香港站

香港 Hong Kong

香港站東涌綫月台

區 中西區 地區 中環

通車 1998年6月21號 站類 地底 月台類 1側式月台 1島式月台 月台數 3個 出口數 9個

途經 東涌綫 機場快綫 代碼 HOK 服務時間 0540-0114 接駁交通 巴士、小巴、電車、船

街道圖 港鐵網

位於干諾道中行人隧道嘅藝術品

德輔道中嘅德忌利士街大堂

德忌利士街大堂

機場快綫市區預辦登機服務櫃檯

位於東涌綫大堂嘅自助客務機

連接機場快綫預留大堂及預留月台嘅扶手電梯預留位

東涌綫大堂

東涌綫月台

香港站C出口

香港站係港鐵機場快綫同埋東涌綫東面嘅總站，喺中環民祥街地底，車站設有3個月台同9個出口，成個車站結構同香港國際金融中心連住，另喺干諾道中近環球大廈地底設有一個南大堂通往德輔道中同埋中環商業中心區一帶。有兩條隧道去中環站。

呢個站喺環球大廈、干諾道中同埋交易廣場地底用行人隧道連接中環站，乘客可以行去中環站轉荃灣綫或者港島綫。另外，呢個站有市區預辦登機服務，亦都有免費穿梭巴士服務去中環同埋灣仔嘅酒店。

車站結構

車站樓層

香港站設有5層公開開放嘅部份，其中車站樓層大部份都喺香港國際金融中心嘅主結構入面，國際金融中心商場更同車站出口相連。香港站地面係車站出口、機場快綫市區預辦登機服務櫃檯、車站停車場同埋落客區；L1層主要係車站商店、通道通往車站停車場同機場快綫月台；L2層係機場快綫車站大堂、的士站、機場快綫穿梭巴士站、1號月台同埋預留月台用嚟第日擴建；L3層係東涌綫大堂、行人隧道連接德輔道中南大堂同中環站大堂；L4層係東涌綫嘅3號及4號月台。

另外，南大堂同時設有3層公開開放嘅部份，包括地面嘅C出口；L2層車站大堂；同埋L3層行人隧道連接東涌綫大堂或中環站大堂。

-	上蓋物業	出口、中區行人天橋系統
		香港國際金融中心、國際金融中心商場
G 地面	機場快綫 市區預辦登機	出口、客務中心
		公共運輸交匯處、車站停車場、落客區
		車站商店、洗手間
		自動售賣機、自動照相機、自動櫃員機
		市區預辦登機服務、行李寄存
L1 鋪頭	鋪頭	車站鋪頭、自動售賣機
		車站通道去車站停車場、機場快綫月台、東涌綫大堂
L2 月台	側式月台（未開放）
	預留月台	機場快綫側線
	➊	往機場／博覽館
	側式月台，右邊嘅車門將會打開
	機場快綫大堂	客務中心、車站鋪頭、廁所
		恒生銀行、自動售賣機、自動櫃員機
		的士站、機場快綫穿梭巴士站
	德忌利士街大堂	C出口、客務中心
L3 大堂	東涌綫大堂	客務中心、車站商店、自助客務機
		自動售賣機、自動照相機、自動櫃員機
		「e分鐘著數」機
	轉乘通道	東涌綫大堂收費區轉乘通道連接
		德忌利士街大堂及中環站大堂
L4 月台	➍	往東涌／迪士尼綫
	島式月台，左／右邊嘅車門將會打開
	➌	往東涌／迪士尼綫

車站大堂

本站共設有4個大堂：機場快綫市區預辦登機服務大堂、機場快綫大堂、東涌綫大堂同埋德忌利士街大堂。

機場快綫市區預辦登機服務大堂主要為乘客預先辦領登機証同埋付運行李，唔使排機場登機櫃檯，不過要注意，乘客必須預繳車資先可以用呢個服務。大堂設有航班顯示屏、行李寄存服務及車站商店，並且同國際金融中心商場相連，乘客能夠睇到航班資訊，亦可以買嘢同食嘢。

