議喺上環街市站興建東九龍綫林士站，成為而家上環站雛型。

1980年12月，香港政府正式批准興建港島綫，終點站由堅尼地城站縮短至上環站。同1970年方案有所不同嘅係，成個車站都向地底下移幾十米，並由島式月台改做側式月台，以便保護四周建築物發展。為免興建東九龍綫終點站時會影響上環站的運作，響林士街地底預留咗該站車站大堂及月台。因1983年上半年建造嘅中環站四號月台隧道興建錯誤同埋地面建築物重建搬遷工作出現延誤，上環站未能趕及喺1985年5月31日落成，而需要延至1986年5月23日先至啟用。

另一方面，由於東九龍區人口增長放緩同埋落實搬遷啟德機場，東九龍綫嘅落實一直遙遙無期，而林士街嘅東九龍綫預留月台亦一直空置。1990年，政府更喺《香港運輸政策白皮書》提及東九龍綫原有過海路段由機場快綫取代，並重新規劃東九龍綫，意味住林士街月台將會冇用武之地。

於2003年，地鐵曾考慮使用林士街月台做西港島綫（現稱南港島綫西段，和現時計劃的西港島綫不同）嘅總站。但喺2004年3月嘅計劃中，西港島綫（現稱南港島綫西段）改喺西營盤站和港島綫延綫（現稱西港島綫）交匯，使林士街月台將來用嘅機會更渺茫。

[編輯] 未來發展

西港島綫

根據西港島綫計劃，港島綫將由上環站伸延至港島西區嘅堅尼地城站，意味住上環站將失去港島綫西端終點站嘅地位。同時，上環站而家嘅單向人流設計亦需要作出改變，以配合該站變成中途站嘅人流方向改變。 Template:西港島綫各站

將軍澳綫延綫

內文： 北港島綫、 將軍澳綫、 同 港島綫

根據《鐵路發展策略2000》的北港島綫計劃，將軍澳綫最後會接駁現有嘅港島綫，上環站將會成為將軍澳綫延伸嘅一個車站。

編輯	將軍澳綫（未來發展）
堅尼地城 - 大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 北角 - 鰂魚涌 - 油塘 - 調景嶺 - 將軍澳 < 坑口 - 寶琳 康城

林士街月台

港鐵公司擬喺2010年填平林士街月台，係上環站擴建計劃之一，填平後嘅用途仍然未定。

[編輯] 上一站‧下一站

上一站		港鐵		下一站
總站		港島綫		中環 往柴灣

[編輯] 列車班次

方向	月台	平日上晝繁忙時段	平日下晝繁忙時段	星期六上晝繁忙時段	非繁忙時段/ 星期日及公眾假期	頭班車	尾班車
往柴灣	➊	2分鐘	2.5分鐘	3分鐘	4-5分鐘	0605	0056

睇 • 論 • 改 • 歷 港鐵路線同車站 中型及重型鐵路系統車站 東鐵綫 紅磡 ■ • 旺角東 • 九龍塘 ■ • 大圍 ■ • 沙田 • 火炭 • 馬場 • 大學 • 科學園 • 大埔墟 • 太和 • 粉嶺 • 上水 • 羅湖 • 古洞 • 洲頭 • 落馬洲 觀塘綫 黃埔 • 何文田 • 油麻地 ■ • 旺角 ■ • 太子 ■ • 石硤尾 • 九龍塘 ■ • 樂富 • 黃大仙 • 鑽石山 • 彩虹 • 九龍灣 • 牛頭角 • 觀塘 • 藍田 • 油塘 ■ • 調景嶺 ■ 荃灣綫 中環 ■■■ • 金鐘 ■ • 尖沙咀 ■ • 佐敦 • 油麻地 ■ • 旺角 ■ • 太子 ■ • 深水埗 • 長沙灣 • 荔枝角 • 美孚 ■ • 荔景 ■ • 葵芳 • 葵興 • 大窩口 • 荃灣 港島綫 柴灣 • 杏花邨 • 筲箕灣 • 西灣河 • 太古 • 鰂魚涌 ■ • 北角 ■ • 炮台山 • 天后 • 銅鑼灣 • 灣仔 • 金鐘 ■ • 中環 ■■■ • 上環 • 西營盤 • 大學 • 堅尼地城 東涌綫 東涌 • 欣澳 ■ • 青衣 ■ • 荔景 ■ • 南昌 ■ • 奧運 • 九龍 ■ • 香港 ■■■ • 添馬 • 會展 • 炮台山1 機場快綫 博覽館 • 機場 • 青衣 ■ • 九龍 ■ • 香港 ■■■ 將軍澳綫 康城 • 寶琳 • 坑口 • 將軍澳 • 調景嶺 ■ • 油塘 ■ • 鰂魚涌 ■ • 北角 ■ • 天后2 西鐵綫 紅磡 ■ • 尖東 ■ • 柯士甸 • 南昌 ■ • 美孚 ■ • 荃灣西 • 錦上路 • 元朗 ■ • 朗屏 • 天水圍 ■ • 兆康 ■ • 屯門 ■ 馬鞍山綫 大圍 ■ • 車公廟 • 沙田圍 • 第一城 • 石門 • 大水坑 • 恆安 • 馬鞍山 • 烏溪沙 迪士尼綫 欣澳 ■ • 迪士尼 其他鐵路系統車站 輕鐵 (有12條路 綫嘅系統) 第1收費區 龍門 • 輕鐵車廠 • 蝴蝶 • 美樂 • 屯門碼頭總站 • 兆禧 • 屯門泳池 • 豐景園 • 兆麟 • 三聖總站 第2收費區 石排 • 鳴琴 • 建安 • 河田■ • 蔡意橋 • 澤豐 • 銀圍 • 大興南 • 大興北 • 山景北 • 山景南 • 青雲 • 青山村 • 屯門■ • 市中心 • 安定 • 友愛 • 景峰 • 新墟 • 何福堂 • 杯渡 第3收費區 兆康■ • 麒麟 • 青松 • 建生 • 田景 • 良景 • 新圍 • 屯門醫院 • 鳳地 • 鍾屋村 • 泥圍 • 藍地 第4收費區 屏山 • 塘坊村 • 洪水橋 • 坑尾村 • 天耀■ • 樂湖 • 天瑞 • 翠湖 • 天榮 • 銀座 • 天湖 • 天慈 • 天水圍■ 第5A收費區 天悅 • 天秀 • 濕地公園 • 天恆 • 天逸 • 天富 • 頌富 第5收費區 元朗總站■ • 大棠道 • 康樂路 • 豐年路 • 水邊圍 1 取代由炮台山以東嘅現有港島綫   2 取代由天后以西嘅現有港島綫 建議緊、計劃緊同起緊嘅綫同站會用斜體表示。