機場快綫大堂同1號月台、機場快綫穿梭巴士站以及的士站相連，乘客唔使拖住行李去月台，大堂設有行李寄存服務及車站商店，乘客可以先買嘢同食嘢，跟住入閘坐車去香港國際機場。

東涌綫大堂響香港站建築群地底，連接中環站至香港站行人隧道同香港站建築群，所以係香港站嘅核心，由中環站往返東涌綫、機場快綫月台一定要經呢個大堂。

德忌利士街大堂響德輔道中同德忌利士街地底，連接中環站至香港站行人隧道，主要方便乘客前往德輔道中、干諾道中嘅中環商業區。不過乘客成日將中環站畢打街大堂同呢個大堂混淆，其實已經係香港站範圍。

車站商店及自助服務

香港站有7-Eleven便利店、麵包糕餅店、快餐店、咖啡店、書店等零售業及恒生銀行、醫務所及行李寄存等服務。此外，香港站亦有唔少自助服務設施，包括恒生銀行及中國銀行（香港）嘅自動櫃員機、自動售賣機、自動照相機等。車站內更設有香港郵政郵箱及「iCentre」免費上網服務設施，方便乘客喺車站內寄信同上網。車站更設有「e分鐘著數」機，畀乘客買網上服務同享用港鐵友禮會嘅會員優惠。

港鐵喺2007年7月放置全港頭兩部自助客務機（英文：Self-service Point）響東涌綫大堂，協助乘客解決一般票務問題，好似唔見車票同車票或八達通卡出唔到閘等問題。客務機更設有視像系統，可由該站嘅職員協助乘客解決問題。

香港站市區預辦登機服務大堂（G）、商店及餐廳（L1）、機場快綫月台（L1）、東涌綫大堂（L3）設有由電訊盈科免費提供嘅Wi-Fi熱點，乘客可以喺等車時用手提電腦或個人數碼助理（PDA）上網。另一方面，由於機場快綫大堂係為旅客而設，因此市區預辦登機服務大堂及機場快綫大堂非收費區設有公眾洗手間，而機場快綫月台嘅收費區內，更設有手提電話叉電器。

車站月台

本站共設有3個月台同1個預留月台，各月台都設有月台幕門。而家1號月台係機場快綫月台，以側式月台設計排列，機場快綫列車到達香港站後，必須喺呢個月台同時進行上落客及行李嘅工作，屬港鐵系統中較罕有嘅設計。

1號月台嘅北面，設有1條路軌側線，畀列車調動同停泊之用，同時預留畀第時嘅2號月台用，2號月台開嘅日期要等中環第三期填海工程及香港站延展掉車隧道工程完成之後，先至可以進行機場鐵路二期嘅擴建工程，所以而家列車只可以用1號月台上落。

另一方面，位處成個香港站建築群嘅底層設有3號同4號月台畀東涌綫使用，月台以島式月台排列。東涌綫列車喺非繁忙時間同假日主要停3號月台，而繁忙時間往青衣列車主要停3號月台，往東涌列車就主要停4號月台。由於月台響東涌綫大堂下層，即係成個香港站建築群嘅底層，加上東涌綫同機場快綫收費系統唔同，因此由東涌綫月台往返機場快綫月台要兜半個車站。

車站出口

香港站設有9個出口，其中A同E出口位於國際金融中心商場第一層，連接中區行人天橋系統，方便乘客穿梭中區主要建築物同購物中心，以及去中環碼頭或其他交通工具車站，而B同C出口喺市區預辦登機大堂旁邊，F出口就位於國際金融中心商場地面，方便乘客前往香港站上落客區及鄰近街道。另外，C出口位於德忌利士街大堂，乘客可以由C出口直接去中區近德輔道中一帶嘅建築物。

國際金融中心商場第一層（P1）

• A - 國際金融中心二期
  • A1 - 交易廣場一及二期
  • A2 - 巴士總站、中環碼頭、大會堂、愛丁堡廣場、郵政總局、怡和大廈

• E - 國際金融中心一期
  • E1 - 國際金融中心一期、香港四季酒店、中環中心
  • E2 - 交易廣場三期、巴士總站、恒生銀行總行、盈置大廈

國際金融中心（地面）

• F - 國際金融中心商場
  • 國際金融中心商場

市區預辦登機大堂（地面）

• B - 交易廣場一至二期
  • B1 - 交易廣場一及二期、港景街
  • B2 - 天星碼頭、中環渡輪碼頭、大會堂、郵政總局、怡和大廈
• D - 交易廣場三期
  • 交易廣場三期、巴士總站

德忌利士街大堂（L2）

• C - 德忌利士街
  • 德忌利士街、中國銀行（香港）、協成行中心、富邦銀行、萬宜大廈、中國聯合銀行、永隆銀行

車站周邊一覽

主要大廈及購物中心 香港國際金融中心 環球大廈 交易廣場 怡和大廈 永安集團大廈 中環中心 恒生銀行總行大廈 協成行中心 創興銀行中心 會德豐大廈 華人銀行大廈 卡佛大廈 美利大廈 遮打大廈 聖佐治大廈 置地廣場 歷山大廈 東亞銀行大廈 告羅士打大廈 香港會所大廈 中銀大廈 長江集團中心 太子大廈 香港滙豐銀行總行大廈 中國銀行大廈 中保集團大廈 香港四季酒店 香港麗嘉酒店 香港文華東方酒店 公共服務及設施 中區政府合署 中區警署建築群 中國人民解放軍駐港部隊大廈 中國外交部駐港特派員公署 中環蘇豪區 中環街市 大會堂公共圖書館 孫中山紀念館 海港政府大樓 和平紀念碑 皇后像廣場 藝穗會 遮打花園 香港大會堂 香港立法會大樓 香港終審法院 香港規劃及基建博物館 香港視覺藝術中心 香港郵政總局

交通 香港站公共運輸交匯處 港鐵中環站 山頂纜車花園道纜車站 中環碼頭 中環碼頭巴士總站 交易廣場巴士總站 交易廣場小巴站 交易廣場的士站 中區行人天橋系統 中環至半山自動扶梯系統 愛丁堡廣場碼頭 民耀街 民祥街 民吉街 民寶街 民照街 民光街 金融街 港景街 康樂廣場 愛丁堡廣場 干諾道中 德輔道中 皇后大道中 德忌利士街 砵甸乍街 利源東街 利源西街 戲院里 蘭桂坊 畢打街

鄰接車站

	機場快綫
香港 - 九龍 - 青衣 - 機場 - 博覽館

	東涌綫
香港 - 九龍 - 奧運 - 南昌 - 荔景 - 青衣 - 欣澳 - 東涌

接駁交通

香港站喺中環商業中心區北面嘅填海區上，因此響車站整體設計嗰時，已經同車站上蓋國際金融中心嘅設計融合，喺國際金融中心內規劃咗一個公共運輸交匯處，喺車站地面亦設有上落客區，並喺機場快綫月台旁邊設有的士站同埋穿梭巴士站，方便往返香港國際機場嘅旅客使用。當中機場快綫旅客可憑有效憑證免費搭機場快綫穿梭巴士往返香港島各間酒店，或用八達通卡免費轉港鐵市區線去其他車站。車站同時設有2個停車場，乘客亦可以擺低架車喺香港站停車場，然後再轉機場快綫往返香港國際機場。

此外，由於地鐵起機場鐵路時，一早已經喺環球大廈地底起行人隧道連接中環站，機場快綫或東涌綫乘客可以經行人隧道轉港島綫或荃灣綫去香港島、九龍半島。

同時間，近住香港站嘅交易廣場同中環碼頭設有公共運輸交匯處或者巴士總站，乘客亦可以行去德輔道中轉巴士、小巴或電車去香港中西區、南區；同時有唔少乘客去海旁搭山頂纜車接駁巴士往返纜車站，或者行去中環碼頭轉渡輪去離島區同埋九龍半島。

接駁交通一覽

• 港鐵
  • 荃灣綫同港島綫中環站
• 電車
• 山頂纜車
  • 山頂纜車花園道纜車站
• 新世界第一巴士
  • 2、4、4X、15、25、30X、46X、66、91、590、720、722
• 城巴
  • M47 - 華富（北） ↔ 中環（香港站）
  • 其他路線：6、6X、7、11、12、37B、37X、70、71、75、90、90B、97、260、780、788、A11、A12、E11
• 過海隧道巴士
  • 307、603、681、690、692、905、914、930、960、961、962、962B、962X、967、968、969
• 機場快綫穿梭巴士
  • H1 - 港島香格里拉大酒店、港麗酒店、太古廣場、萬豪酒店、港島皇悅酒店、萬麗海景酒店、香港會議展覽中心
  • H2 - 香港華美粵海酒店、世紀香港酒店、富豪香港酒店、柏寧酒店、香港怡東酒店、六國酒店
• 港島專線小巴：
  • 1 - 香港站 ↔ 山頂纜車總站
  • 2 - 香港站 ↺ 梅道 / 舊山頂道
  • 3 - 香港站 ↔ 寶珊道
  • 3A - 香港站 ↔ 干德道
  • 10A - 中環（威靈頓街） ↔ 美景臺 / 大口環（八達通轉乘優惠）
  • 其他路線：1、1A、2、3、3A、6、22、54、55
• 渡輪
  • 中環 ↔ 馬灣珀麗灣
  • 中環 ↔ 大嶼山愉景灣
  • 中環 ↔ 南丫島榕樹灣
  • 中環 ↔ 南丫島索罟灣
  • 中環 ↔ 長洲
  • 中環 ↔ 大嶼山梅窩
  • 中環 ↔ 坪洲
  • 中環 ↔ 九龍尖沙咀
  • 中環 ↔ 九龍紅磡
• 的士

利用狀況

香港站位於中環商業中心，有地標建築同埋公司總部，加上車站同香港國際金融中心融為一體，有一定人流，亦吸引愉景灣、大澳、長沙同埋東涌去中環睇戲同埋返工嘅人。

香港站係東涌綫及機場快綫嘅總站，可以行去中環站轉車，周邊有多種交通接駁，每日繁忙時間都有唔少乘客往返新界、大嶼山、東涌或機場。

由於繁忙時間時有龐大人流來往香港站同青衣站之間，因此港鐵喺周一至周五嘅上下晝繁忙時間同周六嘅上晝繁忙時間，加開東涌綫短程班次來往香港站至青衣站。

另外，喺特殊情況下，部份東涌綫同埋機場快綫列車清客後，會暫停服務，月台將會發出廣播。

未來發展

機場鐵路二期：香港站延展掉車隧道

內文： 機場快綫

作為中環第三期填海工程嘅一部分，香港站東面將會起四條大約長500米嘅明挖回填隧道，連接香港站，叫做香港站延展掉車隧道。呢項工程旨在維持鐵路嘅安全運作，並達到更高嘅服務要求。第一段工程喺2008年年尾完成，等到第二段工程完成之後，機場快綫預留嘅2號月台亦會啟用。

由於而家搭機場快綫嘅乘客，可以由1號月台原車返機場，有啲人用票務系統嘅漏洞逃票，當工程完成後，對面預留嘅2號月台會用嚟落客，機場快綫兩個月台之間有塊牆完全分隔，有望打擊乘車唔畀錢嘅乘客。

北港島綫

內文： 北港島綫

北港島綫係香港港鐵鐵路發展研究計劃中所建議嘅一條東涌綫延綫，呢條鐵路綫由香港站開始，經添馬艦及香港會議展覽中心，連接港島綫炮台山至柴灣段，以貫通中環新填海區、灣仔北、北角同東區。 Template:北港島綫各站

上一站‧下一站

上一站		港鐵		下一站
總站		東涌綫		九龍 往東涌
		機場快綫		九龍 往博覽館
總站		荃灣綫 喺中環站度轉		金鐘 往荃灣
上環 總站		港島綫 喺中環站度轉		金鐘 往柴灣

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往博覽館	12						0550	0048
➌➍	往東涌	4-8	8	10			8-10	0601	0050
	往青衣	4		5	10		8-10	0601	0050

你可以維基同享呢類嘅媒體資源：
香港站